2022 йилнинг январь-март ойларида Туркиядан қуритилган мевалар экспорти ўтган йилнинг шу даврига нисбатан 16 фоизга ошиб, 403,25 миллион долларни ташкил қилди.Бу ҳақида «Анадолу» агентлиги Жануби-Шарқий Анадолу экспортёрлар ассоциацияси (GAIB) ҳаволасига таяниб маълум қилди.

Йилнинг биринчи чорагида маҳсулотлар 129 мамлакатдаги савдо пештахталари ва эркин савдо зоналарида сотувга чиқди.

Ушбу сектор экспорт саватининг катта қисмини уруғсиз майиз ташкил этди, унинг қиймати қарийб 98,94 миллион долларга тенг.

Ундан кейинги ўринларда қуритилган ўрик (91,63 миллион доллар), хандон писта (60,79 миллион доллар) ва қуритилган анжир (59,75 миллион доллар) туради.

Эътиборлиси, хандон писта экспорти ўтган йилнинг шу даврига нисбатан 66 фоизга ошган.

Эгей экспортёрлар ассоциацияси қуритилган мевалар экспортида биринчи ўринни эгаллади.  Ушбу маҳсулотлар экспорти ҳажми 199,29 миллион долларни ташкил этди.

Жануби-Шарқий Анадолу экспортёрлар ассоциацияси 90,46 миллион доллар билан иккинчи ўриндан жой олди.

Шунингдек ўқинг: Банан Ўзбекистон супермаркетлари харидорларининг севимли маҳсулотлари рейтингида биринчи ўринни эгаллади

Январь-март ойларида Европа Иттифоқи мамлакатлари Туркиядан қуритилган меваларнинг асосий импортёрларига айланди. Европа бозорига 163,78 миллион долларлик қуритилган мевалар жўнатилди.

Бу давлатлар орасида энг етакчи Германия ҳисобланади. Йилнинг биринчи чорагида Туркиядан Германияга қуритилган мева экспорти ҳажми 56,9 миллион долларни ташкил этди.

Германиядан сўнг Буюк Британия (37,65 миллион доллар) ва Италия (28,49 миллион доллар)дир.

GAIB қошидаги Қуритилган мевалар ва улардан тайёрланган маҳсулотлар экспортёрлари уюшмаси раҳбари Меҳмет Чикмаз Туркия қуритилган меваларнинг кенг ассортиментига эга экани ва унинг аксарият қисмини экспорт қилишини тасдиқлади.

Чикмазнинг сўзларига кўра, ўтган йили Туркиядан қуритилган мева экспорти қарийб 1,5 миллиард долларни ташкил этган.

Сообщение 2022 йилнинг биринчи чорагида Туркиядан 129 мамлакатга қуритилган мевалар етказиб берилди появились сначала на EastFruit.

EastFruit таҳлилчилари 2021 йилда Ўзбекистондан Японияга майиз экспорти сезиларли даражада ошганини қайд этишмоқда.  Йил якунига кўра, ушбу мамлакатга Ўзбекистонда етиштирилган майиз экспорти 2,4 баробар ошди, бироқ, экспорт ҳажми нисбатан анча кам – 27 тоннани ташкил этди.

Шунга қарамай, Япония маҳсулот сифати ва хавфсизлиги бўйича жаҳондаги энг талабчан мамлакатлардан бири бўлганлиги ва алоҳида мамлакатдан харидлар ҳажмини камдан-кам ҳолларда кескин оширганлиги сабабли, етказиб бериш ҳажмини ўсиши тенденциясининг ўзи жуда муҳим кўрсаткичдир.  Ўзбекистон Японияга майиздан ташқари 6 тонна қуритилган ўрик ҳам  экспорт қилган, ўтган йили бу кўрсаткич 5 тонна, ундан аввалги йили 2 тонна, ундан ҳам аввалги йили эса 22 тонна эди.

Ўзбекистон сархил меваларидан Японияга қовуннинг икки тонналик битта кичик партияси етказиб берилди. Бунгача ўзбек қовуни Япония бозорига кирмаган, яъни ушбу воқеликни маълум бир ютуқ деб ҳисоблаш мумкин,  импортёрнинг биринчи синов партияси борасида шикояти бўлмаса, албатта.

