Бутун жаҳон бўйлаб логистика занжирлари узилиши Миср ва Перудан мевалар экспорти  тўхташига олиб келди.

Мисрдаги Nile Establishment корхонасининг экспорт ва логистика бўйича менежери Эсра Ассафнинг сўзларига кўра, мамлакат ўтган йили энг йирик апельсин экспортёри бўлган ва хориж мамлакатларига қарийб 1,8 миллион тонна мева жўнатган эди. Бу мавсум фермерлар учун қийин кечди. Талаб 40 фоизга камайиши билан бирга нархлар ҳам пасайди. Шунингдек, компания етказиб бериш тўхтатилиши туфайли Россия бозорини бой берди дея хабар бермоқда Fruit-inform.

Эсра Ассафнинг сўзларига кўра, бу йил денгиз орқали юк ташиш ва қадоқлаш харажатлари сезиларли даражада ошган.Табиийки, бу маҳсулотнинг умумий таннархига салбий таъсир кўрсатган.

Россия бозорими ёки Европа ва Осиё бозорими, буларнинг ҳар бири мисрлик апельсин экспортёрлари дуч келадиган ўзига хос муаммоларга эга: “Россия Миср апельсинларининг асосий импортёрларидан бири ҳисобланади. Юзага келган можаро, валюта ва тўловлар билан боғлиқ муаммолар, ҳатто Россиянинг айрим портларида юк ташиш тўхтатилиши туфайли ушбу бозордаги вазиятни аввалдан айтиб бўлмайди.  Бундан ташқари, мевалар нархи жуда ҳам тушиб кетган. Натижада, бу йил, дастлабки прогнозларга кўра, Миср апельсин ҳосилининг 40 фоизини етказиб бера олмаслиги мумкин”.

Шунингдек ўқинг: Жаҳон банан бозори: Россия ва Украинада нархлар кўтарилди, бошқа мамлакатларда эса ортиқча маҳсулот сабаб, фермерлар даромади пасайди

Баъзи мисрлик экспортёрлар ҳозирданоқ етказиб беришни Европа бозорига тўлиқ йўналтириб бўлди. Яна айримлар Бангладеш ва Ҳиндистонга цитрус мевалар сотишга ҳаракат қилди. Бироқ, санаб ўтилган мамлакатлар маҳсулотларни кичик партиялардагина сотиб олишга тайёр, Малайзия ва Сингапурда эса талаб паст.  Хитой етарли миқдорда апельсин етиштиради, шу боис, Миср маҳсулотларининг бу мамлакатда рақобатлашуви қийин.

Freshfruitportal маълумотларига кўра, перулик авокадо етиштирувчилар ҳам бу йил қийин вазиятга тушиб қолишди. Жанубий Америка мамлакати учун Россия етказиб бериш ҳажми бўйича учинчи йирик импортёр ҳисобланади. Жорий йилда мева етиштирувчилар экспорт ҳажмини оширишни режалаштирган. Аммо 2022 йилнинг дастлабки икки ойи давомида 41 миллион долларлик 18 335 тонна авокадо етказиб беришга муваффақ бўлинди, бу ўтган йилнинг шу даврига нисбатан 1 фоизга кўп ва қиймат жиҳатидан 11 фоизга камдир.

2021 йилнинг февраль ойида Россия Перуда етиштирилган авокадонинг 11 фоизини импорт қилган.  Аммо бу йил Россиянинг Украинадаги жанговар ҳаракатлари ва Россиядаги иқтисодий инқироз ҳажмнинг 49% га, қийматнинг эса 34% га пасайишига олиб келди.  Февраль ойида Перу авокадоларини етказиб бериш атиги 989 тоннани ёки маблағ шаклида 2 миллион долларни ташкил этди.

