Бутун жаҳон бўйлаб логистика занжирлари узилиши Миср ва Перудан мевалар экспорти  тўхташига олиб келди.

Мисрдаги Nile Establishment корхонасининг экспорт ва логистика бўйича менежери Эсра Ассафнинг сўзларига кўра, мамлакат ўтган йили энг йирик апельсин экспортёри бўлган ва хориж мамлакатларига қарийб 1,8 миллион тонна мева жўнатган эди. Бу мавсум фермерлар учун қийин кечди. Талаб 40 фоизга камайиши билан бирга нархлар ҳам пасайди. Шунингдек, компания етказиб бериш тўхтатилиши туфайли Россия бозорини бой берди дея хабар бермоқда Fruit-inform.

Эсра Ассафнинг сўзларига кўра, бу йил денгиз орқали юк ташиш ва қадоқлаш харажатлари сезиларли даражада ошган.Табиийки, бу маҳсулотнинг умумий таннархига салбий таъсир кўрсатган.

Россия бозорими ёки Европа ва Осиё бозорими, буларнинг ҳар бири мисрлик апельсин экспортёрлари дуч келадиган ўзига хос муаммоларга эга: “Россия Миср апельсинларининг асосий импортёрларидан бири ҳисобланади. Юзага келган можаро, валюта ва тўловлар билан боғлиқ муаммолар, ҳатто Россиянинг айрим портларида юк ташиш тўхтатилиши туфайли ушбу бозордаги вазиятни аввалдан айтиб бўлмайди.  Бундан ташқари, мевалар нархи жуда ҳам тушиб кетган. Натижада, бу йил, дастлабки прогнозларга кўра, Миср апельсин ҳосилининг 40 фоизини етказиб бера олмаслиги мумкин”.

Шунингдек ўқинг: Жаҳон банан бозори: Россия ва Украинада нархлар кўтарилди, бошқа мамлакатларда эса ортиқча маҳсулот сабаб, фермерлар даромади пасайди

Баъзи мисрлик экспортёрлар ҳозирданоқ етказиб беришни Европа бозорига тўлиқ йўналтириб бўлди. Яна айримлар Бангладеш ва Ҳиндистонга цитрус мевалар сотишга ҳаракат қилди. Бироқ, санаб ўтилган мамлакатлар маҳсулотларни кичик партиялардагина сотиб олишга тайёр, Малайзия ва Сингапурда эса талаб паст.  Хитой етарли миқдорда апельсин етиштиради, шу боис, Миср маҳсулотларининг бу мамлакатда рақобатлашуви қийин.

Freshfruitportal маълумотларига кўра, перулик авокадо етиштирувчилар ҳам бу йил қийин вазиятга тушиб қолишди. Жанубий Америка мамлакати учун Россия етказиб бериш ҳажми бўйича учинчи йирик импортёр ҳисобланади. Жорий йилда мева етиштирувчилар экспорт ҳажмини оширишни режалаштирган. Аммо 2022 йилнинг дастлабки икки ойи давомида 41 миллион долларлик 18 335 тонна авокадо етказиб беришга муваффақ бўлинди, бу ўтган йилнинг шу даврига нисбатан 1 фоизга кўп ва қиймат жиҳатидан 11 фоизга камдир.

2021 йилнинг февраль ойида Россия Перуда етиштирилган авокадонинг 11 фоизини импорт қилган.  Аммо бу йил Россиянинг Украинадаги жанговар ҳаракатлари ва Россиядаги иқтисодий инқироз ҳажмнинг 49% га, қийматнинг эса 34% га пасайишига олиб келди.  Февраль ойида Перу авокадоларини етказиб бериш атиги 989 тоннани ёки маблағ шаклида 2 миллион долларни ташкил этди.

Перу авокадосини денгиз орқали ташиш билан боғлиқ муаммолар туфайли Испания ва Голландия истеъмолчиларига мева етиб бормади. Испанияга етказиб бериш 1727 тоннани ёки 4 миллион долларни ташкил этди, бу ҳажм бўйича 28 фоиз ва қиймат бўйича 40 фоиз кам кўрсаткичдир.

