EastFruit таҳлилчиларининг хабарига кўра, жаҳон гилос бизнеси учун Хитой бозори қанчалик муҳим эканини тушуниш учун ушбу мамлакат гилос импортининг ўзига хос хусусиятларига эътибор қаратишнинг ўзи кифоя. Зеро, импорт Хитойга нафақат тўғридан-тўғри, балки бошқа мамлакатлар орқали ҳам амалга оширилади.

Расмий савдо статистикасига кўра, 2022 йилнинг дастлабки икки ойида Хитой ўтган йилнинг шу даврига нисбатан 9 фоиз кам гилос импорт қилган, бироқ ушбу мева учун 10 фоиз кўпроқ ҳақ тўлаган. Хитойга гилос импорти қиймат жиҳатидан ақл бовар қилмас 1,8 миллиард АҚШ долларига етди, бу эса навбатдаги тарихий рекорддир. Сархил гилос импорти ҳажми эса 242,5 минг тоннани ташкил этди – бу ҳам катта ҳажм, лекин ўтган йилнинг шу даврига нисбатан бироз камроқ.

Бироқ, ушбу рақамлар бироз алдамчи, чунки, биз биламизки, Хитойга гилос импортининг ҳақиқий ҳажми анча юқори. Мазкур мамлакат, аслида, қанча гилос импорт қилишини тушуниш учун ушбу мева Гонконгга ва Гонконг орқали Хитойга етказиб берилишини ҳисобга олиш керак.

Тўғри, бу ерда 2022 йилнинг январь-февраль ойларида жисмоний жиҳатдан импорт динамикаси салбий бўлди – етказиб бериш 27 фоизга қисқариб, 178,3 минг тоннани ташкил этди.  Бироқ, бу ҳам гилос импорти бўйича сўнгги йиллардаги иккинчи энг юқори кўрсаткичдир. Қиймат жиҳатидан Гонконгнинг гилос импорти 1,1 миллиард долларга етди, бу ўтган йилнинг шу даврига нисбатан 17 фоизга кам.

Шундай қилиб, Хитой 2022 йилнинг дастлабки икки ойида гилос импорти учун 2,9 миллиард доллар тўлади, бу бутунбошли 2021 йил учун ҳисоблаганда, жаҳондаги бошқа барча мамлакатлардан уч баробар кўп кўрсаткичдир! Қизиғи шундаки, ушбу бизнеснинг асосий ва деярли ягона бенефициари Чилидан сархил гилос етказиб берувчилар бўлди.

Нима учун гилос Хитойда жуда машҳур эканлиги ва нега бу мева мамлакат иқтисодий фаровонлигининг ўзига хос рамзига айлангани ҳақида биз «Жаҳон гилос бозори ва Хитой гилоси феномени» материалида ёзганмиз.  Бироқ, бу ғояни «илгари суриш»га муваффақ бўлган чилилик гилос экспортёрларининг ҳам хизматларини тан олиш керак. Пировардида, Чилидан Хитойга етказиб бериладиган гилоснинг биринчи партиялари – бу чинакам воқеликдир.

Афсуски, минтақамиздаги энг йирик гилос экспортёри бўлмиш Ўзбекистон ҳатто Хитой бозорига чиқиш имкониятига эга бўлса ҳам бу афзалликдан ҳозирча фойдалана олмаяпти. Қолаверса, Ўзбекистондан Хитойга гилос экспорти доимий равишда пасайиб бормоқда ва 2021 йилда рекорд даражадаги 14 тоннага тушди. Қизиғи шундаки, Хитойга гилос экспортининг рекорд даражада пастлиги Ўзбекистон бозорида гилос кўплиги ва рекорд даражадаги арзон нархлар фонида қайд этилди.  Бунинг асосий сабаби, Ўзбекистон гилосининг сифати ва Хитой талаблари ўртасидаги номувофиқликдир. Шуни ҳам қайд этиш жоизки, мамлакатда йирик мевали  гилос етиштириш бўйича биринчи истиқболли лойиҳалар пайдо бўлмоқда, улардан бирини ушбу видеода кўришингиз мумкин.

Сообщение 2022 йилнинг январь-февраль ойларида Хитой гилос импортини жаҳондаги барча мамлакатлар импортидан уч баробар оширди! появились сначала на EastFruit.

