Rungis бозоридаги Мighirian Frères номли улгуржи савдо компанияси январь ойи охирида Provence маркасининг кўкимтир-бинафшаранг помидорлари (Indigo Blue) савдосини бошлади.

«Биз ҳозирча фақат Испанияда етиштирилган “Indigo Blue” помидорларини таклиф қилмоқдамиз. Провансдаги фермеримиз билан жуда яхши муносабатда бўлганимиз боис, ундан оз миқдорда Indigo Blue помидорини етиштириб беришини сўраган эдик», дейди Мighirian Frères вакили Cедрик Лейте. «Бу йил  биринчи марта мижозларимизга Франциядан келтирилган ушбу ноодатий рангдаги маҳсулотни таклиф қилмоқдамиз».

EastFruit бу хусусда Freshplaza.com сайти ҳаволасига таяниб ёзмоқда.

Шунингдек ўқинг: Италияда қовоқчанинг совуққа чидамли нави етиштирилди (видео)

Сотувчиларнинг сўзларига кўра, синов мақсадидаги савдо анчайин муваффақиятли кечган, чунки, Провансда етиштирилган янги навни бозор яхши қабул қилмоқда: “Ҳозирча уни татиб кўрган барча харидорлар кўпроқ харид қилиш учун яна қайтиб келишмоқда. Испания помидорлари билан солиштирганда Indigo Bluе кўкимтирроқ ва рангги очроқ. Таъми эса испанча аналогларидан кўра тотлироқ, пўстлоғи юпқа ва ёқимли ўткир ҳидлидир. Биз помидорга берилаётган ижобий таърифлардан жуда мамнунмиз ва кейинги мавсумда ҳам ушбу линияни сақлаб қолишни режалаштирмоқдамиз».

Компания мижозларга помидорнинг бошқача ноодатий рангларини ҳам таклиф этмоқда.

Сообщение Францияда рангги ноодатий помидорларга қизиқиш тобора ортиб бормоқда (фото) появились сначала на EastFruit.

Францияда мева- сабзавотларни пластик қадоқлаш таъқиқланди.  Янги қонун 2022 йилнинг 1 январидан кучга кирди.

Бу хусусда propozitsiya.com theguardian ҳаволасига асосланиб ёзмоқда.

Францияда янги йилнинг биринчи кунида супермаркетлар ва бошқа дўконларда бодринг, қалампир, кабачок, бақлажон ва бошқа сабзавот ҳамда меваларни пластик қадоқларда сотишни таъқиқловчи қонун кучга кирди. Гап алоҳида пластик идишларга қадоқланадиган 30 га яқин турдаги мева-сабзавотлар ҳақида бормоқда.

EastFruit аввал хабар қилганидек, оғирлиги 1,5 кг дан ортиқ халталарга солиқ солинмайди. Бу тўғралган ёки қайта ишланган сабзавот ва меваларга ҳам тааллуқлидир.

Шунингдек ўқинг: Испанияда 2023 йилдан эътиборан, мева-сабзавот маҳсулотларини пластик қадоқда сотиш таъқиқланиши мумкин

Қизиғи шундаки, юмшоқ сабзавот ва мевалар (черри помидори, малина ва қорағат) сотувчиларига пластик қадоқларнинг муқобил вариантларини топиш учун кўпроқ вақт берилади. Бироқ, 2026 йилга бориб, барча мева- сабзавотлар учун пластик қадоқлаш босқичма-босқич таъқиқланади.

Президент Эммануэль Макрон янги маҳсулотлар учун пластик қадоқлаш таъқиқланишини «чинакам инқилоб» деб атади. Унинг сўзларига кўра, Франция 2040 йилга қадар бир марта ишлатиладиган барча пластик турларидан воз кечиш тўғрисидаги қонуни билан жаҳонда етакчи роль ўйнайди.

Сообщение Францияда янги йилдан бошлаб, сабзавот ва меваларни пластик қадоқлаш бўйича таъқиқ кучга кирди появились сначала на EastFruit.

Ўзбекистоннинг Франциядаги элчиси Сардор Рустамбаев Хоразм вилоятига ташрифи чоғида Ҳонқа туманида интенсив боғ барпо этиш лойиҳасининг амалга оширилиши билан танишди, деб хабар бермоқда “Дунё” ахборот агентлиги.

