Буюк Британиянинг Хартфордшир шаҳрида яшовчи Дуглас Смит бир туп ўсимликдан энг кўп помидор ҳосилини олиш бўйича жаҳон рекордини янгилади. 2021 йилнинг сентябрь ойида Дуглас помидор ҳосилини йиғаётганда, бир тупдан 1269 дона черри помидорини олди. Зеро, у бу сафар қўшимча 839 дона кўпроқ черри етиштириб, ўз рекордини янгилади.  Аввалги рекорд 488 та эди ва бу кўрсаткич 10 йилдан зиёд вақт давомида янгиланмаган. Бу ҳақида Fruit-inform.com hortidaily.com ҳаволасига асосланиб хабар бермоқда.

«2020 йили мен оғирлиги 3,106 кг (6,85 фунт)лик энг катта помидорни етиштириш орқали Буюк Британия рекордини янгиладим. 2021 йилда эса яна бир рекордни ўрнатишга қарор қилдим», дейди Дуглас қайта ариза топширар экан.

Шунингдек ўқинг: 2022 йилнинг январь-февраль ойларида Хитой гилос импортини жаҳондаги барча мамлакатлар импортидан уч баробар оширди!

Деярли 10 йил давомида америкалик Ден Сазерленд 10 фунт-у, 12,7 унция (4,896 кг) оғирликдаги помидорни ўстиришга муваффақ бўлган ва бу борада биринчиликни ушлаб турган эди.

Фақатгина Буюк Британия учун рекорд ўрнатиш билан кифояланмай, IT-менежер Дуглас жаҳон бўйича  биринчи бўлиш учун помидор етиштириш усулларига таҳлилий ёндашди. Турли илмий ишларни ўрганиб, лабораторияда текшириш учун тупроқ намуналарини олди, бу эса унга ерни керакли миқдордаги ўғит билан озиқлантириш ва самарали ҳосил олиш имконини берди.

Сообщение Бир тупда 1269 дона черри – Британиянинг янги рекорди появились сначала на EastFruit.

EastFruit таҳлилчилари Ўзбекистонда черри помидорининг улгуржи нархида барқарор пасайиш тенденциясига эътибор қаратишмоқда. 2021 йилнинг 3 декабридан 2022 йилнинг 4 февралигача бўлган даврда ушбу маҳсулотнинг ўртача улгуржи нархлари 1 кг учун 50 000 сўмдан 25 000 сўмгача пасайган.

Шуни қайд этиш жоизки, 2021 йилнинг ноябрь ойи охири ва декабрь ойи бошида Ўзбекистонда черри помидорининг улгуржи нархлари 2021 йилнинг иккинчи ярми учун максимал даражага етган эди. Шундай қилиб, икки ой ичида ушбу маҳсулотнинг ўртача улгуржи нархлари энг юқори қийматдан роппа-роса икки баробар тушиб кетди.

Ўзбекистонда черри помидорининг жорий улгуржи нархлари деярли икки йил аввалги яъни, 2020 йилнинг февраль ойи бошидаги даражададир. Таққослаш учун айтадиган бўлсак, 2020 йилнинг 4 февраль ҳолатига кўра, ушбу маҳсулотнинг ўртача улгуржи нархи 1 кг учун 23 минг сўмни ташкил этган.

Жорий йилнинг 4 февраль ҳолатига кўра, черри  помидорининг чакана нархлари мамлакатимиз пойтахти супермаркетларида  маҳсулот сифати ва калибрига қараб, 1 кг учун 32 000 сўмдан 38 000 сўмгача ўзгариб турибди.

Айни пайтда EastFruit 60 дан зиёд мева-сабзавотларнинг улгуржи нархларини ҳафталик назорат қилиб борадиган аксарият мамлакатларда черри помидорининг ўртача улгуржи нархлари Ўзбекистонникидан баланд.

Эслатиб ўтамиз, 2021 йил давомида Ўзбекистонда черри помидори нархи рекорд даражада юқори бўлди. Бу хусусда EastFruit таҳлилчилари 2021 йилнинг август ва октябрь ойларида ёзишган эди.

Сообщение Ўзбекистонда сўнгги икки ой ичида черри помидори 2 баробар арзонлашди появились сначала на EastFruit.

EastFruit таҳлилчилари жорий мавсум Ўзбекистонда черри помидорининг рекорд даражадаги юқори нархини қайд этишмоқда. Сўнгги икки ой ичида ушбу маҳсулотнинг ўртача улгуржи нархлари икки баробар ошди ва жорий нархлар даражаси 2020 йилнинг шу даврига нисбатан 7 баробар, 2019 йилдагига қараганда деярли 3 баравар юқори!

