Фермерлар бу йил хурмонинг ўтган мавсумга нисбатан юқори нархлари ҳақида гапиришмоқда. Бу бир қанча омилларга боғлиқ. Ноқулай иқлим шароитлари, жумладан, ёздаги қурғоқчилик, кузнинг совуқ ва ёмғирли ҳавоси, август ойида Кахетиядаги дўл кабилар минтақа ҳосилини сезиларли даражада камайтирди. Яна бир омил – бу меҳнат харажатларининг ошиши. Мева ҳосилини йиғиб олувчиларнинг ўртача кунлик маоши 2020 йилги мавсумга нисбатан 20-30 фоизга кўпдир.

Соломон Гогелишвили 2 гектарлик боғдан 30-40 тонна хурмо йиғиб оларди, лекин, афсуски, унинг Телави муниципалитетидаги Акура қишлоғи август ойида дўл эпимарказига тушиб, ҳосилнинг 100 фоизи йўққа чиқди. Бундан ташқари, Гогелашвили EastFruitга берган интервьюсида дўл нафақат мевалар, балки дарахтларга ҳам зарар етказганини айтди. Энди у дарахтлардан бир қисмининг ҳолати яхшиланишига умид қилмоқда, лекин кўпини кесишга тўғри келади.

Грузия Атроф-муҳит муҳофазаси ва қишлоқ хўжалиги вазирлигининг Кахетия минтақавий хизмати вакили Васил Германишвилининг EastFruitга айтишича, дўл зарари туфайли Кахетиядаги хурмо ҳосили ўрта ҳисобда 20-30% паст бўлади.

Дўл бу мавсумда хурмо учун ягона иқлим муаммоси эмас. Ёзги қурғоқчилик меванинг ҳажмини камайтирди. Марина Аколашвилининг Гуржаани муниципалитетида совутиш омбори бор ва экспортёрлар учун фермерлардан мавсумий меваларни харид қилади. Унинг сўзларига кўра, жорий йилги мевалар кичик, бу эса кўп сонли экспортёрларни жалб қила олмайди. Марина хоним кузда, йиғим-терим бошланишидан аввал мевалар катталашишга улгуришидан умидвор.

Шунингдек ўқинг: Грузиядан картошканинг яна бир ғайриоддий экспорти

«Ҳаммаси мижозларга боғлиқ. Агар биз хурмо йиғишга буюртма олсак, сотиб олишни бошлаймиз. Нархлар ёки мавсум ҳақида гапиришга ҳали эрта, чунки, ҳозирча буюртмалар йўқ”,  дейди Аколашвили.

Оммавий мавсумга ҳали эрта бўлса-да, баъзи фермерлар хурмонинг биринчи партиясини сотишди. Роман Чхенкели Кахетиянинг Лагодехи муниципалитетида 12 гектарлик хурмозорга эгалик қилади. У биринчи партияни 1,1 лари/кг (0,35 доллар)дан сотди. Лекин кейинги партиялар учун нарх кўтарилади, деб ҳисобламоқда. Бунинг асосий сабаби – ишчи кучи нархи ошишидир. Хурмо қўлда йиғилгани боис, деҳқонлар учун меҳнат харажатлари асосий чиқимлардан бири ҳисобланади.

Экспортёрлар билан нарх борасида келишиб олган бошқа фермер Анзор Мсхиладзе Гори вилоятида 7 гектарлик хурмо боғига эгалик қилади. Ундан улгуржи савдогарлар бу йилги хурмо ҳосилини 0,9 лари/кг (0,27 доллар)дан сотиб олишади, бу кўрсаткич ўтган мавсумдагидан 0,2 лари (0,06 доллар) кўпдир. Мсхиладзе EastFruit билан мулоқот чоғи ишчи кучи харажатлари ошганини тасдиқлади.