“Khorezm Fruits” корхонаси “DALIVAL” компанияси билан ҳамкорликда Ҳонқа туманидаги 30 гектар майдонда интенсив боғ барпо этиш ишларини бошлади. Франциядан 13 минг тупга яқин ўрик, шафтоли ва гилос кўчатлари келтирилган.  Лойиҳа қиймати 200 минг АҚШ долларини ташкил этади. Натижада, 30 га яқин иш ўрни яратилди.

Шунингдек ўқинг: Иссиқхоналарни экология мусаффолиги ва аҳоли саломатлигига зарар етказишига нима мажбур қилмоқда?

Айни пайтда Франциянинг “DALIVAL” компанияси Ўзбекистонда мева кўчатларининг янги навларини етиштириш бўйича питомник ташкил этиш имкониятларини ўрганиш мақсадида.

«DALIVAL» компанияси данакли ва уруғли мевалар (олма, олча, ўрик, шафтоли, нектарин ва олхўри) кўчатларини етиштириш ҳамда сотиш бўйича Европада етакчи ўринлардан бирини эгаллайди. Компания маҳсулотлари жаҳоннинг 40 мамлакатига экспорт қилинади. Бугунги кунга қадар корхона Ўзбекистонга 30 мингдан ортиқ кўчат олиб келган.

Сообщение Франция ва Ўзбекистон Хоразм вилоятида интенсив боғ яратиш бўйича қўшма лойиҳани амалга оширмоқда появились сначала на EastFruit.

Янги ҳосил Jazz ™ олмалари шу ҳафта Европанинг турли супермаркетларида сотилиши кутилмоқда ва Т&G Globalнинг қайд этишича, олма ҳосили “ажойиб, мевалар рангга бой ва ўзига хос ширин таъмга эга”.

T&G Global компаниясининг Европада навларни ривожлантириш бўйича менежери Франк Аллуйннинг айтишича, ташкилот бу мавсумда юқори сифатли олма ва рекорд даражадаги ҳосилни кутмоқда. “Бизнинг Jazz олмалар рангги, тузилиши ва таъми жиҳатидан бетакрор. Янги мавсум меваларининг аъло сифати, шубҳасиз, мураккаб об-ҳаво шароитига қарамай, олма етиштирувчиларимизнинг хизматидир», дея таъкидлайди мутахассис.

Компания Франция, Жанубий Тирол, Германия, Австрия ва Швейцария каби Европа минтақасида ўсаётган қарийб 40 000 тонналик  рекорд ҳажмни башорат қилмоқда. Бирлашган Қиролликда ҳам мавсум муваффақиятли ўтди, бу ерда маҳсулот ҳажми қарийб 8000 тонна бўлиши прогноз қилинмоқда. Бу хусусда EastFruit FreshPlaza ҳаволасига таяниб ёзди.

Франк Аллуйннинг сўзларига кўра, янги мавсумдаги Jazz олмалари янгича ташқи кўриниш ва шаклга мос равишда қарсилдоқ, серсув ва тетиклантирувчи хусусиятга эга. “Бу йил бошида биз Jazz олмаларининг ўзига хос хусусиятлари ва таъмига урғу бериш учун бренднинг ташқи кўринишини янгиладик.  Шунингдек, олма толмачой учун жуда мос эканини кўрсатиш учун қадоқларнинг форматини ишлаб чиқдик», дейди менежер.

Шунингдек ўқинг: Россиялик селекционерлар нокнинг юқори маҳсулдор янги навини яратишди

Ушбу мавсум Европада қайта ишланадиган қадоқларнинг янги форматлари жорий қилинмоқда. Бу компаниянинг барқарор ривожланиш мақсадларини қўллаб-қувватлашга қаратилган бўлиб, 2025 йилга бориб, 100 фоиз қайта ишланадиган қадоқларга эга бўлинишини таъминлайди.

“Барқарорлик бизнинг ишлаб чиқаришда муҳим аҳамиятга эга. Европадан олма етказиб беришнинг деярли 80%и Францияда етиштирилади, бу ерда барча фермерлар High Envirolmental Value сертификатига эга. Қишлоқ хўжалиги фаолиятида ушбу сертификатни олиш учун фермерларимиз барқарор сув ресурсларини бошқариш ва биологик хилма-хилликни сақлаш бўйича қатъий мезонларга жавоб беришлари керак. Янги дадил қадоқ ва хушбўй олмалар билан бу мавсум жуда муваффақиятли бўлишига ишонамиз!», дейди Франк Аллуйн.

