Қозоғистон Миллий аграр тадқиқот университети (ҚозМАТУ)да олим Сергей Олейченконинг “Чаканда экинини юқори самарадорлик билан етиштириш” лойиҳаси тақдимоти ўтказилди. Ушбу лойиҳа тугалланди ва келгусида тижоратлаштириш учун тайёр. Бу ҳақида университет ректори Тлектес Есполов ElDala.kzга хабар берди.

«Чаканданинг биокимёвий ва фармакологик қийматини бошқа боғдорчилик экинлари билан солиштириб бўлмайди. Бугунги кунда озиқ-овқат, фармакология ва косметология саноатида чаканда барги ва ҳатто ёғочидан ҳам муваффақиятли фойдаланилмоқда”, деб ёзди Тлектес Есполов Facebookдаги саҳифасида.

У шунингдек, чаканда етиштиришнинг қатор салбий жиҳатларини қайд этди: плантациялар унумдорлиги ошишининг сустлиги, паст ҳосилдорлик ва сезиларли меҳнат юкламаси – бу, айниқса, ҳосил йиғим-терими вақтида янада кўпроқ кўзга ташланади. Ривожланган мамлакатларда ушбу жиҳатлар плантация майдонларининг ўсишини сустлаштирадиган асосий омилдир. Қозоғистонда эса чакандани тижорат мақсадларида етиштириш ҳозирча амалга оширилмаяпти.

Шунингдек ўқинг: Сифатли суғориш тизимисиз чаканда (облепиха) етиштириш иқтисодий жиҳатдан самарасиздир – Федор Прима

Барча омиллар ҳисобга олинган ҳолда ҚозМАТУ олимлари чаканда етиштиришнинг самарали технологиясини таклиф қилишди.

«Экин экилганидан кейинги учинчи йилда 40 т/га ҳосил олинишини кафолатлаймиз, уни ҳосил билан бирга ўриб, стационар тарзда йиғиб олиш мумкин. Йиғим-терим жараёнида қуруқ вазни 5-7 т/га га етадиган барглар ва ёғочлар ҳам олинади. Бу технологиямизнинг яна бир афзаллиги, у чиқиндисиз, демак, юқори даражада экологик соф”, дейди Тлектес Есполов.

Унинг сўзларига кўра, технология тақдимоти чоғида потенциал инвесторлар ушбу лойиҳани молиялаштиришда иштирок этишга катта қизиқиш билдирган. Олимларнинг фикрича, ишланма инвесторлар ва фермерларга инвестициялардан тез фойда олинишини кафолатлайди.

Бундан ташқари, ҚозМАТУ  негизида чаканда кластерини яратиш режалаштирилмоқда. У ерда ўқув семинарлари ва биотехнологик лабораторияда чаканданинг энг яхши навларини жадал кўпайтириш бўйича семинарлар ўтказилади.  Кейин кўчатлар ақлли иссиқхонада ўстирилади. Бунинг натижасида фермерлар virus free тоифасидаги сертификатланган экин материалини олишлари ва чаканда етиштиришнинг янги технологиясини жорий қилишлари мумкин бўлади.

Сообщение Қозоғистон олимлари чаканда етиштиришнинг янги технологиясини ишлаб чиқишди появились сначала на EastFruit.

FarmDroid жаҳондаги биринчи тўлиқ автоматик робот бўлиб, у ҳам экин экиш, ҳам бегона ўтларга қарши механик курашиш билан боғлиқ юмушларни бажаради. Робот фермерларга экин экиш ва қишлоқ хўжалиги экинларини бегона ўтлардан тозалаш харажатларини камайтиришга ёрдам беради. Ва у мазкур вазифаларни экологик жиҳатдан нейтрал, тоза усулда бажаради.

FarmDroid ApS компаниясига Йенс ва Кристиан Уорминглар Innovatoinsmiljøеt Syddansk А/S ҳамда роботлар бўйича мутахассис – Эсбен Остергаард билан ҳамкорликда асос солишган.

2020 йил баҳорида FarmDroid Европанинг кўпгина қисмида 1500 гектардан ортиқ майдонга экин экиб, далаларни бегона ўтлардан тозалади.

Келажак қишлоқ хўжалиги: у қандай ишлайди?