Эслатиб ўтамиз, Ўзбекистон қуритилган меваларнинг жаҳондаги энг йирик экспортёрларидан бири ҳисобланади. Майиз экспорти бўйича ушбу мамлакат мунтазам равишда энг йирик экспортёр давлатлар бешлигига киради, бироқ, Ўзбекистондан ушбу маҳсулот экспорти ҳажми йилдан-йилга ўзгариб турибди. Ўзбекистон майизи экспортининг энг катта ҳажми 2017 йилда қайд этилган ва 78 минг тоннани ташкил қилган. Жаҳон майиз бозорининг етакчиси Туркия бўлиб, у ушбу маҳсулотни 280 минг тоннагача экспорт қилади.  Майиз экспорти бўйича иккинчи ўринни Эрон, учинчи ўринни эса АҚШ эгаллаган. Майизнинг бошқа йирик экспортёрлари қаторига Жанубий Африка, Чили, Афғонистон ва Аргентина киради.

Сообщение Ўзбекистон 2021 йилда Японияга майиз экспортини икки баробар оширди ва қовуннинг илк синов партиясини етказиб берди появились сначала на EastFruit.

Туркиядан 11 ой давомида қуритилган мевалар экспорти ўтган йилнинг шу даврига нисбатан 10,3 фоизга – 1,4 миллиард долларгача ўсди.

“Анадолу” агентлигининг Жануби-Шарқий Анадолу экспортёрлари уюшмаси (GAIB) маълумотларига таяниб хабар беришича, Туркияда қуритилган мевалар экспорти кундан-кунга ўсишда давом этмоқда.

Январь-ноябрь ойларида Туркия жаҳоннинг 155 мамлакатига қуритилган мевалар етказиб берди.

Энг оммабоп экспорт товарлари майиз ва қуритилган ўрикдир.

Шунингдек ўқинг: Турк лирасининг қулаши Шарқий Европа ва Марказий Осиёдаги мева-сабзавот ҳамда ёнғоқ бозорларига қандай таъсир кўрсатмоқда?

Экспортнинг катта қисми майизга тўғри келади – 389,24 миллион доллар, сўнг қуритилган ўрик – 305,69 миллион доллар, кейин қуритилган анжир – 234,81 миллион доллар, ундан кейин эса антеп пистаси – 183,89 миллион доллар.

Хусусан, ҳисобот даврида антеп пистаси экспорти йиллик ҳисобда 70 фоизга ошди.

Туркия қуритилган меваларининг энг катта бозори Германиядир.

Туркиядан қуритилган меваларнинг асосий импортёрлари Европа Иттифоқи мамлакатлари бўлди (652,20 миллион доллар).

Биринчи ўринни Германия (211,88 миллион доллар), иккинчи ўринни Буюк Британия (147,14 миллион доллар), учинчи ўринни Италия (133,58 миллион доллар) эгаллади.

Сообщение 2021 йилнинг январь-ноябрь ойларида Туркия қуритилган мевалар экспортини 10,3 фоизга оширди появились сначала на EastFruit.

2021 йилнинг январь-сентябрь ойларида Туркия шарқидаги Малатия вилоятидан қуритилган ўрик экспорти маблағ кўринишида ўтган йилнинг шу давридаги кўрсаткичдан 50 миллион долларга ошиб 225,5 миллион долларни ташкил қилди, деб хабар бермоқда «Анадолу» агентлиги.

Ушбу турдаги қуруқ мевалар бўйича жаҳон экспортининг 85%и Туркия Малатияси ҳиссасига тўғри келади.

Зеро, Туркиядаги 17 миллион ўрик дарахтининг 8 миллионга яқини Малатияда ўстирилади. Қуритилган ўрик етиштириш 50 минг фермер хўжалигининг барқарор даромад манбаи бўлиб қолмоқда.

Шунингдек ўқинг: Ўзбек анорининг бир донаси Жанубий Кореяда 2,8 доллардан сотилмоқда

Малатия савдо биржаси маълумотларига кўра, шу йилнинг сентябрь ойида вилоятдан 42,26 миллион долларлик деярли 11 минг тонна қуритилган ўрик бевосита экспорт қилинган.

2020 йилнинг сентябрь ойида 30,75 миллион долларлик 9,34 минг тонна қуритилган ўрик экспорт қилинган эди.

Ўтган йилнинг сентябрига нисбатан шу йилнинг сентябрь ойида Малатиядан қуритилган ўрик экспортидан тушган даромад 11,51 миллион долларга ошди.

Малатия Савдо биржаси раҳбари Рамазон Ўзжан қуритилган ўрик экспортидан тушган даромад ҳар ой ортиб бораётганини айтди.