Сообщение Европалик фермерлар Jazz ™ олмасининг янги ҳосилидан мамнун бўлишмоқда появились сначала на EastFruit.

2020 йилнинг февраль ойида Франция парламенти циркуляр иқтисодиёт цикли доирасида чиқиндиларга қарши курашиш тўғрисидаги қонунни қабул қилди. Қонуннинг мақсади чиқиндиларни чеклаш ва табиий ресурсларни тежаш мақсадида Францияда ишлаб чиқариш ва истеъмол моделини ўзгартиришдир.

Янги қонун бир марта ишлатиладиган пластмассаларни йўқ қилиш, истеъмолчиларга чиқиндиларни камайтириш ва қайта ишлашни кўпайтириш ҳақида яхшироқ маълумот бериш, компанияларга режалаштирилган эскирган (ишлаб чиқариш муддати белгиланган) маҳсулотлар ишлаб чиқаришни таъқиқлаш ва ишлаб чиқариш усулларини такомиллаштиришни ўз ичига олади. Бу хусусда Freshfruitportal материаллари асосида FruitNews ёзди.

Ушбу қонуннинг айрим қисмлари қишлоқ хўжалиги саноатига ҳам таъсир қилади. Шундай қилиб, қонун лойиҳасининг 77-моддасида, агар қадоқланган маҳсулот вазни 1,5 кг дан кам бўлса, мева-сабзавот учун пластик қадоқлардан фойдаланиш таъқиқланади. Истисно фақат нопластик идишларга қадоқлаб бўлмайдиган мева-сабзавотлар учундир. 80-модда мевалар учун биологик парчаланадиган материаллардан тайёрланмаган стикерлардан фойдаланишни таъқиқлайди. Қонун 2022 йилнинг 1 январидан кучга киради.

Шунингдек ўқинг: Исроилда мева-сабзавотлар нархи пасайтирилади

Aмерика Қўшма Штатлари Қишлоқ хўжалиги вазирлиги (USDA) ҳисоб-китобларига кўра, французларнинг мева-сабзавотларни стикерлар билан сотишни таъқиқлаши AҚШ экспортёрларининг ҳар йили Франция бозорига қарийб 20 миллион долларлик ширин картошка ва 8 миллион долларга яқин грейпфрут етказиб беришига тўсқинлик қилиши мумкин. Маълумки, Қўшма Штатларда кўплаб турдаги меваларнинг назорати ва уларнинг брендлаштирилишини таъминлаш мақсадида стикерлар ишлатилади.

Сообщение Франция 2022 йилнинг 1 январидан бошлаб мева- сабзавотлар қадоғи учун пластмассадан фойдаланишни чеклайди появились сначала на EastFruit.

Канадада диметоат моддасидан фойдаланишга йўл қўйилгани сабабли беш йил мобайнида бу ердан Францияга данакли мевалар олиб киришга рухсат берилмаётган эди. Энди, француз мансабдор шахсларининг маълум қилишича, Европа Иттифоқининг диметоат моддаси учун MRL чегарасини пасайтиришни назарда тутувчи қарори 2020 йил 27 майда қабул қилиниб, 16 декабрдан кучга кирган. ЕИ даражасида кўрилган чора-тадбирларни инобатга олган ҳолда, Канададан импорт қилиш бўйича алоҳида қарор қабул қилишга хожат йўқ, дея қўшимча қилди улар. Бу ҳақда FreshPlaza маълумотларига таяниб, EastFruit ёзмоқда.

AMS Export LLC компанияси вакили Роберт Борли (Robert Borley) нинг айтишича, бозорда Канада маҳсулотлари мавжуд бўлмаган бу беш йил мобайнида у гилосни мавсум охирида Буюк Британия ва Дания сингари ҳудудлардан излаган. “Биз Бельгияда мавсум якунига етган пайтда бозорни тўлдириб туриш учун кечки меваларни Буюк Британиядан топдик, бироқ етказиб берилган меваларнинг катта қисми Данияга тўғри келади, – дейди Борли. – Бизнинг даниялик етказиб берувчимиз гидрокулинг ускуналарига эга бўлиб, премиум навли меваларни август охирида етиштира олади. Бу эса бу йилгидек совуқ баҳор туфайли ҳосил кечиккан йилда муҳим аҳамиятга эга”.

Талаб ўзгарадими?