FarmDroid FD20 – бу қуёш батареясида ишлайдиган дала роботи бўлиб, у экин экиш маҳали ўсимликларнинг жойлашувини белгилаш учун GPS сигналидан фойдаланади, сўнгра ҳам қаторлараро, ҳам қаторларнинг ўзида бегона ўтларга қарши механик курашни амалга оширади.

Экин экишдаги ноёб аниқлик ҳосилни бегона ўтлардан тозалаш имконини бериб, бегона ўтларни қўлда тозалаш заруратини камайтиради ёки бунга умуман ҳожат қолдирмайди.

Тўртта қуёш панели аккумулятор батареялари учун энергия ишлаб чиқаради ва кунига 24 соатгача CО2 ажралиб чиқишининг ноль даражаси билан ишлашни таъминлайди. Шундай қилиб, FarmDroid FD20 га мавсум давомида далада ишлаш имконини берувчи ташқи аккумуляторни зарядлашнинг ҳожати йўқ.

FarmDroidнинг афзалликлари:

• Қанд-лавлаги, озуқ лавлагиси, пиёз ва рапс каби экинларни тўлиқ автоматик экиш, бегона ўтлардан тозалаш.
• Бегона ўтларни йўқ қилишдаги аниқлик юқори ҳосил олинишини таъминлайди, мураккаб ва такрорий қўл меҳнатига бўлган эҳтиёжни камайтиради ёки бунга умуман ҳожат қолдирмайди.
• FD20 GPS технологиясидан фойдаланади. Ушбу технология ҳар бир экилган уруғнинг жойлашган ўрнини аниқлаш учун ишлатилади, шу боис ҳам, FD20 экинлар ёки бегона ўтларни таниб олиш учун камера кучига таянмайди.
• Ўсимликлар униб чиқмасиданоқ, бегона ўтларни тозалашни бошлаш мумкин, чунки, робот экин экиш жараёнида уруғлар қаерда жойлашганини «кўради», шу боис, қаерни бегона ўтлардан тозалашни яхши билади.
• Роботнинг енгил вазни тупроқ микротузилмасини бузмайди.
• Ўзини-ўзи бошқариш ва автоматик ўрнатиш хусусияти туфайли мониторингга ҳожат йўқ.

Робот қандай ишлашини кўрмоқчи бўлсангиз – видеони томоша қилинг:

Фото ва видео манбаси: FARMDROID расмий сайти

Сообщение FarmDroid далада – келажак қишлоқ хўжалиги «ишчи»си (видео) появились сначала на EastFruit.

Ёнғоқ ҳосили йиғиб олиниб, саноат корхоналарида пўстлоғидан тозалангач, кўплаб чиқитлар қолади. Қаттиқ, юпқа ва жуда секин парчаланадиган ёнғоқ пўстлоғи, одатда, чиқиндига ташланади. Аммо Вашингтон давлат университети олими Викрам Ядама шкаф, стол ва бошқа мебель қисмлари учун мустаҳкам панеллар ясашда ёнғоқ пўстлоғини қайта ишлашнинг янги усулини топди.

WSU композит материаллар муҳандислик марказида Ядама ва тадқиқотчилар гуруҳи пўстлоқ, тола ҳамда сомон каби қишлоқ хўжалиги чиқиндиларини смола билан мустаҳкамланган меъморий ҳамда декоратив панелларга айлантирмоқда. Прессланган толали панеллар ишлаб чиқаришда фундук пўстлоғини ҳам синовдан ўтказаётган ишлаб чиқарувчилардан бири ушбу технологияга қизиқиб қолган, деб хабар бермоқда АgrоХХI.

«Стол ёки шкафлар учун панеллар ясаётганингизда бир нечта жиҳатлар жуда муҳим», дейди Ядама.

«Панеллар муайян бир оғирликдаги юкка бардош берадиган даражада мустаҳкам бўлиши керак. Улар винтлар ёки маҳкамловчи деталларни ушлаб туриши лозим, шунингдек, вақт ўтиши билан оғирлик туфайли эгилувчанлик даражаси минимал бўлиши зарур. Ва албатта, чиройли бўлиши ҳам муҳим».