«2021 йилнинг 1 январидан 30 сентябригача бўлган даврда Малатиядан 225,52 миллион долларлик 63 587 тонна қуритилган ўрик экспорт қилинди. Шу тариқа вилоят бюджети ҳам, Туркия бюджети ҳам тўлдирилмоқда. Мақсад – 500 миллион долларлик 100 минг тонна маҳсулотни экспорт қилиш. Ва биз ушбу мақсад сари ишонч билан ҳаракат қиляпмиз», – дейди у.

Ўзжаннинг айтишича, пандемия туфайли қуритилган ўрик етиштириш ҳажми камайган ва мазкур турдаги қуруқ мевага талаб янада ошган.

“Малатиянинг қуритилган ўриклари юқори сифати билан машҳур. Январь-сентябрь ойлари экспорти тўғрисидаги маълумотлар 2020 йилнинг 9 ойидаги кўрсаткичлар билан таққосланса, кутилмаган кескин ўзгаришлар йўқ. Экспорт даромади 50 миллион долларга ошди. Йил охиригача биз нафақат экспорт кўрсаткичларини сақлаб қоламиз, балки оширишда давом этамиз”,  дейди палата раҳбари.

Сообщение Жаҳон бўйича қуритилган ўрик экспортининг 85 фоизи Туркиядаги биргина вилоят ҳиссасига тўғри келади появились сначала на EastFruit.

Туркия турли хил ўсимлик маҳсулотларини – фундуқдан гилосгача, анжирдан ўриккача, беҳидан кўкноригача – етиштиришда дунёда биринчи ўринни эгаллайди.

Ўтган йили, янги коронавирус инфекцияси (COVID-19) пандемиясининг салбий оқибатларига қарамай, Туркия ўсимлик маҳсулотларини етиштиришни ўтган йилга нисбатан 7,6 фоизга оширишга муваффақ бўлди.

Бу ҳақда Туркиянинг Қишлоқ ва ўрмон хўжалиги вазирлиги маълумотларига асосланиб “Анадолу” агентлиги хабар берди.

Сўнгги ўн йилликда Туркия қишлоқ хўжалиги маҳсулотларини етиштириш бўйича Европа ва дунёнинг ТОП-10 мамлакатлари қаторига киради.

Шунингдек, ўқинг: Туркия мавсум давомида фундуқ экспортидан деярли 1,5 миллиард доллар даромад олди

2005-2019 йилларда Туркия ушбу кўрсаткич бўйича Европада биринчи ва дунёда еттинчи ўринни эгаллаганди.

Туркияда ўтган йили қишлоқ хўжалиги маҳсулотларини етиштириш ҳажми ўтган йилга нисбатан 20 фоизга ўсди ва 333,3 миллиард лирага етди, бу Туркия Республикаси тарихидаги рекорд кўрсаткичдир.

Ўсимлик маҳсулотларини етиштириш бўйича ўтган йили вазни бўйича 7,6 фоизга – 126,1 миллион тоннагача, пул қийматида – 24,2 фоизга, 245,2 миллиард лирага ўсди.

Хусусан, дала маҳсулотларини етиштириш ҳажми 11,9 фоизга, мевалар 5,8 фоизга, сабзавотлар 0,3 фоизга ўсди.

2020 йилда Туркия 6,5 миллион тонна маккажўхори ва 278 тонна ловия етиштирди, бу мамлакат тарихидаги рекорд кўрсаткич бўлди.

Туркия фундуқ, гилос, анжир, ўрик, беҳи ва кўкнори етиштириш бўйича дунёда биринчи, қовун, тарвуз, гилос, бодринг, қарамуқ ва нўхат етиштириш бўйича иккинчи, мандарин ва олма етиштириш бўйича учинчи ўринда туради. Писта, қулупнай, каштан, ёнғоқ ва ясмиқ етиштиришда тўртинчиси ўринни эгаллайди.

Бундан ташқари, Туркия қанд лавлаги етиштириш бўйича 5 ўринни, лимон ва узум етиштириш бўйича 6 ўринни, пахта етиштириш бўйича 7 ўринни эгаллаб турибди.

Дунёда йилига 1,1 тоннага яқин фундук етиштирилади. Шундан 69% Туркия ҳиссасига тўғри келади.

Дунёда беҳининг йиллик етиштириш ҳажми 666,6 миллион тоннани ташкил этади. Шу билан бирга, ушбу маҳсулотнинг дунё бўйича етиштириш ҳажмининг 26 фоизи Туркия ҳиссасига тўғри келади.