Борлининг қўшимча қилишича, Канаданинг бозорга қайтиши айрим таъсирга эга, бироқ бу янги минтақалардан мева етказиш жараёнига катта ўзгартиришлар киритмайди. Чунки маҳсулот таннархида акс этадиган MRLни ўрнатиш бўйича эҳтимоли ҳамон юқори. “Бироқ Канада гилосини импорт қилиш савдолар мавсумини сентябрга қадар узайтиради. Мижозлар учун бу муҳимдир ва улар пул сарфлашга тайёр”, деди у.

Истеъмолчи Канададан келтириладиган меваларни қандай қабул қилиши ҳали номаълум. “15 августдан кейин Францияда нархи қиммат импорт гилосга бўлган талаб пасаяди. Аммо Францияда совуқчиликлар сабабли данакли мевалар ҳосили деярли нобуд бўлган Францияда мавсум охирида юқорироқ нархдаги гилосга талаб ортиши мумкин. Шуни унутмаслик керакки, ЕИ ва Канада ўртасида эркин савдо тўғрисидаги битимга кўра, энди бож тўлашга тўғри келмайди”, дея қўшимча қилди Борли.

Бу йил Канадада гилос ҳосили 2020 йилдагига қараганда яхши. БРИКС кўрсаткичи 20 °га етишига ҳали анча бор, аммо мўътадил об-ҳаво ва қуёшли кунлар шакар кўпайишига ёрдам беради.

Июль бошидан ҳосил йиғиштириб олинади

Борлининг қайд этишича, гилос ҳосили Канаданинг Оканаган водийси жанубида мавсум аввалидан йиғиб-терила бошланган, Канада бозорларида эса у июнь ўрталарида пайдо бўлди. “Бизнинг тахминимизча, экспортга мўлжалланган мевалар июль бошида пишиб-етилади”, дейди Борли қуруқ келган апрель ва май ортидан июнда ёмғирлар бўлганини алоҳида тилга олар экан.

Аммо сўнгги пайтларда Келоунда (Британия Колумбияси) ҳаво ҳарорати кундузи 46 °, кечаси эса 30 °гача кўтарилиб кетди. Айрим мева етиштирувчилар боғларни иссиқдан ҳимоя қилиш мақсадида уларнинг устини ёпишди, бироқ бу бутун ҳосилнинг кичик бир фоизини ташкил қилади холос.

Май ойи охиридаёқ Канадада аномал иссиқ даври юз бериб, айрим эртапишар навлар бундан зарар кўрди. Кутилаётган ёмғирлар ҳаво ҳароратининг пасайишига ёрдам беради, аммо эртапишар навларга энг кўп зарар етади.

Жорий мавсумда меваларнинг калибри у қадар катта бўлмади ва иссиқ туфайли маҳсулот сифати янада ёмонлашиши мумкин.

Сақлаш муддати билан боғлиқ хавотирлар

Сифатнинг ёмонлашуви шуни англатадики, гилоснинг сақлаш муддати қисқариши мумкин. Бундан ташқари, денгизда юк ташиш имкониятларидаги муаммолар ҳам етказиб бериш муддатларига таъсир қилади.

“Бизнинг етказиб берувчимиз бўлган Данияда мева етиштириш ҳажмларининг кўпайиши совуқ ва аёзли баҳорга қарамай гилос арзон бўлишини таъминлаши керак, – дейди Борли. – Бельгияда ҳам мавсум одатдагидан кечроқ бошланаяпти, бироқ иссиқ об-ҳаво жараённи тезлаштириб юбориши мумкин. Бельгиядаги деҳқонлар июль бошида жиддий ишга киришадилар”. Бу мамлакатда мавсумни чўзиш имконини берувчи “Кордиа” ва “Регина” каби навларга ўтишмоқда.

Айни пайтда, Испанияда ҳосилни йиғиштириб олиш шу ой охирида ўз якунига етади, чекланган миқдордаги француз гилоси эса июль ўрталарига қадар бозорда бўлиб туради. Буюк Британия фермерлари ҳам гилос етиштирадилар, аммо улар асосий эътиборини ички бозорга қаратганлар. “Биз Дания ва Канада гилоси августда ва, эҳтимол, сентябрь бошида катта роль ўйнайди, деб ҳисоблаймиз”, дейди Борли.