Ҳозир Грузия шарқи ва ғарбида ёмғирли об-ҳаво ҳукм суриб тургани туфайли йиғим-терим жараёни кечикмоқда. Оммавий йиғим-терим октябрь ойи ўрталарида бошланиб, ноябрь ўрталарига қадар давом этади. Фермерлар йиғим-терим кечикишига сабаб бўладиган ноодатий совуқ ҳаво ҳақида гапиришмоқда, лекин бу мевалар сифатига таъсир кўрсатмайди.

Грузия хурмоси анъанавий равишда Россия, Украина ва Арманистонга экспорт қилинади. Сентябрь ойида ушбу мамлакат 340 тонна хурмо экспорт қилди, шунинг 62 фоизи Арманистон улушига тўғри келади. EastFruit келгуси ойларда ҳам Грузиядаги хурмо мавсуми ҳақида муштарийларимизга маълумот беришда давом этади.

Сообщение Бу мавсумда Грузия хурмоси қимматроқ бўлади появились сначала на EastFruit.

Кўплаб молдован фермерлар ўзларининг ҳосилини барбод қилган дўл ва жалалардан норози бўлиб юрган бир пайтда, бошқалари боғ участкаларини об-ҳаво инжиқликларидан асрашга қарор қилдилар ва дўлга қарши тўрлар сотиб олдилар. Бундай тўрлар арзон эмас, аммо сарфланган харажатни оқлайди, деб ёзади Publika.md.

Шолданешт районидаги Вадул-Рашков қишлоғида Адриан Кавкалюкнинг гилос боғи бор. 2019 йилда у 12 гектарлик майдонга дўлга қарши тўр ўрнатди:

“Бизда дўл хавфи каттароқ. Ҳосилни ҳимоя қилиш учун дўлга қарши тўр ўрнатишга қарор қилдик. Агар қайсидир бир йилда дўл дарахтларни ҳам уриб кетса, биз ўша йилнинггина эмас, балки кейинги йиллар ҳосилини ҳам йўқотамиз”.

Шунингдек ўқинг: Молдовада ёнғоқ ҳосили бўйича прогноз кўтарилди, лекин ҳосил ҳажми нисбатан паст бўлади

Ҳимоя тизими, боғбоннинг сўзларига қараганда, 90 минг еврога тушди. Энди унинг гилос мевалари яқин 15 йил давомида муҳофаза остида бўлади. Деҳқон молиялаштиришда ёрдам беришини сўраб Қишлоқ хўжалигини модернизация қилиш ва ривожлантириш агентлигига мурожаат қилган.

“Улар қуйидаги шаклда ишлайди: 25% харажатлар – фермердан, 75% – агентлик томонидан қарзга берилади. Уч йил давомида кредитни тенг бўлиб, фоизларсиз тўлаш керак бўлади. Бу суммани тўлиқ қайтарганимиздан сўнг, биз AIPAга мурожаат қиламиз ва улар киритган инвестициямизнинг ярмини қоплаб беради”, дейди боғбон.

12 гектарлик боғда 120 минг метр дўлга қарши тўр ишлатилган. Грант олиш учун фермерлар IFAD дастурларини амалга ошириш бўйича консолидациялашган органга ариза топширишлари мумкин:

“Корхоналар инвестиция суммасининг 70%и миқдорида кўмак олиши мумкин. Ёрдамнинг энг кўп миқдори – 5 минг доллар”, дейди IFAD дастурларининг бош мутахассиси Лидия Гофман.

Қишлоқ хўжалиги вазирлиги маълумотларига кўра, бу йил дўл-ёмғирлар оқибатида 29 минг гектар қишлоқ хўжалиги экинлари майдони зарар кўрган.

Сообщение Молдовалик фермерлар боғларни ҳимоялаш учун дўлга қарши тўрлардан тобора кўпроқ фойдаланмоқда (видео) появились сначала на EastFruit.

Гагаузияда хўраки узум навлари пишиб етилмоқда. Хўш, 2021 йилги мавсумда хўраки ва техник навларда қандай ҳосил кутилмоқда? Бу хусусда Gagauzinfo.md  ахборот порталига агросаноат комплексининг бўлим бошлиғи Aндрей Димитрогло сўзлаб берди.

