Бундан бир ой олдин EastFruit 2022 йилнинг январь ойида Ўзбекистондан карамнинг асосий турлари экспорти рекорд ҳажмда бўлгани ҳақида ёзган эди. Бунинг сабаби, ташқи бозорларда ушбу маҳсулотга талаб кескин ошганидир.  Февраль ойида ҳам асосий ташқи бозорларда вазият оқ бошли карам, Пекин карами, гулкарам ва брокколи етиштирувчи ўзбекистонлик фермерлар ва экспортёрлар учун қулайлигича қолди.

Ўзбекистон Республикаси Божхона қўмитасининг дастлабки маълумотларига кўра, 2022 йилнинг февраль ойида карамнинг асосий турлари бўйича экспорт ҳажми жисмоний жиҳатдан қуйидагича кўриниш касб этди:

• оқ бошли карам – 17,2 минг тонна, бу 2021 йилнинг шу ойига нисбатан 2,2 баробар кўп;
• гулкарам ва брокколи – 2,5 минг тонна, бу 2021 йилнинг февраль ойига нисбатан 62 фоизга кўп;
• Пекин карами – 710 тонна, бу 2021 йилнинг февраль ойига нисбатан 3,6 баробар кўп.

Экспорт географиясига келсак, оқ бошли карам экспорти умумий ҳажмининг 99 фоизи тўрт импортёр давлат – Қозоғистон (80%), Россия (10%), Қирғизистон (6%) ва Беларусь (3%)нинг умумий улушига тўғри келади;  гулкарам ва брокколининг қарийб 98 фоизи – Қозоғистон (61%), Россия (17%), Қирғизистон (12%) ва Украина (8%)нинг умумий улушига тўғри келади;  Пекин карамининг деярли барча ҳажми уч мамлакат – Қозоғистон (74%), Россия (18%) ва Беларус (8%)га жўнатилди.

Шунингдек ўқинг: Ўзбекистонда пиёз нархи бир ҳафта ичида 25 фоизга ошди

2022 йилнинг январь-февраль ойларида Ўзбекистон жами 28 минг тонна оқ бошли карам экспорт қилди, бу 2021 йилнинг шу даврига нисбатан 2,1 баробар кўп кўрсаткичдир.

2022 йилнинг январь-февраль ойларида бошқа турдаги карамлар экспорти ҳажми жисмоний жиҳатдан қуйидагичадир:

• гулкарам ва брокколи – 6,2 минг тонна, бу 2021 йилнинг шу даврига нисбатан 2,2 баробар кўп;
• Пекин карами – 1,7 минг тонна, бу 2021 йилнинг шу даврига нисбатан 6,6 баробар кўп.

Эслатиб ўтамиз, EastFruit 2022 йил февраль ойининг биринчи ўн кунлигида Ўзбекистонда эртаги карам экиладиган майдонлар кескин кўпайгани ҳақида ёзган эди. Бу эса табиийки, ушбу турдаги сабзавот бўйича нархлар яқин ойлар ичида минтақа бўйлаб барқарорлашуви ва ҳатто, эҳтимол, пастлашига умид беради.

Сообщение Ўзбекистон карамнинг асосий турлари экспорти бўйича рекорд даражаларни қайд этишда давом этмоқда появились сначала на EastFruit.

2022 йилнинг январь ойида Ўзбекистон рекорд ҳажмдаги оқ бошли карам, Пекин карами, гулкарам ва брокколи экспорт қилди, дея хабар бермоқда EastFruit таҳлилчилари.  Ўтган йилнинг январь ойига нисбатан оқ бошли карам экспорти ҳажми 2 баробар, гулкарам ва брокколи – қарийб 3 баробар, Пекин карами – қарийб 16 баробарга ошди!