Нархга келсак, Канада гилосининг экспорт нархлари ҳамиша юқори бўлган. Осиёдан бўладиган талаб, яқинда юз берган АҚШ ва Хитой ўртасидаги савдо уруши ҳам бунга қисман сабабчидир. “Ушбу омиллар Канада гилосининг ЕИга экспорт ҳажмларини оширишга ёрдам бермади. Аммо бизда ҳар мавсум Канада меваларини сўрайдиган доимий мижозларимиз ҳамон мавжуд”, деди Борли.

Сообщение Канада гилосига Франция бозорига қайтишга рухсат берилди появились сначала на EastFruit.

Франция трейдери Consentio энг чиройли мева-сабзавот расталарини аниқлаш учун танлов ташкил этди. “Оммавий ахборот воситалари билан биргаликда супермаркет расталарида мева-сабзавотлар тақдимотини тарғиб қилиш мақсадида ушбу танловни ташкил этдик. Мазкур тадбирни бир нечта ҳомийлар – Prince de Bretagne, Demain La Terre, Savéol, Lagadec Primeurs, Anecoop қўллаб-қувватламоқда», дея таъкидлади Consentioнинг харидорлар билан ишлаш бўйича менежери Бенуа Мотаис (Benoît Motais). Бу ҳақда FreshPlaza материаллари асосида EastFruit хабар бермоқда.

Ғолиб бўлиш учун учта шарт

Ташкилотчилар томонидан танлов иштирокчиларини баҳолашда учта шарт белгиланган: яъни – ўзига хос стеллаж, маҳаллий маҳсулотлар тақдимоти ва томошабинлар эътирофи. «Ҳакамлар ҳайъати энг оригинал фотосурат ва энг ажойиб маҳсулот намойиши учун мукофот тақдим этади. Маҳаллий ишлаб чиқарувчилар ва уларнинг маҳсулотларини оммалаштиришга қаратилган дўкондаги саъй-ҳаракатлар ҳам муносиб тақдирланади. Ҳакамлар ҳайъати жамоатчилик овози асосида баҳоланадиган 20 та фотосуратни олдиндан танлаб олади. Сўнгра интернет фойдаланувчилари энг чиройли мева ва сабзавот растасига овоз беришади. Шунингдек, биз маҳсулот етказиб берувчилар ва ҳудудий менежерларни дўкондаги хизмати учун мукофотлашни истаймиз. Агар энг кўп овоз йиққан фотосурат ҳудудий менежер томонидан жойлаштирилган бўлса, дўкон ҳам, менежер ҳам ғолиб деб топилади», – дея тушунча берди Бенуа Мотайс.

Шунингдек ўқинг: Данакли мевалар шаршараси: гилос, олхўри, ўрик, шафтоли – супермаркетларнинг мева-сабзавот бўлими учун дизайн ғоялари (фото)

Танлов – барча учун!

Мазкур тадбир мева-сабзавот соҳасидаги барча мутахассислар учун ташкил этилди: «Танловда мева-сабзавот бўлими бошлиғидан тортиб, супермаркет ишчилари, менежер ёрдамчилари, маҳсулот етказиб берувчилар, ҳудудий менежерлар, ҳаттоки савдо-сотиқ вакиллари ҳам иштирок этиши мумкин. Шунингдек, танловда савдо фаолиятини, маҳсулотлар ва инновацион витриналарни реклама қилишни истаган ҳар бир киши қатнашиш ҳуқуқига эга. Биз барча дўконлар ва маҳсулот етказиб берувчиларни қамраб оламиз. Танловда иштирок этиш учун фақатгина фотосурат керак бўлади. Энг зўр дўкон мукофотланади. Танловнинг 8 ҳафтаси давомида супермаркет турли витриналар билан бир неча бор иштирок этиши мумкин».

Мусобақа 21 июнь куни бошланган ва 15 августга қадар давом этади. Натижалар 10 сентябрь куни эълон қилинади.

Сообщение Францияда мева ва сабзавотларнинг энг чиройли тақдимоти учун танлов эълон қилинди появились сначала на EastFruit.

Франциядаги Миллий қишлоқ хўжалиги кунлари муносабати билан (2021 йилнинг 18, 19 ва 20 июнь саналарида) Neofarm стартапи Сен-Ном-ла-Бреше (Париж яқинидаги Ивелин департаменти)да ўзининг 10 000 м²лик технологик фермасини очди, деб хабар бермоқда Francetvinfo ҳаволасига асосланиб Agrotimes.