Ўрмон ёнғоғи экологик жиҳатдан хавфсиз ва мустаҳкамлик, маҳсулдорлик ҳамда гўзаллик уйғунлигини намоён этади, прототип-панелларга ажойиб қизғиш-жигарранг тус беради.

«Пўстлоқ таркибида жуда кўп углерод мавжуд», дейди Ядама. «Уларнинг парчаланишини тўхтатсангиз, углерод ажралишини кечиктирасиз.  Агар биз материал чиқиндига тушишининг олдини олсак ва шу билан бирга, кўпроқ дарахтлар ўстиришда давом этсак, бу  бизга узоқ муддат ёрдам беради”.

Жамоа ҳозир панелдаги  смола миқдорини минималлаштириб, табиий ингредиент миқдорини максимал даражада ошириш устида ишламоқда. Шу билан бирга, охир-оқибат, углерод чиқиндиларининг нейтрал даражаси билан биологик асосдаги смолаларни қўллаш режалаштириляпти.

Лойиҳани шу йил қишда якунламоқчи бўлган Ядама ҳам маҳсулот, ҳам тижорат миқёсида кенгайтирилиши мумкин бўлган ускуна прототипини ишлаб чиқмоқда. Ишланма муваффақиятли бўлса, мижозлар тез орада ёнғоқ пўстлоғидан тайёрланган стол ёки стул сотиб олишлари мумкин.

“Бу ҳамкорларимиз билан  фундук қобиғидан янги  панеллар яратиш борасидаги ажойиб тажриба бўлди. Архитектура ва дизайн мижозлари биз кўрсатган прототипларни жуда ёқтиришди ва биз ушбу янги турдаги материални ишлаб чиқаришга тайёрлаб бўлгач, катта муваффақиятга эришишни кутмоқдамиз”, дея хулоса қилди у.

Сообщение Фундук пўстлоғидан мебель – америкалик тадқиқотчилардан янги технология появились сначала на EastFruit.

Заъфарон ҳамиша жаҳондаги энг қиммат зиравор саналган ва шундай бўлиб қолади. Бироқ, Украина маҳсулотининг сифатини бозор ҳануз  тушуниб етмади, чунки, ишлаб чиқарувчилар ҳозирча маҳсулотнинг етарли ҳажмини таъминлай олмаяпти. Шунга қарамай, Украинада заъфарон етиштириш ривожланмоқда. Бу фикрни “Чистый продукт” компанияси директори Сергей Парашенко Бровари (Киев вилояти, Украина)да иш бошлаган #FTradeClub – 2021 тадбирида EastFruitга берган эксклюзив изоҳида билдирди.

Тадбир EastFruit халқаро таҳлилий платформаси ва Украина мева-сабзавот ассоциацияси (УМСА)нинг ахборот кўмагида “АПК-Информ: Сабзавотлар ва мевалар” лойиҳаси томонидан ташкил этилди.

“Буни қисман фермер хўжаликлари асосий фаолият йўналиши билан бир қаторда нишали йўналиш бўйича ҳам шуғулланиш зарурлигини тушуна бошлагани билан изоҳлаш мумкин. Заъфарон – худди шундай экин. Қолаверса, бугун Украинада заъфаронни оммавий етиштириш учун бирор услубнинг ўзи йўқ», дейди Сергей Парашенко.

Парашенко, шунингдек, ўз компанияси ҳозирги кунда 0,2 гектар майдонда заъфарон етиштириш бўйича тажриба лойиҳасини амалга ошираётганини айтди. Лойиҳанинг мақсади – Украина иқлим зонасида ушбу ҳосилни етиштиришни тўлиқ ўрганиш, заъфарон етиштириш ва мазкур ноёб ўсимликнинг пиёзларини саноат усулида кўпайтириш бўйича аниқ тавсияларни ишлаб чиқишдир», дейди Сергей Парашенко.

«Чистый продукт» компанияси директорининг сўзларига кўра, бевосита экин етиштиришни бошлашдан аввал у 3 йил давомида Херсон вилоятидаги танишларидан тажриба ўрганган.

