Россия Федерациясида энг кенг тарқалган резавор экин қулупнай ҳисобланади. Бугунги кунга қадар Россия иссиқхоналарида 700 тоннага яқин янги узилган мевалар йиғиб олинган, бу ўтган йилги кўрсаткич (600 тонна)дан 1,2 баравар ёки 16,7 фоиз кўпдир.
Саноат ишлаб чиқариши учун қулай зоналар – Марказий, Шимолий Кавказ ва Жанубий федерал округлардир. Ҳозирги вақтда Жанубий ва Шимолий Кавказнинг бир қатор субъектлари очиқ майдонда резавор йиғишни бошлади, деб хабар берди Россия Федерациясининг Қишлоқ хўжалиги вазирлиги.
Шунингдек ўқинг: Россия: йил давомида сабзавот ва картошка нархи кескин ошиб, мева ҳамда резавор нархи тушди
Саноат корхоналаридан ташқари, биринчи навбатда, Шимолий Кавказ республикаларида катта шахсий ёрдамчи хўжаликлар ишлаб чиқаришнинг муҳим ҳажмларини ташкил этади.
Ўтган ҳафта Россияда қулупнай нархи тез пасая бошлади дея хабар берди EastFruit лойиҳаси таҳлилчилари. Бозор иштирокчиларининг фикрига кўра, ушбу резаворни очиқ ердан етказиб бериш тез суръатда ўсиб бормоқда, бу эса ишлаб чиқарувчиларни қулупнай нархларини пасайтиришга мажбур қилмоқда.
Жорий мавсумда баҳорнинг сўнгига қарамай, Россия бозоридаги мевалар нархи ўртача 24% пасайган.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