Чилининг жанубий ҳудудларида ўсадиган оқ қулупнай замонавий қулупнай навининг генетик илдизларини жамлаган экиндир. Афсуски, маҳаллий, ўзига хос ушбу  нав йўқ бўлиб кетиш арафасида турибди. Бу ҳақида Fruit-inform freshfruitportal.com сайти ҳаволасига таяниб хабар бермоқда.

Ушбу ғайриоддий рангдаги  резавор экиладиган майдонлар камайиб бормоқда. Маҳаллий оч пушти рангли қулупнайни етиштириш учун билимга эга бўлган фермерлар жуда камчиликни ташкил этмоқда.

Ушбу резавор йиғим-терими беш ҳафта давом этади. Бу даврда Чилида фестиваль ўтказилади. Байрамда чилиликлар мазкур резавордан турли таомлар – ширинликлар, мураббо ва ҳатто «клери» деб аталадиган ноалкоголь ичимлик тайёрлашади.

«Оқ қулупнайнинг ўтмишимиз билан боғлиқ жиҳатлари бор», дейди  Чилида ушбу маҳаллий резавор экилган энг кўп майдонларга эга бўлмиш Пурен муниципалитетининг иқтисодий ривожланиш бўйича директори Кристиан Монсальве.

Ҳозирги вақтда оқ  қулупнай фақат икки минтақада етиштирилади ва у йўқ бўлиб кетиш арафасида турибди.

Шунингдек ўқинг: АҚШда оқ қулупнай – Pink-А-Boo Pineberries®нинг тарғибот кампанияси бошланди

Оқ қулупнай (Fragaria chiloensis)ни 1714 йили француз миллатига мансуб киши – Амедей Франсуа Фрезье Европага олиб келган. Кейин резавор АҚШнинг шарқий қисмидаги Виржиния қулупнайи (Fragaria virginiana) билан чатиштирилиб, ҳамма жойда мавжуд асосий тижорий қулупнай (Fragaria ananassa) яратилган.

Қизиғи шундаки, ушбу қулупнай 1830 йили Чилига қайтиб келди ва аста-секин кўп асрлик оқ қулупнайга соя сола бошлади.

Анъанавий резаворлар етиштиришга биринчи зарба 1985 йилда Чилининг учинчи йирик шаҳри –  Консепсьонга ҳосил етказиб берувчи Лебу-Лос Соусес темир йўлининг ёпилиши бўлган эди. Аграр провинцияларда ёғочга ишлов бериш ривожланиши  фермерларнинг далаларни ташлаб, юқори маошли саноатдан иш излашига олиб келди. Ҳозир “қулупнай” провинциясида йигирматадан камроқ оила ҳали ҳануз эски даврлардагидек оқ қулупнай етиштирмоқда.

Шуни қайд этиш жоизки, қишда камдан-кам қор ёғиши, ёзда қурғоқчилик шаклида намоён бўладиган иқлим ўзгаришлари ҳам резавор етиштиришнинг камайишига олиб келди.

Сообщение Чилида ноёб оқ қулупнай бутунлай йўқ бўлиб кетиши мумкин появились сначала на EastFruit.

Чили гилоси экспортининг 82% дан ортиқ улушига эга Чили мева экспортёрлари уюшмаси (АSOEX) маълумотларига кўра, 2021/22 мавсумда гилос экспорти 2020/21 йилги мавсумга нисбатан 9,8% га ўсади. Гилос етказиб беришнинг кутилаётган ҳажми 77 453 626 қути (ҳар бири 5 кгдан)ни ёки 387 268 тоннани ташкил этади.

Мавсум аллақачон бошланган. АSOEX маълумотларига кўра, 11 ноябрь ҳолатига кўра, Чилидан 44 162 қути гилос экспорт қилинди.

“Биз гилос экспортининг янги мавсумини бошладик. Бутун жаҳон бўйлаб истеъмолчиларга сифатли ва хавфсиз мева етказиб беришни мақсад қилганмиз. Қишлоқ хўжалиги вазирлиги ҳамда Қишлоқ хўжалиги ва чорвачилик хизмати (SAG) раҳбарияти билан биргаликда ажойиб мавсумга тайёргарлик кўрдик. Бундан ташқари, биз экспорт географиямизни Россия сингари янги бозорларга кенгайтириш устида ишлаяпмиз”, дейди АSОЕХ президенти Рональд Баун.