Шунингдек ўқинг: Грузиялик тадбиркор: «Жаҳон бозорида заъфароннинг оддий тури кўп, аммо органик заъфарон юксак қадрланади ва жуда талабгир»

“Дастлаб иқтисодий таркибий қисмни ҳисоб-китоб қилар эканман, мен бу экинни етиштириш бўйича жуда кам  рақамларни мўлжал қилдим. Шунга қарамай, фермер хўжалигимизда етарлича ижара ерлари мавжудлигини инобатга олиб, бирор-бир узоқ муддатли лойиҳани йўлга қўймоқчи бўлдим. Шундай қилиб, мен заъфарон етиштириш мавзусини чуқурроқ ўргана бошладим.

Заъфарон биз аввалдан етиштириб юрган бир бошли саримсоққа ўхшайди –  пиёзининг тузилиши бир хил. Шунингдек, унинг мева бериш муддати тахминан 7 йил.

Экин материалини Украинада сотиб олдик. Бундан ташқари, бозорда нархи қимматроқ Голландиядан келтирилган экин материаллари ҳам мавжуд. Биз 28 сентябрда заъфарон пиёзларини экдик ва экин 19 октябрда гуллади. Кўриб турганингиздек, заъфарон жуда тез ўсадиган экин. Биз энди 0,2 гектар майдондан 1 кг зиравор йиғиб олишимиз мумкин», дейди Сергей Парашенко.

Сергей Парашенко Украинада заъфарон етиштиришнинг нюансларига ҳам эътибор қаратди. Шундай қилиб, агар ўсимлик пиёзларини экишнинг умумий қабул қилинган чуқурлиги 8 см ҳисобланса, у ҳолда украиналик заъфарон етиштирувчининг фикрига кўра, ернинг ўзига хос хусусиятларидан келиб чиққан ҳолда тахминан 5 см чуқурлик етарли бўлади.

«Бугун биз заъфарон етиштириш жуда истиқболли ниша эканини тушундик, чунки, бу экиннинг харидорлари доим топилади. Шу билан бирга, «Чистый продукт» заъфарон етиштиришдан манфаатдор бўлган барча қишлоқ хўжалиги ишлаб чиқарувчиларини ҳамкорликка таклиф қилади – бизнинг ҳамкорлар билан барча муносабатларимиз доимо ишонч асосига қурилади», дейди Сергей Парашенко.

Сообщение Украинада заъфарон экини парвариши бўйича бирор услубнинг ўзи йўқ, аммо уни етиштириш тобора ривожланмоқда появились сначала на EastFruit.

Мева-сабзавотлар ҳосилини йиғиб олишдан кейинги босқич уни муваффақиятли  сотишдир. Фермер юқори сифатли картошка ёки сабзавот йиғиб олган тақдирда ҳам ташиш ёки сақлаш вақтидаги шикастланиш туфайли маҳсулот таннархи пасайиши ёки ҳатто унинг товар сифатидаги қиймати йўққа чиқиши мумкин. Маҳсулотни сақлаш жараёнида технологияга риоя қилиш бундай хатоларнинг олдини олишга ёрдам беради. Бу борада икки асосий омил бор, дейди сақлаш ускуналарини етказиб берувчи «Ван Дайк Техникc» компаниясининг тижорат директори Андрей Марушак.

“Аввало, мева-сабзавот сақлаш жойи шифохона эмаслигини англаб етиш керак. У ерга тушадиган маҳсулот мутлақо соғлом ва сифатли бўлиши лозим. Маҳсулот сифати қанчалик яхши бўлса, у шунча яхши сақланади, профессионал сақлаш ускуналари билан бирга, албатта. Бу иккинчи жиҳат. Бошқа барча омиллар билвосита таъсир кўрсатади ва айни мезон асосийси ҳисобланади. Ахир, дўкондан сифатсиз сабзавотни сотиб олганингиздан сўнг у уйга келгач, музлатгичда яхши бўлиб қолишини кутмайсиз-ку», дейди Андрей Марушак  SEEDS учун шарҳида.

Фақат юқори сифатли ускуна сотиб олиш эмас, балки у ёки бу маҳсулотни сақлаш технологиясини тушуниш ҳам муҳимдир.

