Ўзбекистон Республикасининг Бенилюкс мамлакатларидаги элчиси Дилёр Ҳакимов ва Наманган вилоятидаги Valley Fruits компанияси директори Зуҳриддин Ҳошимов ўзбек маҳсулотларига ташқи бозорларда харидорлар топиш, экспорт ҳажмини ошириш ва хорижий кўргазмаларда маҳаллий корхоналарнинг иштирокини таъминлаш масалаларини муҳокама қилишди.

Valley Fruits компанияси 2017 йили Наманган вилоятида мева-сабзавотларни қуритиш, қайта ишлаш ва экспорт қилиш мақсадида ташкил этилган. Бу хусусда “Дунё” ахборот агентлиги ёзмоқда.

Компания ўз маҳсулотлари учун халқаро Global G.A.P сертификатига эга. Ушбу сертификат компанияга маҳсулотларини Европа Иттифоқи бозорларига экспорт қилиш имконини беради.

Айни пайтда корхона вилоятнинг фермер ва деҳқонларини кооператив асосда бирлаштириб, улар етиштирган лимонларни экспорт қилишни йўлга қўйган.

Хусусан, бугунги кунга қадар Норин туманидаги 81 та фермер хўжалиги ва ижарачилардан 250 тонна маҳсулот йиғиб олинди.  Лимон Германия, Швейцария ва бошқа Европа мамлакатлари бозорларига етказилиши режалаштирилган.

Учрашувда Valley Fruits Cooperativeда етиштирилган маҳсулотларни Европа стандартлари асосида Бенилюкс мамлакатларига экспорт қилиш имкониятлари юзасидан ўзаро фикр алмашилди.

Учрашув якунлари бўйича  Valley Fruits Cooperative маҳсулотлари намуналарини Бенилюкс мамлакатларидаги манфаатдор компанияларга жўнатиш, шунингдек, компаниянинг йил давомида хорижий кўргазмаларда иштирок этишига кўмаклашиш юзасидан келишувга эришилди.

Сообщение Ўзбекистон компанияси Бенилюкс мамлакатларига лимон экспорти имкониятларини ўрганиб чиқмоқда появились сначала на EastFruit.

Америка Қўшма Штатларининг Қишлоқ хўжалиги вазирлиги (USDА) маълумотларига кўра,  2021/22 мавсумда Туркия лимони экспорти аввалги мавсумга нисбатан 25 фоизга ўсади ва 775 минг тоннани ташкил этади.

Турк экспортёрларининг фикрича, 2021/22 йилги мавсумда лимонга талаб юқори бўлади, чунки, Аргентинада лимон захиралари тугаб бормоқда. Туркия ташқи бозорга мамлакатда етиштирилган лимоннинг умумий ҳажмидан ярмини етказиб беради. Экспорт мавсуми сентябрь ойида бошланади.  Туркиянинг асосий рақобатчиси Испаниядир.

2021/22 йилги мавсумда ноқулай об-ҳаво шароити туфайли Испанияда ҳосилдорлик паст бўлса, Россия ва Европа Иттифоқига Туркия лимонларини етказиб бериш даражаси юқори бўлади, деб хабар бермоқда FruitNews.

2020/21 йилги мавсумда  Туркия 619 533 тонна лимон экспорт қилди, бу 2019/20 йилги мавсумга нисбатан 38 фоиз кўп кўрсаткичдир. Асосий импортёр давлатлар Россия, Ироқ ва Украина бўлди.

Тармоқ таҳлилчиларининг ҳисоб-китобларига кўра, 2021 йилда Туркияда лимон етиштириш ҳажми 27 фоизга ошиб, 1,4 миллион тоннани ташкил этди. Бу экиннинг бошқа цитрус меваларга нисбатан юқори рентабеллиги туфайли фермерлар лимон майдонларини кенгайтиришмоқда. 2020/21 йилларда Туркияда лимон етиштириш 2019/20 йилги мавсумга нисбатан 13 фоиз ошиб, 1,1 миллион тоннани ташкил этди. Лимон йиғим-терими мавсуми 2021 йилнинг август ойи ўрталарида бошланди ва 2022 йилнинг апрелига қадар давом этади. 15 августдан бошлаб, “Меyer” нави, 1 сентябрдан  “Enterdonat” нави, ноябрдан эса “Kutdiken” навининг йиғим-терими бошланди.

