2021 йилда Туркиядан помидор ва помидор маҳсулотлари экспорти ҳажми 729 миллион долларни ташкил этди. Экспортёрлар бу кўрсаткични 2023 йилга қадар бир миллиард долларга етказишни режалаштирмоқда.

Туркиянинг Эгей минтақаси экспортёрлари уюшмаси ҳаволасига таяниб, “Анадолу” агентлигининг хабар беришича, Туркияда йилига ўртача 14 миллион тонна помидор етиштирилади. Ва мазкур мамлакат ушбу турдаги қишлоқ хўжалиги маҳсулотини етиштириш бўйича жаҳонда етакчи давлатлардан бири ҳисобланади.

Сархил помидор билан бир қаторда ушбу сабзавотдан тайёрланган қатор маҳсулотлар, хусусан, томат пастаси, қуритилган помидор, музлатилган помидор, кетчуп, соус ва шарбатларга талаб тобора ортиб бормоқда.

2021 йилда помидор ва помидор маҳсулотлари экспорти 729 миллион долларни ташкил этди, бу ўтган йилга нисбатан 20 фоиз кўп кўрсаткичдир. Сархил помидор экспорти умумий экспорт ҳажмининг 49,7 фоизини ташкил этди.  Демак, 2020 йилда сархил помидор экспорти 313 миллион долларни ташкил этган бўлса, 2021 йили бу кўрсаткич 16 фоизга ошиб, 363 миллион долларга етди.

2022 йилда ҳам помидор экспорти сезиларли ўсишни кўрсатди. 2022 йилнинг январь ойида экспорт 2021 йилнинг шу даврига нисбатан 23 фоизга ошиб, 43,6 миллион долларга етди.

Ўтган йили Туркия жаҳоннинг 53 давлатига сархил помидор экспорт қилди. Россия асосий импортёрга айланди (68 миллион доллар), кейинги ўринлар Руминия (58 миллион доллар) ва Болгария (41 миллион доллар)га тегишлидир.

Помидор пастаси экспорт бўйича сархил помидордан кейин иккинчи ўринни эгаллади (208 миллион доллар). Томат пастаси экспортининг ўсиши 32 фоизни ташкил этди. Ироқ томат пастасининг асосий импортёрига айланди (120 миллион доллар), Италия 18 миллион доллар билан бу борада иккинчи ўриндаги мамлакат бўлди. Германия эса учинчи ўринда – 11,5 миллион долларлик маҳсулот импорт қилган. Шундай қилиб, Туркия 122 давлатга томат пастасини экспорт қилган.

Сообщение Туркияда 2023 йилга қадар помидор ва помидор маҳсулотлари экспортини 1 миллиард долларга етказиш мақсад қилинган появились сначала на EastFruit.

Ўрта ер денгизи ошхонасининг ажралмас таркибий қисми саналмиш қуритилган помидордан Туркиянинг экспорт даромади 2021 йилда 97 миллион долларга етди.

Бу хусусда Туркиянинг Эгей минтақаси Сархил сабзавот ва мевалар экспортёрлари ассоциацияси ҳаволасига таяниб, «Анадолу» агентлиги хабар бермоқда.

Ассоциация 2020 йилда Туркиядан қуритилган помидор экспорти 83 миллион долларни ташкил этганини, бу 2019 йилга нисбатан 17 фоизга кам кўрсаткич эканини қайд этди.

Жисмоний жиҳатдан помидор қоқи экспорти ҳажми 2020 йилда 31,2 минг тоннани ташкил этган бўлса, 2021 йилда 18 фоизга ошиб, 36,8 минг тоннага етди.

Ўтган йили Туркияда етиштирилган помидор қоқи жаҳоннинг 106 давлатида сотувга чиқди.

Бу маҳсулот озиқ-овқат саноатида, асосан, пицца ва макарон учун гарнир тайёрлашда ишлатилади.

АҚШ, Италия ва Германия Топ-3 импортёрлар рўйхатига киритилган бўлса, Голландия, Бельгия, Австралия, Франция ва Польша Туркиянинг офтобда қуритилган помидорига талаби энг юқори бўлган мамлакатлар сирасига кирди.

Шунингдек ўқинг: 2022 йил учун агро-прогноз: нархларнинг рекорд даражада ўсиши, ўғитлар танқислиги, ҳосилдорлик пасайиши ва ишчи кучи етишмовчилиги

Эгей минтақаси Сархил мева-сабзавот экспортёрлари ассоциацияси раҳбари Хайреттин Учар Туркия жаҳондаги энг етакчи помидор қоқи етиштирувчилардан бири эканини айтди.

Унинг сўзларига кўра, мамлакатда қуритилган помидор етиштириш ва экспорт қилишнинг 95 фоизи Эгей минтақаси ҳиссасига тўғри келади.

Шу билан бирга, ассоциация раҳбари сўнгги йилларда ушбу турдаги маҳсулотга талаб юқори эканлигини таъкидлади.

“Ушбу маҳсулотга АҚШдан Жанубий Америкагача, Канададан Жануби-Шарқий Осиё ва Африкагача бўлган кўплаб минтақаларда талаб кучли. Туркия экспортёрлари янги йилда бу маҳсулотни импорт қилувчи мамлакатлар сонини янада оширишни мўлжалламоқда.  Биз доимо мақсадимизга эришганмиз. Бу галги мақсад – 120 миллион долларлик экспорт, умид қиламанки, 2022 йилда бу натижага эришамиз, балки даромадни ушбу мўлжалдан ҳам оширишимиз мумкин”, дейди Учар.

Сообщение Жаҳонда Туркия помидор қоқисига талаб ортиб бормоқда появились сначала на EastFruit.

2021 йилнинг январь-июль ойларида Туркиядан қуритилган помидор экспорти 2020 йилнинг шу даврига нисбатан 32 фоизга – 55 миллион 850 минг долларгача ошди, деб хабар бермоқда «Aнадолу» агентлиги Эгей экспортёрлар уюшмаси (EIB) ҳаволасига таяниб.

2020 йил охирида Туркиянинг қуритилган помидори экспорти ҳажми 83 миллион долларни ташкил этди.

Туркиядан қуритилган помидорнинг жорий йилги (7 ойда) етакчи импортёрлари AҚШ, Италия ва Германия бўлди. AҚШга экспорт бу даврда 60%га ошиб, 9 миллион 462 минг долларни ташкил этди, Италияга экспорт 8 миллион 928 минг доллар, Германияга эса 6 миллион 530 минг доллар бўлди.

Эгей минтақасидаги Сархил мева-сабзавотлар экспортёрлари уюшмасининг директорлар кенгаши раҳбари Хайриддин Учак қуритилган помидор қўшилган қийматли товарларни экспорт қилишда муҳим муқобил эканлигини қайд этди.

Учакнинг қайд этишича, ушбу сектор йил охиригача чет элдан келадиган талабни қондириш ва бозорларни диверсификациялаш орқали экспорт кўрсаткичларини 100 миллион долларга етказишни мақсад қилган.

Сообщение Туркия қуритилган помидор экспортини 32 фоизга оширди появились сначала на EastFruit.