АSОЕХ гилос қўмитасининг раиси Кристиан Тагле эса шундай дейди: «Умуман олганда, бу йилги об-ҳаво шароити ёмон бўлмади. Ҳосил ёмғир ёки совуқдан азият чекмади ва меванинг сифати юқори эканлигига ишончимиз комил. Жаҳонда логистика билан боғлиқ мураккаб вазиятни ҳисобга олган ҳолда биз мавсум муваффақиятли ўтиши учун тармоқ сифатида яқиндан ҳамкорлик қиламиз”.

АSОЕХнинг Европа ва Осиё бўйича маркетинг директори Шариф Кристиан Карвахаль шундай хулоса қилди: «Гилос бўйича ProChile қўмитаси билан биргаликда биз реклама кампаниясини ишлаб чиқдик. Бу ҳосил ҳажми ошиши жараёнида мева истеъмолини рағбатлантиради. Турли бозорларда бир қатор маркетинг тадбирларини ишлаб чиқамиз. Хусусан, Россияда бу йил биринчи бор ишладик. Чили гилосини тарғиб қилиш учун маҳаллий дистрибьюторлар билан фаол ҳамкорлик қилиш умидидамиз”.

Эслатиб ўтамиз, Чили гилосининг жорий мавсуми масалалари, шунингдек, ушбу турдаги мевани Россия бозорига олиб чиқиш режалари “Чилидан гилос импорти – 2021. Саволлар ва жавоблар” деб номланган вебинарда муҳокама қилинади. Тадбир 2021 йилнинг 14 декабрь куни соат 10:00 да (UТC+2) бўлиб ўтади.

Вебинар Чили мева экспортёрлари уюшмаси (АSОЕХ) томонидан ташкил этилади.

Ушбу тадбирнинг спикерлари сифатида Чили мева экспортёрлари уюшмаси (АSОЕХ)нинг Европа, Осиё ва Яқин Шарқ бўйича маркетинг директори Шариф Кристиан Карвахаль ва «Крисп Консалтинг» консалтинг агентлиги директори Ксения Горовая чиқиш қилади.

Вебинарда иштирок этиш учун ушбу ҳавола орқали рўйхатдан ўтишингиз мумкин.

Сообщение Чили гилосининг экспорти ушбу мавсумда 9,8 фоизга ўсади появились сначала на EastFruit.

Яқинда АҚШ Қишлоқ хўжалиги вазирлигининг Ташқи қишлоқ хўжалиги хизмати (FAS USDA) Чилида мевалар етиштириш ва экспорт қилиш бўйича йиллик ҳисоботни эълон қилди.

2021/22 йилларда Чилида сархил нок етиштириш 217 минг тонна (-6,9%), экспорт эса 112 минг тонна (-6,7%) бўлиши прогноз қилинмоқда. Бу экин майдонларини камайтириш тенденцияси ва маҳсулот етиштириш даражаси пасайиши туфайлидир. 2020/21 йилги мавсумда (август ойигача бўлган маълумотлар) Чили нок экспортини 6,8 фоизга (114 915 тонна) оширишга муваффақ бўлди. Бу истеъмолчилар талаблари билан боғлиқ коммерциализация қийинчиликларига қарамай, ушбу мамлакат нокини ташқи бозорларда позициялаштириш натижасидир.

АгроБизнес маълумотларига кўра, Чилининг сархил ноклари учун асосий бозорлар – Италия, Россия ва Голландия ҳисобланади. Россияга экспорт 15,6 фоизга ўсди ва 13 418 тоннани ташкил этди, бу деярли 13,9 миллион доллар демак(2021 йил январдан августгача). Россия – «Аббат Фетель» нави яхши танилган ва ҳозирги кунда Чили ўз экспортини кенгайтираётган бозорлардан бири.

Чилининг Россияга хўраки узум экспорти ҳам деярли 28 фоизга ошди. 2020 йилнинг ноябридан 2021 йил августга қадар етказиб бериш 14 038 тоннани ташкил этди, бу деярли 21 миллион долларга тенг (2019 йил ноябридан 2020 йил августигача бўлган даврдаги 11 002 тоннага нисбатан).