Унинг айтишича, Гагауз автономияси ҳудудидаги баъзи жойларда ёққан дўл узум йиғим-теримига зарар етказган, бироқ «йиғим -теримнинг умумий манзарасини баҳоласак, бу ҳодиса жуда катта аҳамиятга эга эмас», дейди Димитрогло.

«Дўл Комрат туманидаги Комрат узум плантацияларига ва асосан, саноат навларига зарар етказди. Умуман олганда, бизда яхши узум ҳосили кутилмоқда, чунки, бу йил об-ҳаво шароити қулай бўлди. Яъни, ҳосил потенциали яхши. Албатта, у рекорд даражада бўлиши даргумон. Чунки, узумзорлар 2020 йилдаги қурғоқчиликдан кейин заифлашган. Бу йилги ёмғирлар эса вазиятни яхшилади”, дейди Aндрей Димитрогло.

Шунингдек ўқинг: Ёғингарчилик ҳаддан зиёд, аммо бу Гагаузия (Молдова) узумзорларига таҳдид солаётгани йўқ

Гагаузияда биринчи хўраки узум навлари келаси ҳафта  пишиб етилади.

Умуман, автономия ҳудудида бу йил 5 380 гектар узумзор мавжуд. Шундан 780 гектарида хўраки, қолганларида эса техник навлар етиштирилди.

Aввалроқ EastFruit ушбу мавсумдаги қулай об-ҳаво шароити, мунтазам ёғингарчилик ва ёзги қуёш Гагаузияда олма ҳосилини яхшилагани ҳақида ёзган эди. Кучли қурғоқчилик туфайли олма ҳажми етарли бўлмаган ўтган йилги натижалар фонида бу йил ҳосил йиғиндиси юқори бўлади.

Сообщение Гагаузия (Молдова)да хўраки узум ҳосили ўтган йилгидан юқори бўлади появились сначала на EastFruit.

Швейцарияда сўнгги бир неча ҳафтада узлуксиз давом этган ёмғир Унсимон сохта шудринг касаллиги (пероноспороз)нинг тез тарқалишига олиб келди.  Замбуруғли касаллик узумзорлар бўйлаб эпидемик миқёсда тарқалмоқда, чунки, у нам ва салқин шароитда тез кўпаяди, деб ёзган lid.ch ҳаволасига асосланиб, AgrоХХI.

Шунинг учун, узум ва вино етиштирувчилар ҳосил жуда паст бўлишини айтишмоқда. Замбуруғли касалликлар келтирган зарар бу йил бошқа йилларга нисбатан юқори бўлишини Вале узумчилик бошқармаси бошлиғи Пьер-Aндре Родуи тасдиқлади.

Шунингдек ўқинг: Швейцариядаги бўронлар боғларнинг бутунлай йўқ бўлишига олиб келди

Валедан ташқари, Во ва Тичино кантонларида ҳам ушбу касаллик кенг тарқалган. Махсус экинлар бўйича Vaudois компетенция маркази раҳбари Оливье Виретнинг сўзларига кўра, жазирама июндан сўнг –  токзорлар жуда фаол ўсган пайтда, ой охири, яъни 20 июндан шу кунга қадар ёмғир ёғди. Ва бу касаллик  бошланишига сабаб бўлди.

Итальян тилида сўзлашувчи Тичино вилоятида узум етиштирувчиларнинг кайфияти бутунлай тушиб кетган, чунки, дўл туфайли маҳаллий ҳосилнинг 90%игача йўқ бўлгач, Унсимон сохта шудринг уларгача етиб келди.

Доимий нам ҳаво туфайли замбуруғли касалликларга қарши курашиш ниҳоятда қийинлашган: энди токларга пестицидлар билан ишлов бериш керак, аммо ёмғирда фунгицид сепиш мумкин эмас – бунинг учун ҳаво очиқ бўлиши керак.

Сообщение Замбуруғли касаллик эпидемияси Швейцария узумзорларига таҳдид солмоқда появились сначала на EastFruit.

Қулай об-ҳаво шароити, кучли ёғингарчилик ва ёзги қуёш Гагаузияда (Молдова) олма ҳосилини яхши бўлишини таъминлади.

