EastFruit лойиҳаси таҳлилчилари хабар беришича, бу ҳафтада Россиянинг кўпчилик боғдорчилик хўжаликлари қора смородина мавсуми тугаганини эълон қилишди. Бошқа фермерлар эса резаворнинг қолган партияларини таклиф этишмоқда.

Лойиҳанинг кундалик мониторингига кўра, бу йил Россияда қора смородинани сотиш мавсуми ўтган йилгидан икки ҳафта кеч тугади. Шу билан бирга, фермерлар ушбу резаворнинг қолган ҳажмини ўтган мавсумдагидан ўртача 22% қимматроқ сотишга муваффақ бўлишди. Шундай қилиб, бугунги кунда қора смородинанинг қолдиқ партиялари сифати ва етиштирилган ҳудудига қараб, 150-250 рубл/кг ($2,04-3,40)дан сотувга чиқарилмоқда.

Боғбонларнинг сўзларига кўра, бу мавсум бозорда қора смородина етказиб бериш чекланган эди, чунки, иссиқ об-ҳаво ва ёзнинг биринчи ярмидаги қурғоқчилик туфайли ҳосил камайган. Натижада, ушбу турдаги резавор нархи ўтган мавсумга нисбатан юқори даражада сақланиб қолди.

Сообщение Россиялик боғбонлар қора смородина мавсумини тугатишди появились сначала на EastFruit.

Ушбу ҳафтада россиялик фермерлар қора смородина сотишни бошлашди, дейди «АПК-информ: сабзавот ва мевалар» лойиҳаси таҳлилчилари. Боғбонларнинг сўзларига кўра, йиғим-терим кампанияси баҳорнинг узоқ давом этиши ва совуқ ҳаво туфайли ўртача 2 ҳафта кеч бошланган.

Бугунги кунга келиб, маҳаллий фермер хўжаликларидан қора смородина кичик партияларда сотилмоқда ва ушбу сегментдаги нархлар 120-250 рубл/кг (1,62-3,37 доллар/кг) атрофида ўзгариб турибди. Шуни қайд жоизки, қора смородина сегментидаги нархлар ушбу резаворни йиғиш турига қараб шаклланади. Шунга кўра, мева минимал нархларда  таклиф этилади, ускуна ёрдамида йиғилган смородина эса қўлда териб олинганига қараганда бироз қимматдир.

Шунингдек ўқинг: 2021 йилнинг биринчи ярмида Россиядан иссиқхонада етиштирилган сабзавотлар экспорти 85 фоизга ўсди

Бугунги кунда Россия бозоридаги қора смородина ўтган йилнинг шу даврига нисбатан ўртача 14 фоиз арзонроқ сотувга қўйилди. Шу билан бирга, бозордаги асосий иштирокчиларнинг аксарияти келгуси ҳафтадан бошлаб, маҳаллий фермер хўжаликларидан қора смородина янада кўпроқ етказиб берилишини ва натижада, ушбу сегментдаги нархлар тушишини кутишмоқда.

Сообщение Россия бозорида қора смородина бир йил аввалгидан арзонроқ сотилмоқда появились сначала на EastFruit.

Россия Федерациясидаги селекцион ютуқларнинг давлат реестрини 2021 йилда Свердловск боғдорчилик селекцион станцияси (Россия Фанлар академиясининг УрФAНИЦ УрО таркибига киради) қора смородина (қорағат)нинг янги «Пилот»  нави билан тўлдирди.

Янги навнинг асосий хусусияти – қурғоқчиликка чидамлилигидир. Ўсимлик  тупроқ ва ҳаво қурғоқчилигига бардошли бўлибгина қолмай, иссиқ таъсирида кичрайиб кетмайдиган мевалар  беради. Россия Федерацияси Қишлоқ хўжалиги вазирлигининг маълумотларига кўра, ушбу мева таркибида ўртача 200 статистик кўрсаткичга нисбатан С витамини миқдори мўл – 320 мгдир.

«Пилот» номли мазкур янги нав Москванинг «Валовая» навидан ҳосил бўлган. Бу борадаги саъй-ҳаракатлар 1994 йилда, эркин чангланишдан уруғларни экишга ўтиш билан бошланган. 1998 йилда биринчи мева беришидаёқ, кўчат элита сифатида танланди. Ушбу нав Давлат навлари синовига 2008 йилда йўналтирилган. Синов иқтисодий фойдали хусусиятлар комплекси бўйича ўтказилди. Янги нав ўртача муддатда пишиб етиладиган, унсимон-шудринг ва куртак канага чидамли, йирик мевали (резавор ҳажми 4 граммгача), пўсти ўртача қалинликда ва ширин-нордон таъмга эга. Таркибидаги шакар миқдори 8,4%, кислота эса 2,9%. У универсал бўлиб, сархил ҳолатда ҳам, қайта ишланган маҳсулот сифатида ҳам истеъмол қилиш мумкин»,  дейди Свердловск боғдорчилик селекцион станциясининг катта илмий тадқиқотчиси, қора қорағатнинг «Пилот» нави ҳаммуаллифи.

Шунингдек ўқинг: Украинанинг резавор экинлари селекцияси – бу кимга керак?

Навни давлат комиссияси  синовларидан ўтказиш 13 йил давом этди, яъни синов ишлари 2008 йилда бошланган эди. Мутахассислар экинни барча  хусусиятлар бўйича текширишди: пишиб етилиши, ҳосилдорлиги, касалликка чидамлилиги, меваси ҳажми, таъми ва ҳоказо. Ишлаб чиқариш мақсадидаги синовлар учун «Пилот» турли хил тупроқ-иқлим зоналарида, хусусан, Ўрта ва Жанубий Урал ҳамда Олтойда экиб-ўстирилди, ўрганилди.

Янги нав қурғоқчиликка чидамлилигидан ташқари, совуққа ҳам бардошли экани, меваси йириклиги ва юқори ҳосилдорлиги билан алоҳида ажралиб туради – Свердловск вилоятида йиғим-терим гектарига 180 центнерга етди.

Қорағатнинг «Пилот» навини бугун Свердловск боғдорчилик селекцион станцияси ҳамда Свердловск, Челябинск вилоятларидаги йирик питомниклардан харид қилиш мумкин.

Сообщение Россияда қурғоқчиликка чидамли смородина (қорағат)нинг янги тури рўйхатдан ўтказилди появились сначала на EastFruit.