Ўзбекистон Республикасининг Лондондаги элчихонасида Ўзбекистонда етиштирилган қуруқ меваларни Буюк Британияга экспорт қилиш бўйича навбатдаги шартнома имзоланди, деб хабар бермоқда “Дунё” ахборот агентлиги.

Элчихона маълумотларига кўра, «Sofia Agro» (Ўзбекистон) ва «Brooks & Kempton» (Буюк Британия) компаниялари Ўзбекистонда етиштирилган олхўри қоқининг синов партиясини етказиб бериш бўйича шартнома имзолаган. Эътиборлиси, ушбу партия Буюк Британия бозорига Ўзбекистонда  олхўри қоқининг биринчи бор етказиб берилиши бўлади.

Кейинги йилларда Ўзбекистон мева-сабзавот маҳсулотларининг экспорт географияси сезиларли даражада кенгайди. Ушбу мамлакатда етиштирилган қуруқ меваларнинг юқори сифат ва таъм хусусиятлари хорижий савдо компаниялари эътиборини жалб этишда давом этмоқда.

Шунингдек ўқинг: 2022 йилнинг январь ойида Ўзбекистондан узум экспорти ўтган йилгидан 4 баробар ошди

Тадбир давомида Британиянинг Brooks & Кempton компанияси асосчиси Карим Асаад ўзбек маҳсулотларининг маркетинг ва лаборатория тадқиқотлари Ўзбекистонда етиштирилган қуритилган меваларнинг юқори сифати ҳамда таъм хусусиятларини кўрсатганини таъкидлади. Унинг сўзларига кўра, Буюк Британия томони мунтазам экспортни йўлга қўйиш ва ўзбек маҳсулотлари ассортиментини босқичма-босқич кенгайтириш ниятида.

Учрашув якунлари бўйича Ўзбекистондан қуруқ мевалар экспорти кўламини кенгайтириш бўйича мавжуд имкониятлар билан жойида танишиш мақсадида яқин келажакда британиялик тадбиркорнинг Ўзбекистонга сафарини ташкил этиш бўйича келишувга эришилди.

Сообщение Ўзбекистондан Буюк Британияга қуритилган олхўрининг синов партияси етказиб берилади появились сначала на EastFruit.

EastFruit лойиҳаси таҳлилчиларининг фикрича, россиялик боғбонлар олхўрининг оммавий савдосини бошлаган. Ушбу данакли мева ҳосилини йиғиш мавсуми ўрта ҳисобда бир ҳафта кеч бошланганига қарамай, бу йил олхўрининг биринчи партиялари нархи ўтган йилгидан анча паст.

Бугунги кунда фермерлар олхўрининг тури ва сифатига қараб, уни 20-42 рубл/кг ($0,27-0,58)дан сотишмоқда ва бу ўтган йили таклиф қилинган биринчи партиялардан қарийб 1,5 баравар арзон. Таққослаш учун айтадиган бўлсак, ўтган йилнинг шу даврида олхўрининг биринчи партияси бозорга 40 рубл/кг ($0,55)дан кирган.

Боғбонларнинг сўзларига кўра, бошқа данакли мевалардан фарқли ўлароқ, олхўри нисбатан яхши қишлади, шунинг учун ҳосил бир йил аввалгидан бироз баландроқ бўлади. Мавсум бошида олхўри нархлари бу тахлит паст бўлишининг яна бир омили ушбу сегментда талаб деярли йўқлигидир. Шу билан бирга, кўпчилик фермерлар кейинчалик олхўрининг кечки нави –  «Стенли» сотувга чиқа бошлагач, нарх бироз ошишига умид қилишмоқда. Бу нав нафақат сархил бозорда, балки қуруқ мева сифатида ҳам анчайин талабгир.

Сообщение Россия Федерациясида бу йилги олхўри ҳосилининг биринчи партиялари ўтган йилга нисбатан 1,5 баравар арзон сотилмоқда появились сначала на EastFruit.