2021 йил ўзбекистонлик карам етиштирувчилар ва экспортерлар учун муваффақиятли йил бўлди ва бу EastFruit мутахассислари томонидан мамлакат мева-сабзавотчилигида 2021 йилги Топ-10 асосий воқеликлардан бири сифатида қайд этилди.  Бунга 2021 йил давомида ташқи бозорларда ушбу маҳсулотга талаб юқори бўлганлиги сабабдир. Шу билан бирга, ушбу маҳсулотнинг асосий ташқи бозорларида кескин танқислик бугунги кунгача сақланиб қолмоқда. Россияда оқ бошли карам захиралари қисқариши ва ушбу маҳсулот нархи тез ўсиши 2022 йилнинг январь ойида EastFruit материалларининг асосий мавзуларидан бирига айланди.

Шундай қилиб, 2022 йилнинг биринчи ойида ҳам карамнинг барча асосий турлари бўйича Ўзбекистон фермерлари ва экспортёрлари учун ташқи бозордаги вазият жуда қулайлигича қолди.

Ўзбекистон Божхона қўмитаси маълумотларига кўра, 2022 йилнинг январь ойида мамлакатдан 10,8 минг тонна оқ бошли карам экспорт қилинган, бу 2021 йилнинг январь ойига нисбатан 2 баробар кўп кўрсаткичдир.

Шунингдек, 2022 йилнинг январь ойида карамнинг бошқа турлари бўйича экспорт ҳажмининг ўсиши оқ бошли карамга нисбатан янада юқори даражада бўлди:

• гулкарам ва брокколи экспорти ҳажми 3,7 минг тоннани ташкил этди, бу 2021 йилнинг январига нисбатан 2,9 баробар кўпдир.  Таққослаш учун айтадиган бўлсак, 2021 йилнинг 12 ойи давомида гулкарам ва брокколи экспортининг умумий ҳажми 13,1 минг тоннани ташкил этди;
• Пекин карами экспорти ҳажми 1,04 минг тоннани ташкил этди, бу 2021 йилнинг январига нисбатан 15,7 баробар кўпдир! Таққослаш учун айтадиган бўлсак, 2021 йилнинг 12 ойи давомида Пекин карамининг умумий экспорти ҳажми 1,1 минг тоннани ташкил этган.

Экспорт географияси ҳақида гапирадиган бўлсак, карамнинг ҳар бир тури (оқ бошли карам, Пекин карами, гулкарам ва брокколи) бўйича экспортнинг 97-98 фоизи уч импортёр мамлакат – Россия, Қозоғистон ва Қирғизистоннинг умумий улушига тўғри келади.

Сообщение Ўзбекистон 2022 йилнинг январь ойида карамнинг асосий турлари бўйича экспортни рекорд ҳажмга етказди появились сначала на EastFruit.

Львов вилояти деҳқонлари гулкарамни Украина бозори учун ғайриоддий тарзда етиштиришди. Рангли гулкарамнинг дастлабки ҳосили супермаркет ва ресторан ходимларида катта қизиқиш уйғотди, дея хабар бермоқда Agri-gator AgroPortal.ua манбаларига асосланиб.

Рангли гулкарам уруғларининг Львов вилоятидаги расмий дистрибютори, «Магнат Агро Имиж Львов» компаниясининг ҳамкор раҳбари Юрий Квинтюк бу ҳақда маълумот берди. Унинг сўзларига кўра, ушбу гибрид гулкарам Украинада рўйхатдан ўтиши биланоқ, компания ўзининг доимий мижозларига уни дала майдонларида синаб кўришни таклиф этди. Львов вилоятидаги ўнга яқин шахсий ва хусусий фермер хўжаликлари бу таклифга розилик билдирди.

“Мазкур гибрид нав Украина бозорида янгилик бўлгани учун деҳқонлар рангли гулкарамни экиш учун  катта майдон ажратмади. Улар карамни далада қандай ўсиши ва кейинчалик бозорда мазкур маҳсулотга талаб қандай бўлишини билиш мақсадида синовдан ўтказишга қарор қилишди. Аҳоли гулкарамни оқ рангда бўлишига ўрганиб қолган, шунинг учун рангли гулкарамлар баъзи харидорлар учун кутилмаган янгилик бўлди. Шунга қарамай, харидорлар, айниқса Европада бўлган одамлар янги маҳсулотга қизиқмоқда, боиси бундай карам у ерларда узоқ вақт давомида етиштирилган ва жуда машҳур. Шунингдек, мазкур рангли гулкарам озиқ-овқат тармоқлари ва ресторан юритувчи бизнесменларда катта қизиқиш уйғотди”, – дейди Юрий Квинтюк.