“Масала ҳатто сақлаш жойларининг ишлаши ҳақида эмас, балки сақлов жараёнининг ўзи нима эканини тушуниш ҳақида. Биз буни ўргатамиз, чунки, профессионал ускуналар сотамиз. Мутахассисларимиз муайян бир маҳсулот билан нима қилиш кераклиги ва у ёки бу чорани қайси нуқтада қўллаш кераклигини тушунтиришади. Албатта, нима қилаётганини тушунмай, маҳсулот сифатини бузиб қўядиган масъулиятсиз одамлар ҳам бор. Аммо бу қоидадан истисно, чунки, агар сиз мурватларни бураш ёки қўл режимини ёқиш орқали дуч келиниши мумкин бўлган йўқотишларни ҳисобласангиз, бу жуда қимматга тушади», дейди мутахассис.

Шунингдек ўқинг: Картошканинг сифат кўрсаткичларини сақлаб қолиш – нимага эътибор қаратмоқ керак?

Сақлашдаги хатолар омборхонани лойиҳалаш босқичидаёқ юзага келиши мумкин. Шунинг учун лойиҳани ишлаб чиқиш босқичидан бошлаб қурилиш жараёнига ҳамроҳлик қиладиган ва омборхоналар ишга туширилгач, юқори сифатли хизмат кўрсатадиган компанияга алоҳида эътибор қаратиш керак.

“Лойиҳалашдан аввал етказиб берувчини танлаш лозим. Бу хориждаги технология етказиб берувчилар билан алоқалари бор компания бўлиши керак. Масалан, Голландия компаниялари бўлиши мумкин, чунки, ушбу мамлакатда кўп йиллар давомида технологиялар ишлаб чиқилмоқда. У ерда мазкур соҳа аллақачон сайқалланган”, дея қайд этади Андрей Марушак.

«Муаммо шундаки, украиналик етказиб берувчилар, кўпинча,  буюртмачиларга эргашишади ва натижада, ўзларига керакли нарсаларни ололмайдилар. Шу боис, ускуналарни харид қилиш босқичида эмас, лойиҳалаш босқичидаёқ, омборхонани   бекаму кўст жиҳозлаш борасида маслаҳат бера оладиган етказиб берувчини танлай билиш керак. Зеро, назарий жиҳатдан ҳамма нарса қилиш мумкин, аммо амалда ҳар бир хўжалик шароитида алоҳида ёндашув зарур. Баъзан, ҳаммаси технологияга мувофиқ ишлаши учун ускунани «мослаштириш» керак. Бу лойиҳа нархи ошишига олиб келади, аммо агар шундай қилинмаса, маҳсулотни сақлаш жойида шунчаки бой бериб қўйиш ҳам мумкин», дейди мутахассис.

«Ван Дайк Техникс» 30 йилдан буён пиёз, саримсоқ, картошка ва бошқа сабзавотларни сақлаш, резаворларни музлатиш ва ҳоказолар  бўйича етакчи голланд технологияларини етказиб берувчи компания ҳисобланади. У 2007 йилдан бери Украина бозорида фаолият юритмоқда.

Сообщение Андрей Марушак: сабзавот сақлаш омбори шифохона эмас – у ерда сифатсиз маҳсулот «тузалиб» қолмайди появились сначала на EastFruit.

Украинада ноёб суперфуд – резавор пасталари ишлаб чиқарилмоқда. Ушбу маҳсулотларнинг саломатликка ижобий таъсири илмий тадқиқотларда исботланган. Резавор пасталари фаол экспорт қилинмоқда ва канадалик ишлаб чиқарувчилар  Шимолий Америкада ушбу пасталарни ишлаб чиқариш учун Украина технологиясини қўллашди. Соғлиқ учун фойдали бу ширинликларнинг машҳурлиги нимада? Уларнинг ўзига хослигига-чи, сабаб нима? Бу хусусда SEEDS нашрига мўъжизавий паста ишлаб чиқарувчи LiQberry компаниясининг маркетинг бўйича директори Евгения Нечитайло маълум қилди.

Қорағат (черника), чаканда (облепиха), клюква, малина ва бошқа резаворлардан тайёрланган Украина суперфудининг жаҳонда муқобили йўқ. Ҳамма гап ишлаб чиқариш технологиясида – уни Украина олимлари ихтиро қилган бўлиб, HTD-technology деб аталади.