Neofarmнинг мақсади – технологик фермер хўжаликларини тўлиқ лойиҳалаштириш орқали фермерлар меҳнатини камайтиришдир. Шундай қилиб, ушбу иссиқхонада экин экувчи, бегона ўтларни йиғиб олувчи ва ҳосил йиғувчи роботлар мавжуд.

“Бугун фермерларимизнинг ёши анчага бориб қолган. Кейинги 5 йил ичида уларнинг ярми нафақага чиқади ва бу мутахассисларнинг ўрнини алмаштириш шарт эмас. Ва биз ушбу касбнинг янада жозибадор бўлишини таъминлашимиз керак»,  дейди стартап ҳаммуассиси Aлексия Рэй.

Масалан, сабзи йиғишда ёрдам берадиган роботни олайлик. У иккита камар механизми билан сабзавот палагини ушлайди ва уни белга томон баландликкача тортади. Йиғим-терим маҳали киши эгилиши ёки қатор оралаб эмаклаб юриши шарт эмас» дея изоҳ берди Neofarmнинг робототехника муҳандиси Микаэль Aргедас.

Шунингдек ўқинг: Исроил стартапи мева ҳосилини йиғувчи робот яратди (видео)

Фермер хўжаликлари 1 дан 4 гектаргача, сабзавот етиштирувчилар эса органик ва маҳаллий сабзавотларни ўстиришади. Роботизациясиз бундай хўжалик жуда қимматга тушади. Робототехника воситалари кичик майдонларда юқори ҳосил олиш имконини беради. Яна бир афзаллиги, улар қишлоқ хўжалиги тракторларидан фарқли ўлароқ, электр энергиясида ишлайди, кимёвий моддалардан йироқ ва тупроқни зичлаштирмайди. Шу жиҳатлари билан ушбу технология барқарор қишлоқ хўжалиги моделини яратишга ёрдам беради.

Технологик фермани ташкил этиш харажатлари 800 мингдан 2 миллион еврогача боради. Яқин йилларда Neofarm стартапи Францияда ўнлаб шундай фермер хўжаликларини яратмоқчи.

Сообщение Француз стартапи: роботлаштирилган сабзавот фермаси появились сначала на EastFruit.

Испаниянинг Hortoinfo.es портали маълумотларига кўра, Марокаш 2020 йилда жами 596 720 тонна помидор экспорт қилган, бу беш йил аввалгига нисбатан 13,68%га кўп. Ушбу даврда мамлакат Россия помидор бозорининг сезиларли қисмини йўқотди, аммо Франция, Буюк Британия, Испания ва Голландияга экспортни сезиларли даражада оширди.

Франция 2020 йилда Марокаш помидори учун 359 350 тонна ҳажм билан энг яхши йўналиш бўлди, бу 2016 йилда Марокаш ушбу мамлакатга экспорт қилган ҳажмдан 6,15% кўпдир, деб ёзади AгроБизнес.

Иккинчи ўринни Буюк Британия эгаллади, у 2020 йилда Марокашдан 52 830 тонна помидор сотиб олди, бу 2016 йилга нисбатан 153,75 фоизга кўпдир.

Испания Марокаш помидори учун учинчи йирик манзил бўлди, 2020 йилда ушбу мамлакатга Марокашдан 40 220 тонна помидор импорт қилинган, бу 2016 йилга нисбатан 102,11 фоизга кўпдир.

Шунингдек ўқинг: Марокаш цитрус мевалар етиштиришни 32 %га оширади

Нидерландия Марокаш помидорининг энг йирик 4 та импортчиси рўйхатини якунлаб беради. 2020 йилда Марокаш Голландия бозорига 38 160 тонна помидор сотди, бу 2016 йилга нисбатан 472,11 фоизга кўп.

Сўнгги беш йил ичида Марокаш помидор экспортининг энг асосий тўртта йўналишида  экспорт ҳажми ошди. Aйни пайтда, бешинчи йирик йўналиш – Россияга экспорт ҳажми камайди. 2016 йилда Марокаш Россияга 110 200 тонна помидор экспорт қилган. 2020 йилда эса бу кўрсаткич 35 720 тоннага тушиб кетди, яъни 67,59 фоизга камайган.

Сообщение Марокаш Россияга помидор экспортини камайтириб, ЕИ мамлакатларига кўпайтирмоқда появились сначала на EastFruit.