Шунингдек ўқинг: Турк лирасининг қулаши Шарқий Европа ва Марказий Осиёдаги мева-сабзавот ҳамда ёнғоқ бозорларига қандай таъсир кўрсатмоқда?

Туркияда жорий мавсумдаги лимон истеъмоли 578 минг тоннагача ошади, бу маҳсулот етиштиришнинг  кўпайиши ва лимон нархи арзонлашуви туфайлидир.  Бозор нархлари ошиши ва ҳукуматнинг CОVID-19 сабабли ресторан ҳамда қаҳвахоналарни ёпиш талаби туфайли 2020/21 мавсумда лимон истеъмоли 433 минг тоннани ташкил этди. 2021/22 йилларда  фермерлар лимонни нафақат хусусий тижорат бозорлари ва супермаркетларда, балки истеъмолчиларга субсидияланган паст нархларни таклиф қилувчи давлатга қарашли қишлоқ хўжалиги бозорларида ҳам сотишни режалаштиришмоқда.

Сообщение USDA прогнози: Туркия 2021/22 йилги мавсумда лимон экспортини 25 фоизга оширади появились сначала на EastFruit.

2021 йилнинг январь-октябрь ойларида Ўзбекистондан лимон экспорти ҳажми (жисмоний жиҳатдан) 2020 йилнинг шу даврига нисбатан 37 фоиз камайган бўлса-да, 2019 йилнинг шу даврига нисбатан деярли 6 фоиз кўп бўлди. EastFruit таҳлилчиларининг таъкидлашича, 2020 йилги пандемия даврида ушбу маҳсулотга талаб ортгани ҳисобга олинса, Ўзбекистондан лимон экспорти ҳажми (жисмоний жиҳатдан) пандемиядан аввалги даражага қайтмоқда.

Республика Божхона қўмитаси маълумотларига кўра, 2021 йилнинг январь ойи бошидан октябрь ойи охиригача Ўзбекистондан лимон экспорти ҳажми 3,7 минг тоннани, умумий қиймати эса 3,8 миллион долларни ташкил қилди. Таққослаш учун айтадиган бўлсак, 2020 йилнинг шу даврида экспорт ҳажми жисмоний жиҳатдан 5,9 минг тоннани, 2019 йилнинг январь-октябрь ойларида эса 3,5 минг тоннани ташкил этган. Бошқача айтганда, Ўзбекистондан лимон экспорти ҳажми пандемиядан аввалги йиллардаги даражага қайтмоқда.

EastFruit таҳлилчиларининг маълумотларига кўра, бутунбошли 2019 йилда Ўзбекистон 5,7 минг тонна, умумий қиймати 12,9 миллион долларга тенг лимон экспорт қилган, бу ўтган 2018 йилга нисбатан жисмоний жиҳатдан 3 баравар ва экспорт тушумлари бўйича 4,5 баробар кўпдир. 2020 йилда экспорт ҳажми жисмоний жиҳатдан 21 фоиз ошганига қарамай, лимон экспортидан тушган даромад 35 фоизга камайди.

2020 йилнинг апрель ойи ҳолатига кўра, Ўзбекистонда йилига 30 минг тоннага яқин лимон етиштирилади. Эслатиб ўтамиз, 2021 йилнинг август ойида лимон етиштириш ва экспорт қилишда субсидиялар миқдорини ошириш тўғрисидаги Президент қарори қабул қилинди.

Сообщение 2021 йилнинг январь-октябрь ойларида Ўзбекистондан лимон экспорти 37 фоизга камайди появились сначала на EastFruit.

Европа Иттифоқи (ЕИ) Туркиядан импорт қилинган лимон партияларида бир неча бор пестицид қолдиқлари меъёрдан ортиқ миқдорда эканлигини аниқлагач, Туркия лимони импорти устидан назоратни кучайтиришга эътибор қаратди.