Ўтган йили кучли қурғоқчилик туфайли олма ҳосили кутилганидан кам миқдорни ташкил этган эди. Унга қараганда, бу йилги ҳосил мўл бўлиши ҳақидаги башоратлар боғбонларни қувонтириши аниқ. Бу ҳақда Гагаузинфо агросаноат мажмуаси бош бошқармаси бошлиғи Андрей Димитрогло Gagauzinfo.md порталига маълум қилди.

“Бу йил барча экинлар, шу жумладан, олма меваси ҳосили учун яхши келди. Бизнинг тадбиркорлар аллақачон эртапишар олмаларни йиғиб олишган, бироқ бу кам ва улар фақат боғларнинг умумий ҳосили ҳажмининг атиги 5 фоизини ташкил қилади. Бу маҳсулотлар асосан ички бозорда сотилади. Кечпишар олма навлари ҳали пишиб етилиш арафасида”, – дейди Димитрогло.

Олма ҳосилининг катта ҳажми экспорт қилинади, лекин асосий қисми қайта ишланади.

Кучли ёмғир ва дўл оқибатида иккита қишлоқ хўжалиги корхонасининг боғлари қисман зарар кўрган.

“Дўл олма боғларига қисман зарар келтирди. Бу “Ойдин” фермер хўжалигининг 13 гектари ва “Майдан-Груп” фермер хўжалигининг 8 гектарли ерлари бўлиб, у ердаги олмалар зиён етган, ҳосилнинг бир қисми эзилган, шунинг учун улар қайта ишланади”, – дея қўшимча қилди Димитрогло.

Гагаузияда ҳаммаси бўлиб 800 гектардан зиёд олма боғлари бор, уларнинг 500 таси Томай қишлоғида жойлашган.

Сообщение Гагаузия боғбонлари (Молдова) олмадан юқори ҳосил олишни кутишмоқда появились сначала на EastFruit.

Швейцариянинг Эше шаҳридаги Мörgeli Оbstbau  фермер хўжалиги бошқарувчиси Маркус Мёргели буткул бой берилган ҳосил ҳақида гапирди: «Ўтган сешанба куни бизнинг боғимиз бўрон туфайли бутунлай вайрон бўлди. Бу ерда, Швейцарияда, афсуски, зарарни қоплаш учун имкониятлар кам, чунки, дарахтларни суғурталаш мумкин эмас. Федерал ҳукумат ва кантондан товон пули олишнинг иложи йўқ, юқорида айтганимдек, дарахтлар учун суғурта йўқ, у фақат мева етиштириш учун зарур бўлган материал ва жиҳозлар учун бор». Бу хабарни EastFruit FreshPlaza ҳаволасига асосланиб ёзмоқда.

Мörgeli Оbstbau компаниясидагилар ҳосилнинг бир қисми бўрондан қутқариб қолинганидан мамнун: «Бизнинг эскироқ корхонамиз қисман зарар кўрди. Энди биз бу ҳосилни олма, нок ва олхўри етиштириладиган боғларда сақлашга эътибор қаратмоқдамиз».

Германиядан фарқли ўлароқ, Швейцарияда олди-сотди шартномалари мавжуд эмас: «Aгар сиз товарни етказиб бермасангиз, бунинг ҳеч қандай оқибатлари йўқ ва кафолатлар ҳам йўқ. Aвгуст ойи бошида биз ҳосилни баҳолаш тадбирларини ўтказамиз. Бундан  омборларимиздаги вазиятни муҳокама қилиш ва режалаштириш ишларида фойдаланамиз».

Маркуснинг қайд этишича, кўплаб боғдорчилик компаниялари бўрон оқибатларини бартараф этиш учун ўз ёрдамларини таклиф этишади. Масалан, картошка ва сабзавот етиштирувчи Lemm компанияси бўрондан жабрланганларга сув чиқаришда ёрдам беради.

Сообщение Швейцариядаги бўронлар боғларнинг бутунлай йўқ бўлишига олиб келди появились сначала на EastFruit.