Чилида хўраки узум етиштириш даражаси 2020/21 йилги мавсумда кучли ёмғирлар сабаб пасайишидан кейин 2021/22 йилларда маҳсулот етиштириш тиклангач, у 22 фоизга ошиб, 805 минг тоннани ташкил этиши кутилмоқда. Экспорт ҳажми ҳам 22,9 фоизга ошиб, 645 минг тоннага етиши кутиляпти.

Сообщение USDA: Чили узумининг Россияга экспорти 28 фоизга ошди появились сначала на EastFruit.

EastFruit мутахассислари жаҳон гилос бозори феномени, шунингдек, Хитой гилос феномени ҳақида бир неча бор гапиришган. Маълумки, Хитой жаҳондаги энг йирик гилос импортёри бўлиб, қишда бу меванинг асосий қисмини Чилидан импорт қилади.

Чили мева экспортёрларининг маркетинг ҳаракатлари туфайли гилос Хитой Янги йили учун иқтисодий эркинлик ва фаровонлик рамзига айланди. У чиройли совға қутисида жуда юқори нархда сотилади.

Бироқ, Чили бу билан тўхтаб қолмади ва жаҳонда, айниқса, Хитойда машҳур  ушбу мевани сотиш мавсумини узайтириб, гилосни етарлича узоқ вақт давомида таклиф этишга ҳаракат қилмоқда. Хитой Янги йилига ҳали уч ойдан кўпроқ вақт бор бўлса-да, Чилидан гилоснинг биринчи партиялари аллақачон унинг бозорига кириб, харидорлар орасида мисли кўрилмаган ажиотажга сабаб бўлди.

Daniel Hо – Shanghai Topsun Fresh Co., Ltd ҳаммуассиси ва бош тижорат директори Linkedlnда Хитой бозорига биринчи Чили гилоси келгани акс этган суратларни жойлаштирди. Бу мева-сабзавот бозори учун ҳақиқий воқелик бўлганга ўхшайди, чунки, уни кўриш учун жуда кўп одам йиғилди. Қуйида ушбу фотосуратларни тақдим этамиз.

Шуни ҳам қайд этмоқчимизки, Чили гилос бозорида тўрт ойдан зиёд вақт давомида мавжуд. Таққослаш учун айтадиган бўлсак, минтақадаги Ўзбекистон каби гилос экспортёрларининг аксарияти ушбу мевани йилига икки ойдан кўп вақт экспорт қилмайди.

Сообщение Хитойда биринчи Чили гилосига ажиотаж талаб! появились сначала на EastFruit.

2021/22 йилги мавсумда Чилида авокадо етиштириш ўтган мавсумга нисбатан 57% га ошади ва 220 минг тоннани ташкил қилади. Бу хусусда Чили авокадо етиштирувчилар қўмитаси маълум қилди.

Авокадо ҳосилдорлигининг ўсиши ўсимлик мевага кираётган даврда об-ҳаво шароитлари яхши бўлиши билан боғлиқ. Ўтган йилларда мамлакатда совуқ ва қурғоқчилик туфайли ушбу мева ҳосили камайиб борди.

2021/22 йилги мавсумда Чили авокадосининг экспорти 74 минг тоннадан 120 минг тоннагача ўсади. Чилидан авокадо экспортининг асосий йўналиши Ғарбий Европалигича қолмоқда. Унинг улуши умумий таклифнинг 75% ини ташкил этади. Қолган 100 минг тонна маҳсулот ички бозорда сотилади, дея маълумот бермоқда FruitNews.

«Биз Covid-19 туфайли логистикага таъсир қилган қийинчилик ва чекловларга қарамай, янги мавсумда авокадо етиштиришнинг ўсиши ҳақидаги прогнозларга ижобий қараймиз. Шунингдек,  асосий бозорларимизга Чили авокадоси етказиб берилишини таъминлашга ва сифатли маҳсулот беришни давом эттиришга умид қиламиз», дейди Чили авокадо етиштирувчилар қўмитасининг ижрочи директори Франсиско Контардо.

Сообщение Чили авокадо етиштириш ҳажмини 57 фоизга оширади появились сначала на EastFruit.

Чили миллий қишлоқ хўжалиги жамияти (SNА) президенти Кристиан Альендес Мариннинг айтишича, мамлакатда ёғингарчилик бўлмаганлиги мева етиштиришга салбий таъсир кўрсатмоқда. Соҳа вакилларининг сўзларига кўра, қурғоқчилик туфайли 2021-2022 йилги мавсумда Чили мевалари экспорти  маблағ кўринишида 8%га қисқаради.