Гилоснинг дунё миқёсида етиштириш ҳажми йилига 2,6 миллион тоннани ташкил қилади, бунинг 26 фоизи Туркия ҳиссасига тўғри келади.

Шу билан бир қаторда, жаҳонда анжир мевасини етиштириш бўйича 1,3 млн. тоннадан иборат бўлган маҳсулотнинг 24 фоизи Туркия ҳисобига тўғри келади.

Бундан ташқари, дунёдаги қуритилган ўрикнинг 21 фоизи Туркия ҳиссасига тўғри келади. Ушбу кўрсаткич бўйича ҳам Туркия дунёда биринчи ўринда туради.

Сообщение Туркия ўтган йили қишлоқ хўжалиги маҳсулотларини етиштириш ҳажмини 7,6 фоизга оширди появились сначала на EastFruit.

Туркиядан майиз, қуритилган ўрик ва анжир экспорти мавсум бошидан буён 798 миллион долларга етди. Бу хусусда Эгей денгизининг Қуруқ мевалар экспортёрлари уюшмаси раҳбари Бирол Джелеп «Aнадолу» агентлигига хабар берди.

Унинг сўзларига кўра, Туркия  қуруқ меваларнинг жаҳондаги асосий экспортёрларидан бири бўлиб қолмоқда. Зеро, ушбу турк маҳсулотларига бўлган талаб кун сайин ортиб боряпти.

Биролнинг айтишича, экспорт мавсуми бошидан бери, яъни 2020 йилнинг 1 сентябридан бошлаб, Туркия 332 миллион долларлик майиз экспорт қилди.

«Қуритилган ўрикни экспорт қилиш мавсуми 1 августда бошланди, бугунги кунгача унинг экспорти 258 миллион долларни ташкил қилди. Қуритилган анжир экспорти мавсуми эса 30 сентябрда бошланди. Мавсум бошидан буён экспорт қиймати 208 миллион долларга етди»,  деди у.

Умуман, ҳисобот даврида Туркия жаҳоннинг 162 мамлакатига майиз, қуритилган ўрик ва анжир етказиб берди, маҳсулотларнинг умумий ҳажми 798 миллион долларлик қийматни ташкил этди.

Шунингдек ўқинг: Россия Туркиядан помидор импорти квотасини 20 фоизга оширди

Анъанавий бозорлар – Европа мамлакатлари ва AҚШга экспорт ўсишда давом этмоқда. Ва энг катта ўсиш қуритилган ўрик экспортида кузатиляпти.

Уюшма раҳбари асосий мақсад Жануби-Шарқий Осиё мамлакатларига экспорт ҳажмини ошириш эканлигини таъкидлади. Мавсум бошидан буён ушбу мамлакатларга экспорт ҳажмининг ўсиш даражаси икки рақамли сон билан ифодаланишига эришилганини айтди у.

“Туркия жаҳондаги энг йирик органик озиқ-овқат етказиб берувчилардан бири ҳисобланади. Бизнинг мамлакат бутун жаҳонга ишончли маҳсулот етказиб берувчи сифатида танилган. Ушбу имижни сақлаб қолиш учун бор кучимизни ишга соламиз. Бозордаги ижобий динамика биз сезиларли ютуқларга эришганимизни кўрсатиб турибди», деди ташкилот раҳбари.

Сообщение Туркиялик экспортёрлар Жануби-Шарқий Осиёга қуруқ мева етказиб беришни кўпайтиришмоқчи появились сначала на EastFruit.

EastFruitнинг Ўзбекистондаги таҳлилчилари бу йил мамлакатдан сархил ўрик экспорти деярли йўқлиги ҳақида хабар беришмоқда. Ваҳоланки, ҳозир экспорт мавсуми қизғин паллага кирган. Ички бозорда ўрик юқори нархда экани ва қўшни Тожикистонда нисбатан арзонлиги сабабли, Ўзбекистон бу йил қўшни мамлакатдан ушбу мевани импорт қилмоқда. Шундай қилиб, ўрик экспорти бўйича жаҳон миқёсидаги етакчилардан бири бўлмиш Ўзбекистон айни дамда унинг импортчисига айланди.