Перу авокадосини денгиз орқали ташиш билан боғлиқ муаммолар туфайли Испания ва Голландия истеъмолчиларига мева етиб бормади. Испанияга етказиб бериш 1727 тоннани ёки 4 миллион долларни ташкил этди, бу ҳажм бўйича 28 фоиз ва қиймат бўйича 40 фоиз кам кўрсаткичдир.

Сообщение Миср ва Перу фермерлари логистика занжири узилиши туфайли миллионлаб зарар кўрмоқда появились сначала на EastFruit.

2022 йилнинг февраль ойи ўрталарида EastFruit Ўзбекистонда апельсиннинг улгуржи нархларида барқарор пасайиш тренди ҳақида ёзган эди. Қайд этилишича, 2020-2021 йилларнинг январь-февраль ойларида ҳам худди шундай тенденция кузатилган. Таҳлилчилар ўтган йилларнинг январь-февраль ойларидаги улгуржи нархлар динамикаси 2022 йилда ҳам такрорланса, апельсин нархларининг янада пасайишини тахмин қилишган эди.

EastFruitнинг нархлар мониторинги маълумотларига кўра, ўшандан буён Ўзбекистонда апельсиннинг ўртача нархи пасайишда давом этди – 2022 йилнинг 11 февралидан 11 мартига қадар нархлар 1 кг учун 13 000 дан 11 000 сўмгача, яъни, 15% га пасайган. Шундай қилиб, 2022 йилнинг январь ойи бошидан 11 мартига қадар ушбу маҳсулотнинг ўртача улгуржи нархлари 1 кг учун 16 000 дан 11 сўмгача, яъни, деярли икки ярим ой ичида 31 фоизга пасайди.

2022 йилнинг январь ойидан март ойининг биринчи ярмигача Ўзбекистонда апельсиннинг ўртача улгуржи нархлари 2021 йилдаги мос даврга нисбатан ўртача 25 фоиз паст бўлди. Юқоридаги жадвалдан кўриниб турибдики, 2022 йилнинг ушбу даврида апельсиннинг улгуржи нархлари даражаси 2020 йилнинг худди шу давридаги улгуржи нархларга жуда яқин ва фақат 2022 йилнинг февраль ойи охири ва март ойи бошида нархлар ўша йилдагидан 10-20% баландроқ бўлди.

EastFruit экспертлари аввалроқ қайд этганидек, апельсин нархи пастлигига асосий сабаблардан бири мамлакат ҳукуматининг  импорт қилинадиган бир қатор цитрус меваларни божхона божидан озод қилиш тўғрисидаги 2021 йил 7 октябрда қабул қилинган қароридир. Бундай қарор қабул қилинишидан аввал ушбу меваларни олиб киришда 10–20 фоиз, бироқ, ҳар бир килограмм учун 0,2 доллардан кам бўлмаган божхона тўлови ставкаси қўлланган.

EastFruit таҳлилчиларининг маълумотларига кўра, 2022 йилнинг январь-февраль ойларида Ўзбекистон 1,94 минг тонна апельсин импорт қилди, бу 2021 йилнинг шу даврига нисбатан 33 фоиз ва 2020 йилнинг шу даврига нисбатан 2,4 баробар кўпдир. Бутун 2021 йил давомида Ўзбекистон сўнгги беш йил ичидаги рекорд даражада апельсин импорт қилганини ҳисобга олсак, жорий йилнинг биринчи ойларида ҳам ушбу маҳсулот истеъмоли ўсиши тенденцияси давом этди.

Сообщение Ўзбекистонда 2022 йил бошидан буён апельсин 31 фоизга арзонлашди появились сначала на EastFruit.

Сўнгги ой Ўзбекистонда апельсиннинг ўртача улгуржи нархлари 19 фоизга пасайган. EastFruit таҳлилчиларининг қайд этишича, шунга ўхшаш тенденция, яъни, ушбу маҳсулотнинг улгуржи нархлари пасайиши тренди 2020 ва 2021 йилларнинг январь-февраль ойларида ҳам кузатилган.