«Ёмғир миқдори бўйича 2021 йил 2019 йилги қурғоқчиликка ўхшаш бўлди. Ўша пайтда экспорт маблағ кўринишида 13% га камайган эди. Суғориш учун сув етишмовчилиги мамлакатнинг марказий ва шимолий ҳудудларида, айниқса, кўпроқ сезилди, у ерлардаги бир нечта сув омборлари 2019 йилдан буён авария ҳолатида”, дейди Кристиан Альендес Марин.

Шунингдек ўқинг: Чили 2021 йилнинг дастлабки 7 ойида мевалар ва ёнғоқ экспортини бироз оширди

Бироқ, унинг фикрича, Чили қишлоқ хўжалиги соҳаси вакиллари ва ишлаб чиқарувчилар 2019 йилга нисбатан бу йил яхшироқ тайёргарлик кўришган, шу боис, қурғоқчилик мева секторига камроқ таъсир кўрсатади.

SNA прогнозларига кўра, қурғоқчилик бўлмаган йилда мева экспорти 7,1 миллиард доллардан ошиши мумкин эди, лекин қурғоқчилик туфайли етказиб бериш 8 фоизга – 6,5 миллиард долларгача камаяди. Бундан ташқари, вино, буғдой, маккажўхори етиштириш даражаси пасаяди, лекин янги боғлар мева бериш даврига кириши туфайли гилос ва фундук ҳосили ҳажми ортади. Бу эса ўз навбатида, ушбу маҳсулотларнинг экспорти ошишига олиб келади. Мазкур прогнозлар ҳақида FruitNews Freshfruitportal материалларига асосланиб хабар бермоқда.

Агар қурғоқчилик давом этса, Атакама, О’Хиггинс ва Маул минтақаларидаги ишлаб чиқарувчилар жуда оғир аҳволда қолишади.

«Август ойида ёмғирлар тупроқни сувга тўйинтириб, мавсум бошида суғориш учун захираларни йиғишга ёрдам берган бўлса-да, бу бутун ёз учун етарли эмас. Чили аҳолисини ҳам, озиқ-овқат ишлаб чиқарувчиларини ҳам сув билан таъминлаш учун барча кучларни ишга солиш зарур”, дея қўшимча қилди Кристиан Альендес Марин.

Сообщение Чили 2021-2022 йилги мавсумда қурғоқчилик туфайли мева экспортини 8 фоизга камайтиради появились сначала на EastFruit.

2021 йилнинг январь-июль ойларида Чилидан мевалар ва ёнғоқ экспорти жисмоний жиҳатдан 2,35 миллион тонна (2020 йилнинг шу даврига нисбатан – 0,1%)ни ва маблағ кўринишида (FOB нархлари) 4, 894 миллион доллар (+4%)ни ташкил этди.

Таъминотдаги янги мевалар улуши 1,9 миллион тоннани – умумий ҳажмнинг 80,9 фоизини ва экспорт умумий қийматининг 3,776 миллиард доллари – 77,2 фоизини ташкил этди, деб хабар бермоқда FruitNews.

Гилоснинг 1, 287 миллиард доллар қийматидаги 266 минг тонна (+ 83%)си экспорт қилинди (FОВ нархлари). Чили гилосининг асосий бозори Хитойдир – у ерга жўнатиладиган маҳсулот умумий экспортнинг 91%ини ташкил қилади.

Таъминот структурасида кейинги ўрин узумга тегишли – 521,6 минг тонна (-7%) –  870,8 миллион доллар (-16%) қийматида (FOB нархлари). Aсосий импортёр давлатлар AҚШ (умумий ҳажмнинг 47%и) ва Хитой (15%) бўлди.

Голубика етказиб бериш 2021 йилнинг январь-июль ойларида 484 миллион доллар (+ 15%) миқдоридаги 96 минг тонна (+ 14%)ни ташкил этди (FOB нархлари). Aсосий импортёр давлатлар: AҚШ (умумий экспортнинг 49%и), Нидерландия (19%) ва Буюк Британия (10%).