Испания Лимон ва грейпфрутлар халқаро профессионал ассоциацияси (Аilimpo)нинг хабар беришича, ўтган йили жўнатилган Туркия лимонининг 10 та партиясида Европа Иттифоқида таъқиқланган бифенил моддаси кўп миқдорда топилганини билдирар экан, Туркия маҳсулотларида «жиддий нуқсонлар» борлигини маълум қилди. Бу хусусда EastFruit Freshfruitportal ҳаволасига таяниб ёзмоқда.

Бундан ташқари, Аilimpо маълумотларига кўра, жорий йилнинг сентябрь ва октябрь ойларида беш партия мева таркибидаги хлорпирифос қолдиқлари рухсат этилган даражадан икки баробардан ортиқ экани аниқланган.

Шунингдек ўқинг: Туркия лимон экспортини 48 фоизга оширди

“Аниқланган қоидабузарликлар сони ортиши натижасида Евроқўмита бу ҳафта Туркия лимонини олиб кириш шартларини ўзгартириш ва чегара назоратини кучайтириш, текширувлар частотасини 10 фоиздан 20 фоизга оширишга қарор қилди”, дейилади ассоциация хабарида.

Амалда бу чора Туркия лимонларини олиб кетаётган ҳар 10 юк машинасидан иккитаси Европа ҳамжамияти чегарасида текширилишини англатади. Янги назорат тизими 2022 йилнинг 1 январидан кучга киради.

Сообщение Европа Иттифоқи Туркия лимонлари устидан назоратни кучайтиради появились сначала на EastFruit.

Дастлабки 9 ойда Туркиядан лимон экспорти ўтган йилнинг шу даврига нисбатан 48 фоизга ошиб, 184 миллион долларга етди. Экспортёрлар йил охирига бориб, етказиб бериш 300 миллион долларга етишини кутишмоқда.

Буни Туркиянинг Эгей вилояти экспортёрлари уюшмаси (ЭЭУ) маълумотлари тасдиқлайди.

Туркия лимонни жаҳоннинг 60 дан зиёд мамлакатларига экспорт қилади.

2020 йилда ушбу цитрус меванинг экспорти 273,8 миллион долларни ташкил этди.

Бу йил ҳосилдорлик ошиши экспортда ўз аксини топди. Ўтган йилнинг январь-сентябрь ойларида лимон экспорти 124,02 миллион долларни ташкил этган бўлса, бу йил 48 фоизга ошиб, 184,049 миллион долларга етди.

Россия импортёрлар орасида биринчи ўринни эгаллайди – 48,3 миллион доллар. Лимоннинг Топ-3 импортёрлари, шунингдек, Ироқ (43,6 миллион доллар) ва Руминия (18,5 миллион доллар)дир.

Эгей минтақасининг сархил сабзавот ва мевалар экспортёрлари уюшмаси бошқаруви раиси Хайреттин Учак «Анадолу» агентлигига берган интервюсида, Туркияда январь-сентябрь ойларида сархил сабзавот ва мевалар экспорти ўтган йилга нисбатан 19 фоизга ошиб, 2,016 миллиард долларга етганини айтди.

Ҳосил йиғим-терими тезлашиши билан цитрус экспорти ўсади, дейди Учак. Унинг сўзларига кўра, Ўртаер денгизи минтақасида лимоннинг эртаги навлари ҳосилини йиғиш август ойида бошланган. Оддий навлар йиғим-терими эса сентябрь ва октябрь ойларида давом этган.

Учак, бу йил Ўртаер денгизи минтақасида сифат ва ҳосилдорлик юқори эканини, Эгей денгизидаги ҳосил ўтган йилгидан пастлигини таъкидлади. Унинг сўзларига кўра, лимон етиштирувчилар йил охирига қадар экспорт ҳажмини 300 миллион долларга етказиш ниятида.

Сообщение Туркия лимон экспортини 48 фоизга оширди появились сначала на EastFruit.

2021 йилнинг январь-август ойларида хорижий давлатларга Туркиядан етказиб бериладиган мева ва резавор экинлари орасида асосий экспорт товарлари – гилос ва помидор бўлди.

«Aнадолу» агентлиги Туркиянинг Ўртаер денгизи минтақаси экспортёрлари уюшмаси маълумотларига (AKIB) таяниб хабар берганидек, шу йилнинг ўтган 8 ойида Туркиядан сархил мева-сабзавотлар экспорти 1 миллиард 785 миллион долларни ташкил этди. Бу ўтган йилнинг шу даврига нисбатан 20% кўп кўрсаткичдир.