“Жаҳон бозорида шунга ўхшаш маҳсулотлар бўлиши мумкин. Лекин, ишонч билан айта оламанки, айнан Украинанинг ноёб технологияси бўйича ишлаб чиқарилган маҳсулотлардек ёки улардан кўра фойдалироқ бошқа бири йўқ. Одатда, жем ва пастила ишлаб чиқарувчилар имкон қадар мева ёки резаворларнинг фойдали элементларини сақлаб қолишга ҳаракат қилишади. Лекин улар буни уддалай олишмайди, чунки, маҳсулот узоқ вақт давомида сақланиши учун юқори ҳароратда ишлов берилади, музлатилади ёки консервантлар қўшилади, бу эса озуқавий моддалар йўқ бўлиб кетишига олиб келади.  Бизнинг технологияда  юқори ҳароратдан фойдаланилмайди (ҳарорат 70 даражадан ошмайди).

Кавитация (микропуфакчалар ёрдамида суюқ муҳитдаги гидрозарба) усули резавор пасталарига шакар, сув ёки консервантлар қўшмаслик имконини беради. Ноёб техника туфайли данакларни майдалаш мумкин. Айнан данакларда кўплаб қимматли микроэлементлар мавжуд, зеро, табиат улардан янги ўсимлик униб чиқиши учун таркибига қимматли энергияни жойлаган. Резаворлар данаги антиоксидантлар, Омега 3-6-9, Е витамини ва полифенолларга бойдир. Аммо янги узилган резаворлар ёки айтайлик, мураббо истеъмол қилинганда бу фойдали элементлар организмга кирмайди, чунки, биз данакларни юта олмаймиз. Кавитация туфайли данакларнинг «энергиясини чиқариш»га ва уни инсон танасига етказишга муваффақ бўлдик», дейди Евгения Нечитайло.

Резавор пасталари таркиби дори ёки витамин комплекслари билан бир хил. Шунинг учун улар нафақат дўконлар, балки дорихоналарда ҳам сотилади.

“Пасталар таркибида мавжуд бундай миқдордаги озуқа моддаларни истеъмол қилиш синтетик витаминларнинг сифатли муқобилидир. Бу функционал овқатланишнинг бир қисми – яъни, табиий, таблетка ёки капсулалардан ҳоли маҳсулотни истеъмол қилиш демакдир. Функционал овқатланиш билан боғлиқ узоқ муддатли амалиётдан сўнг шифобахш, терапевтик таъсир кузатилади. Шундай қилиб, резавор пасталари шунчаки мазали маҳсулот эмас, улар баъзан дори-дармонлардан ҳам афзал соғлом таомдир (масалан, кўриш қобилиятини яхшиловчи ва қон босимини барқарорлаштирувчи қорағат (черника) пастасининг фойдали жиҳатлари ҳақида сўз бормоқда)», дейди LiQberry компаниясининг маркетинг бўйича директори.

Кузги шамоллаш ва пандемия даврида маҳсулот жуда долзарб аҳамиятга эга.

“Пасталар иммунитет тизими учун кучли рағбат, шу боис, уларнинг рационимиздан жой олиши бугунги шароитда ҳар қачонгидан ҳам муҳимдир.

Агар киши иммуномодуляторлар истеъмол қилса, унинг организмида жуда кўп миқдорда лейкоцитлар пайдо бўлади. Мунтазам равишда паста истеъмол қилинганда эса организм янада мажмуавий ва мақсадли реакция билдиради», дейди Евгения.

Компания ташкил бўлганидан буён, яъни 8 йил давомида маҳсулот ассортиментини етарлича кенгайтирди. Энди у ерда ҳар хил турдаги резаворлардан ширинликлар тайёрлаш билан бирга, асал қўшилган пасталар ҳам ишлаб чиқарилмоқда.

“Менинг севимли пасталаримдан бири –  қорағатлиси. Уни бренднинг амбасадори деб аташ мумкин, чунки, қорағат (черника) савдо флагманидир. Айнан шу маҳсулот бўйича биз энг кўп тадқиқотларни ўтказганмиз. Масалан, паста истеъмол қилишнинг кўриш қобилиятига таъсири Украина МТФАнинг В.И. Филатов номидаги Кўз касалликлари ва тўқималарини даволаш институтида ўрганилди. Бошқа фойдали резаворлардан тайёрланган пасталар ҳам машҳур. Масалан, чаканда (облепиха) C, Е витаминлари, токоферолларнинг юқори концентрациясини жамлаган. Брусника ва клюква бебаҳо табиий антибиотиклардир ва улар қон босимини пасайтиришга ёрдам беради”, дейди компания вакили.