Польша олмасининг янги ҳосилига кескин об-ҳаво шароити таъсир қилмади. Сўнгги ҳафталарда об-ҳаво жиҳатдан ҳеч қандай кутилмаган ҳодиса юз бермади, экспортчиларнинг бирини сўзларига кўра, бу эса ҳосил ҳажми бироз юқорироқ бўлишини англатади. Бу ҳақда EastFruit FreshPlazaга асосланиб хабар беради.

Польшалик олма етиштирувчилар учун об-ҳаво яхши келди. Польша олма экспортёрлари фирмаси – “Galster”нинг сотувлар бўйича раҳбари Матеуш Вайнертнинг сўзларига кўра, боғлар янги мавсум олдидан эҳтимолли зарарлардан омон қолди. “Ҳозирча боғларимиздаги вазиятга нисбатан умид билан қараяпмиз. Биз олмаларимизни парвариш қилиш учун қўлимиздан келганча ҳаракат қиламиз ва ҳар мавсумда мева етиштирувчиларга ўз маслаҳатларимизни берамиз. Ҳозир шуни айтиш мумкинки, дўл сингари барча муаммолар бизни четлаб ўтди ва биз янги ҳосилни тугатгунимизга қадар шундай бўлиб қолишига умид қиламиз”.

“Ўтган мавсумнинг сўнгги ойлари қийинроқ кечди, чунки барча мижозларнинг аниқ истакларига мос келиш тобора қийинлашиб бормоқда”, – деб айтади Вайнерт. “Жорий мавсумда асосий вазифамиз сўнгги ойларда мижозларимизнинг барча талабларини қондиришдан иборат бўлди. Биз баъзан амалга ошириш қийин бўлган ҳолатларда мижозларимизга “йўқ” ёки “буни қила олмаймиз” деб айтмаслик учун қўлимиздан келганча ҳаракат қиламиз. Шунингдек, биз сўнгги бир неча ой ичида Gala Royal олма етиштириладиган янги боғ барпо қилдик, келажакда ундан умидимиз катта”, – дея таъкидлайди экспортёр.

Шунингдек ўқинг: Молдовада эртаги олма навлари одатдагидан анча кеч пайдо бўлади ва ҳосилдорлик ҳам камаяди

Вайнерт олма савдоси аввалги мавсумга нисбатан бироз юқори бўлишини кутмоқда. Мева ҳажми ўртача бўлиши тахмин қилинмоқда, Galster мижозлари учун эса айнан шу керак: “Ҳозирда олма учун талаб унча кўп эмаслиги сир эмас. Яхшиям мижозларимиз билан бевосита алоқадамиз ва янги мавсум бошланишини режалаштирмоқдамиз. Янги мавсум йиғим-теримидан чиндан ҳам яхши сифатли маҳсулот кутмоқдамиз. Чунки баҳорда дўл ва совуқ билан боғлиқ муаммолар юз бермади. Олма ҳосилини ўртача катталикда бўлишига эришдик, чунки бизнинг мижозларимизнинг асосий талаби ҳам шу. Йиғим-терим ҳажми қониқарли бўлади, эҳтимол ҳосил ҳажми юқори бўлиши мумкин, аммо якуний тахмин қилиш учун кутиш керак бўлади, чунки ҳосил терими охирлашига ҳали узоқ вақт бор”, – дейди Матеуш Вайнерт.

Сообщение Польшалик экспортчи: бу мавсумда олма ҳосилига ноодатий об-ҳаволардан талофат етмади появились сначала на EastFruit.

Шида Картли минтақасида 200 гектардан зиёд майдонга “Келажак учун кўчат эк” давлат дастури доирасида янги гилос боғлари барпо қилинди. Бу ҳақда Грузия Қишлоқ хўжалиги вазирлиги маълумотларига таяниб, Новости-Грузия портали хабар бермоқда.

“Келажак учун кўчат эк” дастури 2015 йил март ойидан бошланган бўлиб, фермерларга мева боғларини янгилаш ва барпо этишда кўмаклашишга қаратилган “Имтиёзли агрокредит” давлат дастурининг бир қисми ҳисобланади.