Aсосий сабаб, шубҳасиз, Ўзбекистон боғбонлари ишининг «белига тепган» ва Тожикистон ҳосилига у қадар салбий таъсир кўрсатмаган қаттиқ совуқлардир. Февраль ойи охири ва март ойининг ўрталарида республика ҳудудларига тўсатдан кириб келган совуҳ ҳаво оқими бу йил данакли мевалар, айниқса, ўрик ҳосилига катта зарар етказди. EastFruit мутахассислари зарарни аниқ ҳисоблашган кўринади: 2021 йили Ўзбекистонда ўрикнинг юқори нархлари бўйича прогнозимиз 100 фоиз реалликка тўғри келди. Ўшанда биз, Ўзбекистонда ўрик ҳосили бой берилиши эҳтимолини камида 60-65 фоизга баҳолагандик. Шу билан бирга, ҳақиқий зарар бундан ҳам кўпроқ бўлиши мумкинлиги қайд этилган. Бундан ташқари, об-ҳавонинг таъсири  Ўзбекистонда ўрик ҳосили сифатига ҳам салбий таъсир кўрсатиши мумкинлигини таъкидлаган эдик.

Буларнинг бари бозордаги реал ҳолат мисолида тасдиғини топди. Аслида, ҳозир Ўзбекистон ўригини унинг асосий экспорт бозори ҳисобланадиган Россияга экспорт қилишда иқтисодий маъно йўқ. Ўзингиз ўйлаб кўринг: 2021 йилнинг 21 май ҳолатига кўра, Ўзбекистоннинг анъанавий экспорт бозори пойтахти – Москвада ўрикнинг ўртача улгуржи нархи бир кг учун 2,74 долларни ташкил этди. Шу билан бирга, Ўзбекистоннинг ички бозоридаги ўрик йиғим-терим мавсуми қизғин паллада бўлишига қарамай, калибри, нави ва бошқа сифат кўрсаткичларига қараб, 26 000 сўм/кг ($2,5) дан 58 000 сўм/кг ($5,5) гача бўлган.

Шунингдек ўқинг: Ўзбекистон узум навларининг рейтинги – тармоқ учун берилган баҳо

Шуни қайд этиш жоизки, ҳозир Ўзбекистонда нархлар ўтган йилнинг шу санасига нисбатан 6,5 баравар юқори кўрсаткични ташкил этмоқда.

Aммо ҳосилга нисбатан анча кам зарар етган Тожикистонда ўрикнинг нархи бир кг учун $0,79-1,06  атрофида, яъни Ўзбекистонга нисбатан 3-5 баравар паст. Тожикистонда ўрик нархининг нисбатан анча пастлига қўшимча омиллардан бири (яхши ҳосилдан ташқари), Қирғизистон билан чегаранинг тўлиқ ёпилишидир. Чунки, одатда, экспорт Қирғизистон орқали амалга оширилади. Шу боис, энди Ўзбекистон учун ўрикни Тожикистондан олиш афзалдир. Тўғри, Тожикистонда ўрикка кўпроқ қуритилган мева тайёрлаш учун эътибор қаратилади, унга ҳўл мева бозори маҳсулоти сифатида қаралмайди. Шу сабабли, Тожикистон ўриги экспорти, асосан, Қозоғистон ва Россия бозорларида Ўзбекистон ўрик экспортининг ўрнини боса олмайди.

Aйтганча, Ўзбекистондан ўрик экспортининг деярли йўқлиги туфайли бу йил Россияда ўрикнинг улгуржи нархи ўтган йилга нисбатан юқори, аммо бу ўсиш атиги 25 фоиз, холос. Бунинг сабаби, жаҳон ўрик бозорида етакчи экспортчилардан бири ҳисобланадиган Туркия, Россия ўрик бозорида бу йил рақобат йўқлиги боис асосий етказиб берувчига айланди. Бошқача айтганда, туркиялик боғбонлар бу йил ўрик ҳосилидан яхши даромад олишмоқда. Туркия ўригини нархи FCA (Туркия) шартларига кўра бир килограмм учун $1,50-1,60 атрофида.

2021 йилда Европа Иттифоқида ўрик ҳосили ўтган йилга нисбатан 20 фоиз ва 2015-2019 йилги ўртача кўрсаткичга нисбатан 40 фоиз камайишини ва Молдовада мавсум икки ҳафта кечикишини ҳисобга олсак, бу мавсум Туркия учун ўрик борасида жуда муваффақиятли бўлиши мумкин. Россия учун эса ушбу мавумда Туркиядан ташқари сархил ўрик импорт қилинадиган бошқа мамлакат йўқ.