Кейинги ўринда олма – 456,8 минг тонна, қиймати – 414,9 миллион доллар (FOB нархлари). AҚШга – умумий ҳажмнинг 14%и, Ҳиндистонга – 13%и, Колумбияга – 9%и, Голландияга – 8%и экспорт қилди.

Ушбу тўрт турдаги мева ва резавор маҳсулотлари 2021 йил январидан июлигача бўлган даврда Чилидан сархил мева экспорти умумий қийматининг 81%ини ташкил қилди.

Чилидан, шунингдек, 375 минг тонна қайта ишланган мева экспорт қилинди. Бу 2020 йилнинг 7 ойига нисбатан 6% кўп кўрсаткичдир. Қайта ишланган мевалар экспорти маблағ шаклида 2021 йилнинг январидан июлигача бўлган даврда 815 миллион доллар (FOB нархлари)ни ташкил этди. Бу 2020 йилнинг шу даврига нисбатан 11 фоиз кўпдир.

Шунингдек ўқинг: Туркия лимон экспортини 59 фоизга оширди

Музлатилган маҳсулотлар улуши 42% (+ 16%), қуритилган мевалар – 19%, шарбатлар – 18% (+ 72%), консервалар – 17%, ёғ – 3%.

Ёнғоқ (грек ёнғоғи, бодом, фундук ва бошқалар) савдоси 2021 йилнинг ўтган 7 ойида жисмоний жиҳатдан 74 минг тоннани ва қиймат жиҳатидан 302,5 миллион доллар (FOB нархлари)ни ташкил этди, бу 2020 йилнинг шу даврига нисбатан 18% ва мос равишда 9% кўпдир.

Грек ёнғоғи (пўстлоқли) экспорти 49,3 минг тонна (133,3 миллион доллар)ни, тозаланган ёнғоқ экспорти эса 11,7 минг тонна (77,7 миллион доллар, FOB нархи)ни ташкил этди. Фундукнинг умумий савдо ҳажми 72 минг тонна (68,4 миллион доллар, FOB нархи)ни ташкил қилди.

Сообщение Чили 2021 йилнинг дастлабки 7 ойида мевалар ва ёнғоқ экспортини бироз оширди появились сначала на EastFruit.

Чили меваларни экспорт қилувчилар уюшмаси (ASOEX) маълумотларига кўра, Чили хўраки узумининг экспорти 2020/2021 йилги мавсумда 536 248 тоннани ташкил этди, бу 2019/2020 йилги мавсумга нисбатан 11 фоизга кам.

ASOEX президенти Рональд Боун Фернандеснинг айтишича, экспорт ҳажмининг пасайишига январ ойида кучли ёмғирлар ёққани сабаб бўлди, бу узум йиғим-теримига зарар етказди ва маҳсулот сифатига салбий таъсир кўрсатди. Бу ҳақда FruitNews Freshplaza материаллари асосида шундай деб ёзади.

Чилидан 2020/2021 йилги мавсумда узум импорт қилувчи асосий мамлакатлар: АҚШ – 256 946 тонна (экспортнинг 47,9%), ундан кейин Осиё – 137 751 тонна (25,7%), Европа – 83 413 тонна (15,6%), Лотин Америкаси – 36 722 тонна (6,8%), Канада – 14 983 тонна (2,8%) ва Яқин Шарқ – 6 432 тонна (1,2%). Осиёдаги асосий савдо бозорлари Хитой – 80 856 тонна (ушбу минтақага етказиб беришнинг 58,7%ини ташкил қилади). Ундан кейинни ўринларда: Жанубий Корея – 23 786 тонна (17,3%), Япония – 11 594 тонна (8,4%) ва Индонезия – 9 604 тонна (7,0%). Мексика 9 196 тонна (Лотин Америкасига етказиб бериладиган маҳсулотнинг 25,0%и), Эквадор – 9,097 тонна (24,8%), Бразилия – 3 914 тонна (10,7%) ва Колумбия – 2 563 тонна (7,0%). Яқин Шарқдаги асосий экспорт йўналишлари Саудия Арабистони – 4 131 тонна (ушбу минтақага етказиб берилишнинг 64,2%ини ташкил қилади), БАА – 1 398 тонна (21,7%), Уммон – 221 тонна (3,4%) ва Кот д’Ивуар – 150 тонна (2,3%).