Сообщение Миср ва Перу фермерлари логистика занжири узилиши туфайли миллионлаб зарар кўрмоқда появились сначала на EastFruit.

EastFruitнинг Тожикистондаги вакиллари хабарига кўра, голубика илк бор ушбу мамлакатдаги супермаркетлар пештахталарида пайдо бўлган. Илгари Тожикистон  ўта замонавий ва машҳур ушбу резаворга ҳеч қизиқиш билан қарамасди – голубика етиштириш ҳам, уни  истеъмол қилиш ҳам мамлакатда ҳеч бўлмаган.

Тожикистоннинг озиқ-овқат чакана савдоси етакчиларидан бири – “Пайкар” супермаркетлар тармоғи пештахталарида голубика пайдо бўлди. 2021 йилнинг июль ойида мева-сабзавот бўлимлари бўйича аудитимиз маълумотларига кўра, “Пайкар” Душанбедаги бошқа супермаркетлар тармоғини ассортимент бўйича анча ортда қолдирди. Шунинг учун бу резавор айнан мазкур тармоқ дўконларида пайдо бўлганлиги ажабланарли эмас.

Айтганча, голубика пойтахт супермаркети пештахталарига кириш учун узоқ йўлни босиб ўтди. У Перудан Россияга авиатранспорт ёрдамида олиб келинган, у ерда чакана қадоқларга қадоқланган, кейин эса кичик ҳажмда сотиладиган бошқа позициялар билан бирга ер транспорти орқали Тожикистонга етказилган. Шундай бўлса-да, меванинг сифати анча яхши эди.

«Пайкар»даги голубиканинг нархи 160 грамм учун 39,5 сомоний этиб белгиланди. Бу 246 сомоний/кг ёки 21,8 доллар/кг га тенг. Мазкур нарх у қадар қиммат эмас. Айниқса, голубика бадавлат истеъмолчилар орасида машҳур бўлиб улгурган қўшни Ўзбекистон билан солиштирганда нисбатан арзон. У ерда резавор нархи, ҳатто Шимолий Яримшардаги қизғин мавсумда ҳам килограмм учун 30 дан 40 долларгача ўзгариб туради. Бу йил Ўзбекистон биринчи марта Украинадан голубика импорт қилди. Маҳаллий тадбиркорлар эса голубика етиштиришга қизиқиш билдирмоқда, айниқса, бизнинг голубика бизнеси билан боғлиқ қатор семинар ва конференцияларимиздан сўнг.

Тожикистон худди Ўзбекистон каби голубикани муваффақиятли етиштириб, кўплаб мамлакатлар бозорларига, биринчи навбатда, Россияга экспорт қила олади. Россияда голубика нархи жаҳондаги энг юқори нарх ҳисобланади. Шу билан бирга, Тожикистон ва Ўзбекистонда голубика етиштириш ва  бозор учун қулай даврларда ҳосилни йиғиб олиш учун шароитлар идеалдир. Мазкур турдаги бизнес ривожига ўсимликни етиштириш технологиялари бўйича билимлар етишмаслиги ва голубика плантацияларини бошқара оладиган кадрлар танқислиги тўсиқ бўлмоқда.

Сообщение Голубика Тожикистондаги супермаркетлар пештахталарида илк бор пайдо бўлди – у Перудан Россия орқали келган! появились сначала на EastFruit.

EastFruitнинг FruitNet ҳаволасига таяниб хабар беришича, Перу глобал голубика бозорида етакчи мавқеини мустаҳкамлашда давом этмоқда. Яқинда Малайзия ва Ҳиндистон ушбу резаворнинг потенциал бозорлари рўйхатига қўшилди.