Туркиянинг мева сотишдан тушган даромади шу йилнинг январь-август ойларида 805 миллион 396 минг доллар, сабзавот бўйича 576 миллион 402 минг доллар, цитрус бўйича – 391 миллион доллар ва чой бўйича – 11 миллион 898 минг долларга тенг бўлди.

Бу даврда Туркиянинг сабзавот ва мева экспортида энг кўп талаб қилинадиган товарлар помидор ҳамда гилос бўлди.

Шунингдек ўқинг: Россельхознадзор Россия Федерациясига Туркиянинг икки вилоятидан помидор ва қалампир олиб киришга рухсат берди

2021 йилнинг январь-август ойларида Туркиядан гилос экспорти 184 миллион 13 минг долларни, помидор эса 240 миллион 409 минг долларни ташкил этди.

Сотув бўйича кейинги ўринда лимон, шафтоли ва мандарин туради.

Ўртаер денгизи минтақаси сархил мева-сабзавотлар экспортёрлари уюшмаси раҳбари Нежат Син жорий мавсум муваффақиятли ўтиши кутилаётганини айтди. Унинг сўзларига кўра, айни дамда ишлаб чиқариш билан боғлиқ ҳеч бир муаммо йўқ.

Сообщение Гилос ва помидор Туркия мева-сабзавот экспортининг энг юқори позициясини эгаллаб турибди появились сначала на EastFruit.

Туркиядан лимон экспорти 2021 йилнинг январь-июль ойларида ўтган йилнинг шу даврига нисбатан 59 фоизга ошиб, 147 миллион 964 минг долларга етди, буни Туркия Ўрта Ер денгизи минтақаси экспортчилари уюшмаси маълумотлари тасдиқлайди.

Ҳисобот даврида цитрус мевалари экспорти ҳажми жиҳатдан 734 791 тоннани ва қиймати 382 миллион долларни ташкил этди.

Бу сектор экспортининг энг катта улуши лимон ҳиссасига тўғри келди. Шундай қилиб, дастлабки 7 ойда Туркия ташқи бозорга 147 миллион 964 минг долларлик 286 855 тонна лимон етказиб берди.

Ўсиш ўтган йилнинг шу даврига нисбатан ҳажм бўйича 91% ва пул билан ифодалаганда 59% ни ташкил этди.

Лимоннинг юқори кўрсаткичли экспорти фермерларни ҳам, экспортчиларни ҳам хурсанд қилди.

Шунингдек ўқинг: Биринчи ярим йилликда Туркия сархил мева-сабзавотлар экспортини 25 фоизга оширди

Январь-июль ойларида Туркиядан мандарин экспорти 141 миллион 982 минг долларни, грейфурт – 51 миллион 229 минг долларни, апельсин – 40 миллион 827 минг долларни ташкил этди.

Цитрус етиштирувчилар миллий кенгаши раҳбари Камал Качмазнинг «Анадолу» агентлигига айтишича, энг кўп лимон Россия, Ироқ, Руминия, Украина ва Сербияга етказиб берилган.

Унинг айтишича, август ойи охирида цитрус мевалар учун янги экспорт мавсуми бошланади ва бундан экспортчиларнинг умиди катта.

Январь-июль ойларида Туркиядан цитрус мевалари экспорти:

Сообщение Туркия лимон экспортини 59 фоизга оширди появились сначала на EastFruit.

Чўлланишни тадқиқ қилиш институти (CIDE)нинг тадқиқот гуруҳи – Испания миллий тадқиқот кенгаши (CSIC), Валенсия университети ва Валенсия ҳукумати қўшма маркази ҳамда Сегура тупроқшунослик ва амалий биология маркази (CEBAS-CSIC) ярим қурғоқчил иқлим шароитида томчилатиб суғориш йўли билан хурмо ва лимон экиш учун оптимал суғориш усулини яратиш бўйича тадқиқот олиб борди. Олимларнинг хулосасига кўра, лимон учун ҳам, ёш хурмо дарахтлари учун ҳам маҳсулдорлик ва сувдан фойдаланиш самарадорлигини ошириш учун битта томчилатиш линияси етарли. Бу хусусда «AПК-Информ сабзавотлар ва мевалар» агентлиги phys.org сайтига таяниб хабар бермоқда.