EastFruit маълумотларига кўра, 2021 йилга қадар ўрик мевалар орасида энг тез ўсиб бораётган Ўзбекистон экспорт позицияси бўлиб, унинг миқдор кўрсаткичи ҳар йили деярли бир ярим баравар ўсди. Ва бу ҳолат ўрик экспорти нархларининг глобал пасайиш тенденциясига қарамай юз берди. Бироқ, бу йил, албатта, ҳаммаси кескин ўзгариши мумкин ва ўрикнинг жаҳондаги нархи сўнгги бир неча мавсумга нисбатан рекорд даражага кўтарилиши эҳтимоли бор.

Trademap маълумотларига кўра, 2020 йили Ўзбекистондан сархил ўрик экспорти рекорд даражадаги 74,5 минг тоннани ташкил этди. Ундан аввалги йиллар кўрсаткичи эса қуйидагича: 2019 йил – 58 минг тонна, 2018 йил – 43 минг тонна,  2017 йил – 23 минг тонна.

2020 йилда Ўзбекистон ўрик экспорти ҳажми бўйича жаҳонда иккинчи ўринни эгаллади. Биринчи ўрин Испанияга тегишли бўлиб, ушбу мамалакат 2020 йилда ташқи бозорларга 96 минг тонна ўрик экспорт қилди. Ўтган йили Ўзбекистон сархил ўрик экспорти ҳажми бўйича илк бор ҳатто Туркиядан ҳам устун келди. Бироқ, бу йил Туркия қуритилган ўрик ва туршак етиштиришни камайтирадиган кўринади, чунки сархил ўрикни сотиш кўпроқ даромад келтириши эҳтимоли баланд. Бундан ташқари, EastFruit экспертлари 2021 йилда Туркия ўрик экспорти бўйича жаҳондаги етакчи мамлакатга айланишини истисно этишмайди.

Сообщение Жаҳоннинг йирик ўрик экспортчиси – Ўзбекистон бу йил нетто импортёрга айландими?! появились сначала на EastFruit.

EastFruit таҳлилчиларининг хабарига кўра, жорий йилнинг тўрт ойида Ўзбекистондан Жанубий Кореяга сархил ва қуритилган мевалар экспорти бирданига 29 бараварга камайди!

Жорий йилнинг январь-апрель ойларида Ўзбекистоннинг Жанубий Кореяга ҳўл мева ва қуруқ мевалар экспортидан олган даромади охирги уч йилликдаги энг паст кўрсаткични – 4 минг доллардан кўпроқ миқдорни ташкил қилди. Ўтган йилнинг мос даврида бу кўрсаткич 126 минг долларга тенг бўлган. Дарҳақиқат, 2021 йилда ўзбекистонлик қуритилган мева экспортчилари Жанубий Кореяга атиги 1 тонна майиз (қуритилган узум) ва 1 тоннага яқин туршак (қуритилган ўрик) етказиб беришга муваффақ бўлди.

Бир йил аввал Ўзбекистон Жанубий Кореяга 93 тонна ҳўл меваларни экспорт қилган. Лекин мазкур давр мобайнида қуритилган меваларни умуман экспорт қилмаган. Бироқ жорий йилнинг дастлабки тўрт ойида Кореяга ҳўл мевалар экспорт қилинмади.

Шунингдек, ўқинг: DP World компанияси Тошкент вилоятида (Ўзбекистон) йирик логистика марказини яратиш лойиҳасини амалга оширмоқда

Шундай қилиб, Ўзбекистондан Жанубий Кореяга ҳўл мева ва қуритилган мевалар экспорти уч йил давомида йилма-йил пасайиб бормоқда. EastFruit маълумотларига кўра, 2020 йилда Ўзбекистоннинг мазкур маҳсулотларни Жанубий Кореяга етказиб беришдан тушумлари 860,5 минг долларни ташкил этган. 2019 йили бу кўрсаткич 2 миллион долларни, 2018 йилда эса 2,9 миллион долларни ташкил қилган.

Ўзбекистонда жорий йилда гилос, ўрик ва бошқа данакли мевалар дарахтларини совуқ уриши натижасида уларнинг ҳосилида кутилаётган йўқотишлар туфайли Жанубий Кореяга экспорт қилиш ҳажми яна камайиши мумкин.

Сообщение 2021 йилда Ўзбекистон Жанубий Кореяга мева экспортини кескин камайтирди появились сначала на EastFruit.