Масалан, Перу қишлоқ хўжалигини ривожлантириш ва суғориш вазирлигининг Миллий қишлоқ хўжалиги санитария хизмати (SENASA) Ҳиндистон ва Малайзия Перудан голубика импорт қилиш учун фитосанитария талабларини тасдиқлаганини қайд этди. Мамлакатда ушбу резаворнинг асосий ҳосилидан ташқари, цитрус мевалар (апельсин, мандарин, лимон ва грейпфрут) учун ҳам шартномалар тузилди.

SENASA маълумотларига кўра, Перу экспортёрлари шу йилдан бошлабоқ, Малайзия ва Ҳиндистон бозорларига голубика ва цитрус мевалар етказиб беришни бошлашлари мумкин. Иккала давлат ҳозирча жаҳон бозорида голубиканинг йирик харидорлари эмас. Шундай қилиб, 2020 йилда Малайзия атиги 900 тонна голубика импорт қилди, Ҳиндистонда эса бу меванинг рекорд импорти 2019 йилда қайд этилган ва атиги 82 тоннани ташкил этган эди.

Шунга қарамай, Малайзия ҳам, Ҳиндистон ҳам резаворлар импортини тезлик билан кўпайтирмоқда ва уларнинг очилиши Перу экспортини диверсификациялаш занжирининг муҳим бўғини бўлади. Масалан, Малайзия сўнгги беш йил ичида голубика импортини уч баравар оширди.  Ҳиндистонда ҳам ҳар йили импорт қилинадиган резавор ва меваларга талаб ортиб бормоқда. Ушбу мамлакат жаҳонда аҳоли сони кўплиги бўйича (бозори динамик ривожланаётган, шу жумладан, юқори сифатли маҳсулотлари билан) иккинчи ўринда туради.

Эътибор бериш жоизки, постсовет ҳудудидан Украина етказиб берувчилари ўтган йили Малайзия бозорида ўз ўрнини эгаллашга ҳаракат қилди, аммо бу атиги 2 тонналик маҳсулотнинг синов партиялари эди, холос. Ҳиндистонда голубика бозори ҳали ҳам кичик ҳажмдалигича қолмоқда, асосий етказиб берувчилар эса Чили, Голландия ва АҚШдир.

Эслатиб ўтамиз, сўнгги беш йил ичида Перу голубика экспортини олти баробар оширишга муваффақ бўлди ва 2020 йилда бу меванинг жаҳон бозорида мавжудлиги нуқтаи назаридан ҳажм бўйича Чилини четлаб ўтди. Перудан йиллик голубика экспортининг қарийб ярми АҚШ ҳиссасига тўғри келади, қолган қисми эса жаҳоннинг қолган минтақаларига бўлиниб кетади. Шу билан бирга, Перу экспортини ривожлантиришда экспортёрлар асосий эътиборни Европа Иттифоқи, Жануби-Шарқий Осиё мамлакатлари ва Хитойга қаратишади.

Сообщение Перу голубика экспорти географияси Малайзия ва Ҳиндистон ҳисобига кенгайди появились сначала на EastFruit.

2021 йилги мавсумда Перудан 38 минг тонна анор экспорт қилинди. Бу 2020 йилга нисбатан 5,5 фоизга кўп, зеро, ўтган йили 36 минг тонна анор етказиб берилган эди. Перу анорларини етказиб бериш мавсуми январда бошланади ва июнь ойида тугайди.

2021 йилда Перудан анор импорт қилувчи асосий мамлакатлар: Нидерландия (20 662,9 тонна), Россия (6 615 тонна), Буюк Британия (2 361,8 тонна) бўлди. Кейин эса Гонконг, БAA, Канада, AҚШ, Ироқ, Миср, Саудия Aрабистони, Испания ва Италия импортёр-мамлакатлар қаторидан жой олди, деб хабар бермоқда FruitNews fructidor портали материалларига асосланиб.