EastFruit август ойи ўрталарида черри помидорининг нархи деярли икки баробар пасайгани ҳақида ёзган эди. Шу йилнинг июнь ойи бошидан август ойи ўрталарига қадар ўртача улгуржи нархлар 32 000 сўм/кг (3,0 доллар)дан 17 000 сўм/кг (1,6 доллар)га тушди. Шунга қарамай, 2021 йилнинг 15 август ҳолатига кўра, ушбу маҳсулотларнинг ўртача улгуржи нархлари 2019-2020 йиллардаги шу санага нисбатан 60-90% юқорилигича қолган эди.

Аммо шундан бери черри помидорининг нархи яна ошди ва икки баробар ўсди. 2021 йилнинг август ойи ўрталаридан 7 октябрига қадар ушбу маҳсулотнинг ўртача улгуржи нархлари 17 000 сўм/кг (1,6 доллар) дан 35 000 сўм/кг (3,3 доллар)га кўтарилди. Жорий нархлар 2019-2020 йиллардаги худди шу санага нисбатан бир неча баравар юқори даражададир. Масалан, 2020 йилнинг 7 октябрь ҳолатига кўра, Ўзбекистонда черри помидорининг ўртача улгуржи нархи 5 000 сўм/кг (0,5 доллар) бўлган, 2019 йилнинг худди шу санасида 12 000 сўм/кг (1,3 доллар) эди.

Шунингдек ўқинг: Британияликлар Ўзбекистон меваларига қизиқиш билдирмоқда

Ҳозир республика пойтахтидаги супермаркетларда черри помидорининг чакана нархи сифат ва калибрга қараб, 43 000 сўм/кг (4,0 доллар)дан 52 000 сўм/кг (4,9 доллар) гача бўлган кўрсаткични ташкил этмоқда.

EastFruit ҳар ҳафта 60 дан ортиқ мева-сабзавот маҳсулотларининг улгуржи нархлари бўйича мониторинг ўтказадиган мамлакатларда бу маҳсулотнинг ўртача улгуржи нархи фақат Россияда юқори – 4,0 доллар/кг дир. 2021 йилнинг 7 октябрь ҳолатига кўра, энг паст улгуржи нархлар Беларусь (1,0 $/кг), Молдова (1,1 $/кг) ҳамда Украинада (1,1 $/кг) кузатилган. Шундай қилиб, Ўзбекистонда черри помидорининг ўртача улгуржи нархи Беларусь, Молдова ва Украинага нисбатан 3 баравар юқори.

Сообщение Ўзбекистонда черри помидорининг нархи яна рекорд даражага кўтарилди появились сначала на EastFruit.

EastFruit таҳлилчилари Ўзбекистонда бу мавсум черри помидорининг юқори нархини қайд этишмоқда. Охирги икки ойда нархлар деярли икки баробар пасайганига қарамай, бу маҳсулотнинг ўртача улгуржи нархлари ўтган йилга нисбатан 60-90%  юқорилигича қолмоқда.

Жорий йилнинг июнь ойи бошидан буён Ўзбекистон пойтахти бозорларида черрининг ўртача улгуржи нархлари 2021 йилнинг август ойи ўрталарига келиб, 32 000 сўм/кг ($3,03)дан 17 000 сўм/кг ($1,59)гача пасайди.

Деярли икки баробар пасайишга қарамай, маҳсулотнинг жорий нархи юқорилигича қолмоқда. Таққослаш учун айтадиган бўлсак, черри помидорининг ўртача улгуржи нархи 2019-2020 йилларнинг шу даврида анча паст эди: июнь ойи бошида – 8 000-9 000 сўм/кг ($0,79-1,06), август ойи ўрталарида эса – 9 000-10 000 сўм/кг ($1,01-1,07) бўлган. Шундай қилиб, агар 2021 йилнинг июнь ойи бошида черри помидори 2019-2020 йиллардагига нисбатан 3 баробар қимматроқ бўлган бўлса, 2021 йилнинг август ойи ўрталарига келиб, унинг нархи 60-90%га баландроқ. Ушбу фарқ уч мартадан кўпроқ қисқарган, аммо барибир катталигича қолмоқда.

Шунингдек ўқинг: Узум, шафтоли ва нектарин – 2021 йил август ойининг биринчи ўн кунлигида Ўзбекистондан сархил мева-сабзавотлар экспортида асосий позициялар

EastFruit 60дан зиёд мева-сабзавот маҳсулотларининг улгуржи нархлари бўйича ҳафталик мониторинг ўтказадиган мамлакатлар орасида бу маҳсулот нархи фақат Россияда юқори – 2,81 $/кг дир. 2021 йилнинг 12 август ҳолатига кўра, ушбу маҳсулотнинг энг паст улгуржи нархлари Молдова (0,68 $/кг) ва Грузияда (0,80 $/кг) кузатилган, ўртача нарх даражаси эса Беларусь (1,0 $/кг) ва Украинада (1,31 $/кг) қайд этилган.

Сообщение Ўзбекистонда бу мавсум черри помидорининг ўртача улгуржи нархи ўтган йилга нисбатан 60-90% юқори появились сначала на EastFruit.