Шунингдек ўқинг: АҚШ ва Европа Иттифоқи тарифларни 5 йилга тўхтатиб туради

Атакама вилояти 2020/2021 йилги мавсумда 87,619 тонна хўраки узумни экспорт қилди, бу ўтган йилга нисбатан 7,42%га ўсди дегани. Кокимбо – 117,145 тонна (+10,56%), Валпараисо вилояти эса 111,090 тонна хўраки узум юборди (+5,08%). Чилининг марказий қисмида кучли ёмғир Либертадор-Хенерал-Бернардо-О’Ҳиггинс ҳудудидан узум етказиб беришни 31 фоизга қисқартирди (142,016 тоннагача), Маулда 23% (2,704 тонна) ва пойтахт вилоятидан 24% (75,663 тонна)га қисқартирди.

Чилида хўраки узумининг асосий экспорт навлари: Red Globe – 139,888 тонна (жами 26,1%), Crimson Seedless – 81,786 тонна (15,3%), Thomson Seedless – 53,321 тонна (9,9%) ва Sweet Celebration – 25,135 тонна (4,7%) кабилардир.

Сообщение Чилидан хўраки узумлар экспорти 11 фоизга пасайди появились сначала на EastFruit.

Чили Қишлоқ хўжалиги тадқиқотлари ва сиёсати департаменти (ODEPA) маълумотларига кўра, Чили олхўри экспорти 2021 йилнинг 5 ойида 2020 йилнинг шу даврига нисбатан 4,8 фоизга камайди ва 119 минг тоннани ташкил этди.

Чилидан олхўри импорт қилувчи асосий мамлакат Хитой ҳисобланади (57,249 тонна), бу умумий етказиб бериш ҳажмининг 51,16 фоизини ташкил этади. Ундан кейинги ўринларда АҚШ (17,77%), Бразилия (10,75%), Нидерландия (4,75%), Мексика (2,97%), Россия (2,84%) ва Канада (2,33%) каби мамлакатлар кетма-кетлигини санаш мумкин. Бу ҳақда Freshplaza ва fedefruta.cl материалларига таяниб, FruitNews хабар беради.

Қиймати жиҳатидан 2021 йилнинг 5 ойида Чили олхўри экспорти 161 миллион долларни ташкил этди (FOB нархларида), бу 2020 йилнинг шу даврига нисбатан 16,5 фоизга паст. Хитой 89 миллион долларлик ушбу данакли меваларни импорт қилди, бу Чили экспорт қийматининг 58,46 фоизини ташкил этади. Улардан кейинги ўринларда АҚШ (23,6 миллион доллар (15,5% қийматида)) ва Бразилия (12,2 миллион доллар (8,21% қийматида)) туради.

Шунингдек ўқинг: 2020/2021-мавсум: жаҳон бўйича хўраки узум етиштириш 24 миллион тоннадан ошди

Олхўри, асосан, О’Ҳиггинс ҳудудларидан (85 345 тонна), Мауле (18 468 тонна) ва пойтахт вилоятидан (11 156 тонна) экспорт қилинган.

Органик олхўри 2021 йил январ-май ойлари орасида 44 тонна экспорт қилинди. Асосий импорт қилувчи мамлакат Нидерландия бўлиб, у 40 тонна ёки умумий экспортнинг 90,09 фоизини импорт қилган. 4 тонна (9,91%) Буюк Британияга юборилган. Пул қийматида, Голландияга 12 406 АҚШ доллари ва Буюк Британияга 1 265 АҚШ доллари ҳисобида экспорт қилинди.

Олхўри етиштириладиган майдонлар 2014 йилда 14 470 гектарни ташкил қилган бўлса, 2020 йилга келиб 17 110 гектарга ўсди. Европа  навли олхўрилар майдонлари 12 589 гектарни ўз ичига олса, япон навли  олхўри  майдонлари эса 4 520 гектар ҳисобидадир. О’Ҳиггинсдаги олхўри майдонлари 11 487 гектар бўлса, ундан кейинги ўринларда 3 679 гектар ҳисобида пойтахт вилояти, 1 704 гектар билан Мауле ва 193 гектарга тўғри келадиган майдон билан Валпараисо туради.

Сообщение Чили олхўри экспортини 2021 йил январ-май ойларида деярли 5 фоизга қисқартирди появились сначала на EastFruit.