“Яқинда янги маҳсулотлар – асал қўшилган резавор пасталари ишлаб чиқарилишини йўлга қўйдик. Улар ҳам оммалашиб кетди. Биз органик пасталарга 10% асал қўшишимиз мумкин. Маҳсулот ишлаб чиқаришда юқори ҳароратдан фойдаланилмайди, шунинг учун асал барча фойдали хусусиятларини сақлаб қолади. У маҳсулотга янада  ширин таъм ва янги хусусиятлар беради”, дейди LiQberry компаниясининг маркетинг бўйича директори.

Евгения Нечитайлонинг сўзларига кўра, украиналиклар орасида рационал овқатланиш ва соғлом маҳсулотлар, хусусан, резавор пасталарига қизиқиш ортиб бормоқда.

“Компания бозорда 8 йилдан бери фаолият юритади. Шу вақт ичида соғлом овқатланишга бўлган қизиқиш ортиб, бизнинг маҳсулотларга талаб даражаси ўсди. Савдо ҳажми ҳозирги пайтда йилига + 15% га ўсиб бормоқда. Карантиндан аввал биз Япония ва Европа бозорига маҳсулот экспорт қилишга эътибор қаратган эдик, аммо ҳозир бу бироз қийин, шу боис, кўпроқ ички бозор билан чекланяпмиз. Биз пасталарни супермаркетлар тармоғи орқали сотамиз. Маҳсулотларимиз суперфуд пештахталари ёки соғлом озиқ-овқат бўлимларига жойлаштирилади. Шунингдек, улар дорихоналарда, ихтисослаштирилган органик озиқ-овқат дўконларида сотилади. Бундан ташқари,  маҳсулотларимизни ўз савдо майдончаларимиз ва Интернет орқали ҳам сотамиз», дейди компания вакили.

Ҳозир резавор пасталарини ишлаб чиқарувчи завод  нафақат Украинада, балки Канадада ҳам мавжуд.

“Бизнинг кавитация усулида ишлашимиз канадаликларда қизиқиш уйғотди. Бу мамлакатда қорағат (черника) пастаси  ишлаб чиқариладиган завод очдик. Маҳсулот Монреалдаги органик маҳсулотлар танловида иккинчи ўринга сазовор бўлди. Аммо биз Украинада ишлаб чиқараётган пастанинг сифати юқорироқ, чунки, Канадада саноат мақсадларида етиштирилган резаворлар ишлатилади. Биз эса кўпроқ фойдали элементларни жамлаган ёввойи ҳолда ўсувчи қорағатни қайта ишлаймиз”, дейди Евгения Нечитайло.

Сообщение Суперфуд – Украинада ноёб технология асосида резавор пасталари ишлаб чиқарилмоқда появились сначала на EastFruit.

Днепропетровск вилояти (Украина)нинг «СамоСад» фермер хўжалиги меваларнинг табиий рангланиш жараёнидан фойдаланган ҳолда принтли олма етиштирмоқда.

Бу хусусда АgroTimes «Украинча боғдорчилик» журнали ҳаволасига таяниб ёзди.

Фермер хўжалиги соҳиби Назар Герасимчук рафиқаси Татьяна билан бу бизнесни дарҳол йўлга қўя олмаган – ушбу технологияни синов ва хатолар йўлидан ўтгачгина ишга туширишга эришишди.

«СамоСад» фермер хўжалиги соҳиблари Назар ва Татьяна Герасимчуклардир.

«Бундай олмани яратиш ғояси УБМУ (Уман боғдорчилик миллий университети)да ўқиб юрган кезларимиз пайдо бўлган», дейди «СамоСад» соҳиби. «Биз бундай технологиялар борлигини узоқ вақтдан бери биламиз, турли семинарларда, хусусан, Польшада у ҳақида эшитганмиз.»

Герасимчукнинг сўзларига кўра, тўлиқ қизғиш рангли навлар логотип яратиш учун жуда мос келади. Масалан, «Гала» чизиқли бўлгани учун сифатли принт яратиб бўлмайди.