Иш жараёнида томчилатгичларни ушлаб турувчи шлангларни жойлаштиришнинг мақбул усули аниқланади (сони ва боғда жойлашуви),  дарахтларга сув етказиш учун бир ёки бир нечта томчилатгич-ушлагич жойлаштирилиши мумкин.

Тадқиқотга кўра, линияларнинг оддий жойлашуви арзон бўлиб, тупроққа ишлов беришни осонлаштирса-да, улар етарли даражада намликни таъминлай олмаслиги мумкин. Ушбу тадқиқотда ишлатилган томчилатгичлар линиясига қараб, дарахтларнинг агрономик реакцияси таққосланади.

«Aсосий хулоса шуки, агар лимон дарахтлари лой тупроқда ўсса, маҳсулдорликни ва сувдан фойдаланиш самарадорлигини ошириш учун томчилатгич-ушлагичнинг битта линияси етарлидир. Худди шунингдек, ёш хурмо дарахтлари учун томчилатгичларни томчилатгич-ушлагичнинг бир линиясига жойлаштириш сувнинг маҳсулдорлигини оптималлаштиради”, дейди CIDE тадқиқотчиси ва ишланма муаллифларидан бири Диего Интриглиоло.

Сообщение Испанияда хурмо ва лимон дарахтларини томчилатиб суғоришнинг инновацион усули ишлаб чиқилди появились сначала на EastFruit.

Жорий йилнинг апрель ойида Туркиядан янги узилган мева-сабзавотлар экспорти ўтган йилнинг шу ойига нисбатан 70 фоиз ўсиб, $ 201,7 миллионга етди.

Бу ҳақда Ўрта ер денгизи минтақасининг сархил мева-сабзавотларни экспорт қилувчилар уюшмаси раиси Неждат Син маълум қилди.

Неждат Синнинг фикрига кўра, туркия сабзавот ва мевалари юқори сифатли, хавфсиз, бой ассортиментига эга, деб ёзади “Aнадолу” агентлиги.

Туркия апрель ойида 327 761 тонна янги узилган мева-сабзавотларни экспорт қилган.

Шунингдек ўқинг: Туркия компанияси Жамбил вилояти (Қозоғистон)да мева етиштириш ва қайта ишлашга 92 миллион доллар инвестиция киритмоқда

Мева-сабзавот экспорти жорий йилнинг апрель ойида йиллик асосда табиий кўрсаткич (вазни) бўйича 69% фоиз, қиймат кўрсаткичи бўйича 70% га ўсди, дейди Неждат Син.

Ҳисобот даврида сабзавот экспорти 98,9 миллион долларни, мевалар экспорти эса 57,6 миллион долларни ташкил этди. Шу билан бирга, помидор энг талабгир маҳсулотга айланди. Шу йилнинг апрель ойида Туркиядан помидор экспорти 41,9 миллион доллар қийматида эди. Иккинчи ўриндан булғор қалампири жой олди. Ушбу маҳсулот экспорти апрель ойида 27,1 миллион долларга етди. Шунингдек, ТОП-3 маҳсулотлар таркибига лимон ҳам киради, унинг экспорти қиймати 24,3 миллион долларни ташкил этди.

“Ўтган ойда Россия Туркияда етиштирилган янги сабзавот ва меваларнинг асосий импортчисига айланди. Ушбу маҳсулотларнинг Россияга экспорти 85 фоиз ўсиб, 57,5 миллион долларни ташкил этди. Шунингдек, уч етакчи мамлакатлар қаторига Руминия ҳам кирди, ушбу мамлакатга экспорт  – 30,1 миллион доллар (64 фоиз ўсиш)ни, Ироққа экспорт – 14,3 миллион доллар (81 фоиз ўсиш)ни ташкил этди», деди Син.

Бундан ташқари, Ҳиндистон, Ливия, Сурия, Косово ҳамда Беларусга экспорт ҳажми беш бараваргача ўсди.

Сообщение Помидор, қалампир ва лимон – Туркия мева-сабзавот экспортида Топ-3 талигидан жой олди появились сначала на EastFruit.