2022 йилнинг 7 январидан 11 февралига қадар Ўзбекистонда апельсиннинг ўртача улгуржи нархлари 1 кг учун 16 минг сўмдан 13 минг сўмга пасайди ва бу ўтган йилларнинг шу даврида кузатилган пасайиш трендини такрорлади.

2022 йилнинг январь ойи ва февральнинг биринчи ўн кунлигида Ўзбекистонда апельсиннинг ўртача улгуржи нархлари 2021 йилнинг шу даврига нисбатан ўртача 25 фоиз паст бўлди. Юқоридаги графикдан кўриниб турибдики, 2022 йилнинг ушбу даврида апельсиннинг улгуржи нархлари даражаси 2020 йилдаги улгуржи нархларга жуда яқин, 28 январдаги нарх бундан мустасно.

Апельсин нархи пастлигига асосий сабаблардан бири мамлакат ҳукуматини 2021 йилнинг 7 октябрида қабул қилган қарори билан боғлиқ. Зеро, ушбу қарорда бир қатор мевалар, жумладан, цитруслар импортини божхона божларидан озод қилиш белгиланган. Ҳужжат қабул қилинишидан аввал ушбу меваларни мамлакатга олиб киришда 10–20 фоиз, бироқ, ҳар бир килограмм учун 0,2 доллардан кам бўлмаган божхона божи ставкаси қўлланган. Ўзбекистон ҳукуматининг мазкур қарори мамлакат истеъмолчилари учун жуда ижобий аҳамиятга эга, чунки, иқлим шароити туфайли Ўзбекистон кўп миқдорда апельсин етиштира олмайди.

Агар 2020-2021 йилларнинг дастлабки икки ойида кузатилган апельсин нархлари динамикаси бу йил ҳам такрорланади, деб ҳисобласак, кейинги бир неча ҳафта ичида ушбу маҳсулотнинг улгуржи нархлари янада пасайишини кутиш мумкин.

Эслатиб ўтамиз, Ўзбекистон 2021 йилда сўнгги беш йил ҳисобидан рекорд миқдорда апельсин импорт қилди. Бироқ, импорт ҳажмининг мутлақ кўрсаткичлари, шунингдек, мамлакатда ушбу маҳсулотнинг аҳоли жон бошига истеъмоли бошқа давлатлардагига нисбатан пастлигича қолмоқда.

Ўзбекистонга апельсин етказиб берувчи асосий давлатлар Туркия, Миср ва Жанубий Африка бўлиб, уларнинг биргаликдаги улуши 2021 йили умумий импортнинг 80% дан ортиғини ташкил қилган.  Апельсиннинг тахминан 12-15 фоизи Қозоғистондан импорт қилинган. Табиийки, бу ўринда реэкспорт ҳақида сўз бормоқда.

Сообщение Ўзбекистонда апельсин бир ой давомида қарийб 20 фоиз арзонлашди появились сначала на EastFruit.

EastFruit 2021 йилнинг август ойи охирида Ўзбекистон 2021 йил якунига кўра пандемиядан аввалги давр – 2019 йилда қайд этилган апельсин импорти бўйича рекордни янгилаши мумкинлиги ҳақида ёзган эди. Таҳлилчилар бу эҳтимолни жуда юқори баҳолашган эди. Дастлабки статистик маълумотларга кўра, якунланган йилда ушбу маҳсулот импорти ҳажми 2019 йилга нисбатан бир ярим баробар кўп бўлди ва охирги беш йил ичидаги максимал даражага етди.

EastFruit таҳлилчиларининг маълумотларига кўра, 2021 йилда Ўзбекистон 7,9 минг тонна апельсин импорт қилган, бу 2020 йилга нисбатан 2,1 баробар ва 2019 йилга нисбатан 55 фоизга кўпдир.

Бироқ, импорт ҳажмининг мутлақ қийматлари, шунингдек, мамлакатда ушбу маҳсулотнинг аҳоли жон бошига истеъмоли бошқа мамлакатларга нисбатан паст даражадалигича қолмоқда.