«СамоСад» биринчи навбатда оммавий навларга эътибор қаратади, масалан, «Жонапринц»ни олайлик, у ранг-баранг, мевалари катта ва ҳар доим яхши нақш бера олади.

Сообщение Украиналик боғбонлар принтли олма етиштиришни ўзлаштиришди (фото) появились сначала на EastFruit.

Энди қишлоқ хўжалигида қўлланилаётган илғор технологиялар ёрдамида фермадаги меваларнинг аниқ ҳажмини, шунингдек, уларнинг катталигини билиш мумкин. Гап Исроилда яратилган ва гиперспектрал камера билан жиҳозланган, далани таҳлил қилувчи FruitSpec тизими ҳақида бормоқда. Ушбу технология илк бор Испанияда ишга туширилган бўлиб, Каталония, Арагон, Валенсия ва Андалусиянинг аграр минтақаларида фойдаланилмоқда, деб ёзади EastFruit FreshPlaza материалларига таяниб.

“Тизимда инсон кўзига қараганда анчагина устун бўлган ишчи диапазонига эга гиперспектрал камерадан фойдаланилади, – дейди FruitSpecнинг Испаниядаги сотувлар бўйича менежери Ана Мария Трифу. – Мева ҳали яшил ғўра пайтидаёқ, катталиги 30 миллиметрга етган вақтдан бошлаб сканерлаш мумкин. Данакли меваларда бундай тез пишиш бизга, масалан, сийраклашув даражасини аниқлаш имконини беради. Мева 45 миллиметрга етгач, биз иккинчи сканерлашни амалга оширамиз ва бу ҳажмларни, уларнинг диаметр бўйлаб тақсимланишини баҳолаб беради. Маълумотлар булутли технологиялар ёрдамида Исроилга юборилади ва у ерда ҳисобот тайёрланади. Ушбу ҳисобот 4-5 кун ўтгач юборилади”.

Шунингдек ўқинг: Aмерикалик қулупнай етиштирувчи фермер далада теримчи роботни ишга солди (видео)

Исроилнинг FruitSpec компанияси ушбу технологияни 5 йил аввал ишга туширган бўлиб, ўз мамлакатида, Қўшма Штатларда, Чили ва Жанубий Африкада, шунингдек, бошқа мамлакатларда йирик лойиҳаларни амалга оширди. “Март ойидан бошлаб, биз уни Испанияда – Каталониянинг мева хўжаликларида татбиқ қилмоқдамиз. Биз данакли мева етиштирувчи фермаларга хизмат кўрсатамиз. Келаси мавсумга тайёргарлик кўриш учун ишни ўз вақтида бошлашга умид қилмоқдамиз. Биз олма фермаларида ҳам ишлаганмиз, энди эса ушбу технологияни цитрус мевалар ва узумчилик хўжаликларига олиб кириш ниятидамиз. Дала шароитида меваларни сотиб оладиган маркетологлар бизга катта қизиқиш ва иштиёқ билдиришмоқда, чунки бу уларга мева етиштирувчилар билан аниқ маълумотлар асосида нархни келишиш имконини беради”, дейди Ана Мария.

Гистограммалар ҳар бир катталикдаги данакли меваларни фоизда акс эттиради, участка харитасида эса мевалар кўп ёки кам бўлган ҳудудлар кўрсатилган.

“Мазкур технология ҳосилни ва маркетингни янада яхшироқ режалаштириш, логистика ва қадоқлаш харажатларини оптималлаштиришга ёрдам беради. Биз ишни далада бажарамиз, аммо ҳақиқий иш офисда бўлади. Кўз чамалаб қарорлар қабул қилиш вақти ўтди, энди 90-100 фоиз аниқликдаги маълумотларга таянган ҳолда фикр юритиш керак. Мижоз бизни хизматимизга қизиқиш билдирган пайтда, биз сканерлашни амалга ошириш учун ўз ускуналаримиз билан етиб борамиз. Биз участкаларнинг майдони ва жойлашувига қараб индивидуал бюджет таклиф этамиз. Кичик-кичик боғлар билан ҳам, йирик плантациялар билан ҳам ишлаганмиз.

Сообщение FruitSpec Исроил технологияси меванинг бўлажак ҳосили ҳажмини ва мевалар катталигини прогноз қилиш имконини беради появились сначала на EastFruit.