Дастур бошланганидан буён бутун мамлакат бўйлаб 12,9 минг гектар майдонда янги кўп йиллик боғлар яратилди. Умумий ҳисобда ҳукумат томонидан биргаликда молиялаштириш ҳажми 81,1 миллион лари ($25,7 млн.га яқин)дан ортиб кетган.

Шунингдек ўқинг: Грузиялик иссиқхонада қулупнай етиштирувчи фермер: ҳосил йил давомида, қўшимчасига агротурлар

Қишлоқ хўжалиги вазири Леван Давиташвили Шида Картли вилояти губернатори Валериан Мчедлидзе билан биргаликда Горийц муниципалитети Меджврисхеви қишлоғидаги янги гилос боғини бориб кўрди.

“Чери.джи” компанияси 11 гектар ерда боғ барпо этди. Қишлоқларни ривожлантириш агентлигининг биргаликда молиялаштириш ҳажми 112 минг лари ($25,5 минг)ни ташкил этди. Қудуқ қуриш учун компания 18 минг лари ($5,7 минг) миқдорида молиялаштиришга эга бўлди.

“Чери.джи” – имтиёзли агрокредитлаш дастурининг бенефициаридир. Боғни барпо этиш учун кредит суммаси 1,5 миллион ларидан ортиқдир ($474 минг).

“Бу йил фермерлар алоҳида фаоллик кўрсатмоқда; Режада етти мингдан ортиқ контрактлар бўлиб, бундай улкан рақам аввал ҳеч қачон бўлмаган. “Чери.джи” компаниясининг боғи замонавий технологиялардан фойдаланилган ҳолда бунёд этилган бўлиб, қувонарлиси, улар Грузияда ишлаб чиқарилган ирригация тизимларига эга. Бундан ташқари, кейинги йилда шу ерда ишлаб чиқарилаётган дўлга қарши конструкциялар, бетон таянчлар ҳам бор”, деди қишлоқ хўжалиги вазири.

Сообщение Грузиялик боғбонлар гилос майдонларини кенгайтирмоқда появились сначала на EastFruit.

Липецк шаҳри (Россия)даги олма етиштирувчи «Aгроном-Сад» компанияси 107 гектар боғга дўлдан ҳимояловчи мослама ўрнатди.

Компания режаларига кўра, ушбу мослама, яъни тўр боғларни нафақат дўлдан, балки офтоб уриши, қушлар ва йирик зараркунандалардан ҳимоя қилади. Сербияда ишлаб чиқарилган ушбу ҳимоя тизимини ўрнатиш учун тахминан олти ой керак бўлди. Келгусида селекция ишлари олиб борилаётган боғнинг 5 гектарлик тажриба участкасига ҳам ҳимоя тўри ўрнатилади, деб хабар бермоқда FruitNews компания матбуот хизматининг маълумотларига таяниб.

Компания матбуот хизмати, шунингдек, дарахтлар мева бериш палласига ўтиши биланоқ – боғдаги ривожланиш босқичининг иккинчи ё учинчи йилларида ёш дарахтлар устига тўр ёпилишини айтди. Тўрлар классик қия усулда ўрнатилади, бу эса дўлнинг дарҳол қаторлар орасига тушишини таъминлайди.

Шунингдек ўқинг: Россияда эртаги олма бир йил аввалги кўрсаткичдан 34 фоиз арзонроқ

«Дўлга қарши тўр – экологик жиҳатдан энг қулай ва самарали усул бўлиб, экинларни атроф-муҳитнинг салбий таъсиридан ҳимоя қилади. Бундай ишончли ҳимоя юқори ҳосил олишимизни кафолатламоқда – мевалар мазали ва фойдали бўлибгина қолмай, нуқсонсиз ва бежирим ҳам бўлади», дейди «Aгроном-Сад» бош директори Aлексей Волочай.