Inform@ccion консалтинг компанияси президенти Фернандо Cиллонис Бенавидес 2021 йилги мавсумда Перу анорларининг маблағ кўринишидаги экспорти 80,681 миллион долларни ташкил этганини, бу 2020 йилга нисбатан 28,2 фоизга кўп (62, 927 миллион доллар) эканини қайд этди. 2019 йил жисмоний жиҳатдан (40 минг тонна) Перу анори экспорти бўйича рекорд йил бўлганига қарамай, 2021 йилда маблағ кўринишидаги рекорд – 80,681 миллион долларни ташкил этди, 2019 йилда бу кўрсаткич 65,821 миллион доллар эди.

Фернандо Силлонис Бенавидеснинг айтишича, 2021 йилда анор нархи ошган, чунки, Aрекипа вилоятининг эртаги навлари Ика минтақасининг кечки навларига қараганда юқори нархга эга. Икада фермерлар аста-секин анор етиштиришни тўхтатмоқда.

Перуда асосий анор ўсадиган ҳудудлар – Ика, Aрекипа, Лима, Aякучо ва Ламбаекедир.

Сообщение 2021 йилги мавсумда Перу анори экспорти 5,5%га ўсди появились сначала на EastFruit.

Перу голубика ишлаб чиқарувчилар уюшмаси (ProArandanos) хабарига кўра, 2021/22 йилги мавсумда ушбу мамлакатдан голубика экспорти 200 минг тоннадан ошади. Экспорт маҳсулотларини етказиб бериш ҳажмининг ўтган мавсумга нисбатан ўсиши тахминан 25%ни ташкил этиши прогноз қилинмоқда.

AҚШга Перу голубикасини етказиб бериш 22 фоиз (тахминан 105 минг тоннагача), Европага 20 фоиз (65 минг тонна), Хитойга 111 фоиз (30 минг тонна) ва бошқа бозорларга 12 фоиз кўпаяди.

2021/22 йилги мавсумда Перудан AҚШга голубика етказиб бериш улуши умумий экспорт ҳажмининг 49 фоизини, Европага – 32 фоиз, Хитойга – 17 фоиз, бошқа бозорларга – 2 фоизни ташкил этади, деб ёзмоқда FruitNews.

ProArandanos президенти Даниэль Бустамантенинг айтишича, 2019/20 йилги мавсумдан сўнг голубика етиштирувчилар тез адаптациялашувига тўғри келди, аммо Перудаги голубика сектори муваффақиятли йиғим-теримга тайёргарлик қилиши ва чоралар кўриш учун вақт етарли бўлди.

Шунингдек ўқинг: Евгений Харлан: «Бугунги кунда голубикани экспорт қилишдан кўра, Украина ички бозорида сотиш афзалроқ»

2021 йилда ProArandanos фермерлари Корея, Индонезия, Япония ва Вьетнам каби Осиёдаги янги бозорларга маҳсулот экспортини бошлашни режалаштиришмоқда. Аммо бу ҳар бир мамлакатнинг фитосанитария талабларига боғлиқдир.

«Бизнинг ривожланиш стратегиямиз – янги бозорларни кашф этишда давом этиш ва Перу голубикасини ижобий таъсир кўрсатувчи, сифатли, ишончли, экологик соф маҳсулот сифатида таништиришни давом эттиришдир», дейди Даниэль Бустаманте.

Сообщение Перулик голубика етиштирувчилар экспортни кўпайтириб, янги бозорлар кашф этишмоқда появились сначала на EastFruit.

Перу цитрус етиштирувчилар уюшмаси (Procitrus) бош директори Сержио дель Кастильонинг айтишича, бу йил мамлакатда цитрус етиштириш 1,5 миллион тоннани ташкил этади, шундан 20% (300 минг тонна) мева экспорт қилинади.

2021 йилда Перуда мандарин етиштириш 528 минг тоннага етади (212 минг тонна экспорт қилинади), апельсин ҳосили 560 минг тонна (32 минг тонна экспорт қилинади), лайм – 300 минг тонна (10 минг тонна экспорт қилинади), лимон – 20 минг тонна (15 минг тонна экспорт қилинади), грейпфурт – 6,5 тонна (2,5 тонна экспорт қилинади) ва танжело ҳосили 30 минг тонна (18 минг тонна экспорт қилинади)ни ташкил этади.