Жорий йилда рангли гулкарамни етиштирганлардан бири «Овощеводство» фермер хўжалиги асосчиси Мария Морикин эди. Унинг фермер хўжалиги Львов вилоятининг Николаев туманида 20 гектар майдонда иш олиб бориб, қовоқча, цуккини, карамнинг эртаки-кечки каби ҳар хил турларини, сельдерей ва салат баргларини етиштиришга ихтисослашган. У ўз маҳсулотларини МEТРО каби йирик супермаркетларга сотади.

Бу йил «Овощеводство»да рангли гулкарам етиштирилган умумий майдон 30 гектарни ташкил этди. Бироқ улар кузда бу ҳажмни янада оширишни режалаштирмоқда.

2,5 гектар ерга экиш учун етадиган 2,5 минг уруғ сиғимига эга бўлган битта тўплам 2245 грн. туради.

Юрий Квинтюкнинг сўзларига кўра, бундай гулкарамнинг бир килограмми нархи супермаркет жавонларида тахминан 200 грн.ни ташкил этиб, бир бош карамнинг ўртача вазни бир килограммгача тенг келади. Аммо шуни ёдда тутиш керакки, карамнинг ўртача вазни деҳқонларнинг уруғ экиш пайтида танлаган зичлигига ҳам боғлиқ бўлади.

“Катта бош гулкарам етиштиришни истовчилар гектарига 25-27 минг, кичикроқ маҳсулотга қизиқувчилар эса уруғларни зичроқ экиши мумкин. Бозор учун сархил маҳсулотлар етиштирилганда ўртача ҳосилдорлик гектарига 20  тоннани ташкил қилади», – дейди Юрий Квинтюк.

Бундан ташқари, ранг-баранг гулкарамларнинг кўриниши чиройли бўлгани учун ишлаб чиқарувчилар, айниқса музлатиш билан шуғулланадиганлар қизиқишини оширмоқда.

Сообщение Ранг-баранг гулкарам савдоси хитга айланди появились сначала на EastFruit.

2021 йил I ярим йиллик мобайнида Украина хориждан 17,9 минг тонна карамнинг ҳар хил турлари (бошли, гулкарам, брокколи, кольраби ва бошқалар)ни сотиб олган. Бу 2020 йилнинг шу даврига нисбатан 47%га кўп демакдир.

Украина Давлат божхона хизматининг маълумотлари шундан далолат бермоқда, деб ёзади AgroTimes.

Импорт қиймати $10,6 млн ташкил этиб, ўтган йилнинг шу даврига нисбатан 29,5%га ошган.

2021 йил I ярим йиллик мобайнида Украинага карам етказиб берган асосий мамлакатлар Шимолий Македония ($2,8 млн), Италия ($1,9 млн), Ўзбекистондир ($1,6 млн).

Жорий йилнинг дастлабки ярим йиллигида 5,1 минг тонна маҳаллий карам экспортга жўнатилган. Бу эса 2020 йилнинг худди шу даврига нисбатан 39%га кўп.

Пул ифодасида карам экспорти $1,6 млнга етиб, 2020 йил январь-июнь ойларидаги кўрсаткичдан 44,4% юқори бўлди.

Жорий йилнинг I ярим йиллигида Украинадан карамни энг кўп Беларусь ($983,8 минг), Руминия ($280,1 минг) ва Молдова ($169,3 минг) давлатлари сотиб олган.

Сообщение I ярим йилликда Украина карам импортини ҳам, экспортини ҳам оширди появились сначала на EastFruit.