Компания аввал ҳам 87 гектарлик ерга дўлдан ҳимояловчи тўр ўрнатган эди. Боғдорчилик мутахассисларининг қайд этишича, тўғри ишлатилса ва ўз вақтида техник ҳолати назорат қилинса, бундай тўр 400 кг/м2 гача бўлган юкка бардош бера олади ва 20 йилгача хизмат қилиши мумкин. Яқин келажакда ушбу ҳудуддаги ҳимояловчи тўр таъмирланиб, қисман янгиланиши кутилмоқда.

Сообщение Россиядаги боғдорчилик компанияси 107 гектар майдонга дўлдан ҳимояловчи мослама ўрнатди появились сначала на EastFruit.

Йил бошидан буён Молдова Республикасида 40 га яқин фавқулодда табиий офатлар, масалан, бўронлар, кучли шамоллар билан юзага келган дўл ва ёмғирлар, чангли бўронлар ва бошқалар қайд этилган. Об-ҳаво ҳодисалари 23 та туманда 77 та аҳоли пунктида кузатилган. Уларнинг аксарияти Синжерей, Флорешт, Унген, Сорока, Штефан-Вода, Криулен, Дондюшен, Шолдэнешт, Резина, Яловен, Теленешт, Орхей, Дрокия ва Кахулга зарар етган, деб ёзади МОЛДПРЕС. Бу ҳақда брифингда Қишлоқ хўжалиги, минтақавий тараққиёт ва атроф-муҳит вазири в.б. Ион Пержу маълум қилди.

«Шундай қилиб, 28 июнга қадар инфратузилманинг муҳим сегментлари, шунингдек, боғларнинг улкан ҳажмлари (2192 гектар), экинларнинг (7 минг гектардан ортиқ) ҳажмлари, шу жумладан, 1642 гектар маккажўхори, 1852 гектар кунгабоқар, 1073 гектар буғдой, 1088 гектар арпа, 1467 гектар қанд лавлаги, 51 гектар рапс, 17 гектар сабзавот, 5 гектар тарвуз плантациялари, 197 гектар бошқа экинлар, 367 гектар токзорларга зиён етди», – деб аниқлик киритди Ион Пержу.

Амалдорнинг сўзларига кўра, экинларга етказилган моддий зарарнинг умумий миқдори 162 миллион лей (9,01 доллар)дан ошган, аммо зарар миқдори ошиб боряпти.

Шунингдек ўқинг:  Иссиқхоналарда етиштириладиган маҳаллий хўраки узумлар Молдова бозорига июлнинг иккинчи ярмида чиқади

«Ушбу миқдорга қўшимча равишда фақат Штефан-Вода минтақасида 26 июн куни тахминан икки минг гектар майдонда ҳужжатлаштирилган зарар 65 миллион лейни ташкил этди», дея давом этди вазир.

У, шунингдек, «прогнозларга кўра, яқин орада кучли шамол ва дўл ёғадиган ёмғирлар кутилмоқда, шу сабабли мавжуд бўлган 132 тадан  ташқари янги 18 та ракета пунктларининг ишлашини ва фойдаланишга топширилишини таъминлаш зарурлигини таъкидлади. Бунинг учун вазирликнинг ташаббусига биноан 2020 йилдан бошлаб етти миллион лейдан ортиқ миқдорда қўшимча молиявий манбалар зарур», – дея таъкидлади.

«Юқорида эслатиб ўтилганлар билан бир қаторда, айни пайтдаги иқлим шароитларини ҳисобга олган ҳолда, табиий офатлар натижасида талофат кўрган қишлоқ инфратузилмаси ва қишлоқ хўжалиги секторига Қишлоқ хўжалиги, минтақавий тараққиёт ва атроф-муҳит вазирлиги ҳукуматнинг захира фондидан етказилган зарарни қисман қоплаш учун 246 миллион лей миқдорида молиявий маблағ ажратишни сўрайди», – дея хулоса қилди вазир Ион Пержу.

Сообщение Молдовадаги табиий офатлар оқибатида қишлоқ хўжалиги соҳасига етказилган зарар 9 миллион доллардан ошди появились сначала на EastFruit.