2021 йил, 4 июнь ҳолатига кўра, Перудан 68,3 минг тоннадан ортиқ цитрус мева экспорт қилинди. AҚШга мандарин етказиб бериш 14 минг тоннадан зиёдни ташкил этди, Aнглияга – 11 минг тонна, Голландияга – 10 минг тонна, Хитойга – 5 минг тонна ва Канадага – 5 минг тонна мандарин юборилди, лайм эса Чилига 6,5   тонна, Панамага 1,4 тонна, Aнглияга 670 тонна, AҚШга 610 тонна, Голландияга 400 тонна экспорт қилинди.

FruitNews маълумотларига кўра, Перуда цитрус етиштириш майдони 70 минг гектарни ташкил этади, шундан 25 минг гектари апельсин, 23 минг гектари лимон ва 22 минг гектари мандарин далаларидир.

Сообщение 2021 йилда Перу қарийб 300 минг тонна цитрус мева экспорт қилади появились сначала на EastFruit.

Перулик Hass авокадо етиштирувчилар ассоциацияси (ProHass) 2021 йилда Hass авокадо экспорти 473 минг тоннани ташкил қилиши мумкин, бу етказиб бериш ҳажми 366 минг тоннани ташкил этган 2020 йилга нисбатан 29,2 фоизга кўпдир.

Бу кўрсаткич авокадо экспорти бўйича ассоциациянинг май ойидаги прогнозидан 460 минг тоннадан анча юқори ва март ойида USDA (АҚХВ)нинг 2021 йилда Перу Hass авокадоси 450 минг тонна жўнатилиши ҳақид айтилган  прогнозидан юқори. Бу ҳақда FruitNews Fructidor материалларига асосланиб  ёзади.

Шунингдек ўқинг: Авокадомания Грузиягагача етиб борди – биринчи тижорий авокадо боғи бунёд этилди

ProHass президенти Хуан Карлос Паредеснинг таъкидлашича, авокадо экспортининг ўсишига Олмос минтақаси ва Перунинг тоғли ҳудудларида янги плантацияларнинг очилиши ҳамда ёш дарахтларнинг юқори ҳосилдорлиги сабаб бўлган.

Европа 350 минг тонна қамров билан Перу авокадосининг асосий импортчиси бўлиб қолади. ProHass АҚШ бозорига 100 минг тонна маҳсулот етказиб беришни режалаштирмоқда, бу ўтган мавсумга нисбатан 20 фоизга кўпдир.

Сообщение Перу 2021 йилда Hass авокадо экспортини деярли 30 фоизга оширади появились сначала на EastFruit.

Перу голубика етиштирувчилари уюшмаси (ProArandanos) бош директори Луис Мигел Вегас 2021/2022 йилги мавсумда Перу голубикалари экспорти ўтган мавсумга нисбатан 30 фоизга ошади, деди.

2020/2021 йилги мавсумда Перудан голубика экспорти қиймати 1 миллиард долларни, вазнда эса 150 минг тонна резавор мевани ташкил этди. Луис Мигел Вегас 2015/2016 йилги мавсумда голубика экспорта атиги 12 минг тоннадан иборат бўлганини таъкидлади.

2016 йилда Перуда голубика 2300 гектар майдонда етиштирилди, 2020 йилда эса ушбу плантациялар майлони 13,6 минг гектарга етди. 2021 йил охирига келиб, голубика етиштириш майдонини 15 минг гектарга етказиш режалаштирилган, деб ёзади Fruktidor материаллари асосида FruitNews.

Шунингдек ўқинг: Перу хўраки узум экспорти бўйича Италия ва Хитойни ортта қолдириб, дунёда иккинчи ўринга эгалламоқда.

Шунингдек, 2016 йилда экспортга чиқариладиган голубикаларнинг 13 нави рўйхатдан ўтказилган бўлиб, 2020 йилда рўйхатдаги навлар сони 46 тага етди. Голубиканинг Biloxi («Билокси») нави 2016 йилда голубика етиштириш умумий ҳажмининг 58 фоизини ташкил этди.

Сообщение 2021 йил охирига келиб, Перуда голубика плантациялари майдони 15 минг гектарга етади появились сначала на EastFruit.

2020/2021 йилги мавсумда Перудан сархил хўраки узум экспорти ҳар бири 8,2 кг бўлган 57,4 миллион ящикни ташкил қилди. Шундай қилиб, Перу хўраки узум экспорти ўтган мавсумга нисбатан 17 фоизга ўсди, деб хабар беради agraria.pe веб-сайти Перу хўраки узум етиштирувчилари ва экспортчилари уюшмасига (PROVID) асосланиб. EastFruit таҳлилчилари фикрига кўра, Перу хўраки узум экспорт бўйича Италия, АҚШ ва Хитойни ортта қолдириб дунёда иккинчи ўринни эгаллаши мумкин.

«Перудан хўрака узум ва бошқа мева-сабзавот экспортининг ўсиш суръатлари ҳақиқатан ҳам таҳсинга лойиқ. Яқинда Перу экспортчилари янги голубикаларни экспорт қилишда етакчилик позициясида маҳкам ўрнашиб, Чилидан ўзиб кетишди ва энди улар хўраки узум экспорт ҳажми борасида ҳам Чилини сиқиб чиқара бошладилар. Шу билан бирга, хўраки узум экспорт қилишдан тушадиган маблағлар ҳажми бўйича Перу аллақачон Чилидан ўзиб кетиб, Хитойга етаёзди. Перу узумлари Чили узумларига қараганда қимматроқ сотилмоқда», – дейди БМТ Озиқ-овқат ва қишлоқ хўжалиги ташкилоти (ФАО) инвестициялар департаменти иқтисодчиси Андрей Ярмак.

Шундай қилиб, Перу жорий мавсумда 470 минг тоннага яқин хўраки узум экспортини амалга оширди. Таққослаш учун, минтақа етакчиси бўлган Ўзбекистон ҳар йили атиги 120-140 минг тонна, Молдова эса 60 дан 80 минг тоннагача сархил хўраки узумни экспорт қилади.

2020/2021 йилги мавсумда Перудан 50 хил навли хўраки узумлар экспорт қилинди ва 133 экспортчи компаниялар экспорт билан шуғулланишди. Яъни, ҳар мавсумда ҳар бир экспортчи ташқи бозорга ўртача 3,5 минг тоннадан зиёд хўраки узум сота олган. Хўраки узумнинг данаксиз навларини сотишга ҳаракат қилган экспортчилар юқори нархларда сотишга муваффақ бўлишди. Хўраки узум экспортида айнан шу навларнинг келажаги борлиги ҳақида EastFruit ёзган эди.

Энг катта ҳажмда талаб оқ узум навларига бўлди. Иккинчи ўринда қизил ва охирги ўринда эса қора навларига талаб бўлганлиги кузатилди. Шунингдек, ассоциация таъкидлашича, жорий мавсумда Перу дунёнинг 62 мамлакатига узум экспорт қилди, аммо унинг асосий ҳажми – 41% Қўшма Штатларга сотилди. Асосий импортчилар Нидерландия (14%), Хитой (11%), Буюк Британия (4,2%) ва Канада (4%) мамлакатларидан иборат бўлди.

PROVID, шунингдек, 2020/2021 йилги мавсумда мамлакатда хўраки узумлар майдони 2 фоизга ўсиб, деярди 21 минг гектарни ташкил этганини таъкидлади.

Сообщение Перу хўраки узум экспорти бўйича Италия ва Хитойни ортта қолдириб, дунёда иккинчи ўринга эгалламоқда появились сначала на EastFruit.