Мамлакат ҳукуматининг 2021 йил 7 октябрда қабул қилинган қарорига мувофиқ, бир қатор мевалар, жумладан, цитрус мевалар импорти божхона божидан озод қилиниши ҳам апельсин импорти бўйича рекорд даражага эришишга хизмат қилди. Бундай қарор қабул қилинишидан аввал ушбу мевани олиб киришда 10–20 фоиз, бироқ, ҳар бир килограмм учун 0,2 доллардан кам бўлмаган божхона божи ставкаси қўлланар эди.

Ҳукуматнинг импорт божларини нолга тенглаштириш тўғрисидаги қарори импорт ҳажмини оширишда қўшимча омил ролини ўйнади, чунки, бундай қарор қабул қилинишидан бир неча ой аввал, яъни 2021 йилнинг январь-июль ойларида Ўзбекистон 4,2 минг тонна апельсин импорт қилган, бу  2017, 2018 ва 2020 йилларнинг 12 ойида импорт қилингна ҳажмга нисбатан анчайин кўпдир.

2022 йилнинг 14 январь ҳолатига кўра, Ўзбекистонда апельсиннинг ўртача улгуржи нархлари бир кг учун 15 000 сўмни ташкил этмоқда, бу 2021 йилнинг шу санасига нисбатан 25 фоизга арзон. Агар ўтган йил давомида логистика харажатларининг кескин ўсганини ҳисобга олсак, EastFruit таҳлилчиларининг фикрига кўра, бу натижа барча кутилганларидан аъло ва иқлим шароити туфайли апельсинни катта ҳажмда етиштира олмайдиган мамлакат истеъмолчилари учун, албатта, жуда ижобий ҳолат саналади.

Ўзбекистонга апельсин етказиб берувчи асосий давлатлар Туркия, Миср ва Жанубий Африка бўлиб, уларнинг 2021 йилдаги умумий импорт ҳажмидаги улуши 80% дан ортиғини ташкил қилди. Апельсин импортининг 12-15 фоизи Қозоғистон ҳиссасига тўғри келди. Бу мамлакатда ушбу маҳсулот етиштирилмаслигини ҳисобга олсак, мазкур ҳолатда реэкспорт ҳақида сўз бормоқда.

Сообщение Ўзбекистон 2021 йилда сўнгги беш йил ҳисобидан рекорд миқдорда апельсин импорт қилди появились сначала на EastFruit.

Перпиньяне (Франция)даги MIN бозорида мева-сабзавотлар орасида ноодатий апельсин сотилади. Шоколадли апельсин, ўз номидан кўриниб турганидек, жигарранг тусда бўлиб, бу харидорларни ўзига жалб қилмасдан қолмайди. “Бу Испанияда етиштириладиган апельсиннинг Navel навидир. Бундан 10 йил аввал валенсиялик боғбон тасодифан ушбу навни кўриб қолади. Кейин эса ундан гибрид нав ундириб чиқаради ва етиштира бошлайди. Бошида бу навни фақат ўша боғбон етиштирар эди. Ҳозир эса улар уч киши”, – дея тушунтирди Indiana Import компаниясининг савдо бўйича директори Жюльен Кремер (Julien Cremer).

Бу йил мазкур маҳсулот учун алоҳида бозорча очилди. “Бу жуда қизиқарли апельсин нави. Биз 7 йилдан буён ушбу навни етказиб берамиз ва унга талаб ўсишда давом этмоқда. Унинг таъми одатдаги апельсиндан фарқ қилади. Шоколадли апельсиннинг мазаси ширинроқ ва ўта нордон эмас. Оригиналлиги ва бироз танқислиги сабабли, табиийки, у қимматроқ сотилади”, дейди мутахассис.

Унинг айтишича, оддий апельсин 1,30 евро/кг ($1,47/ кг), шоколадли апельсин эса салкам 2,80 евро/кг ($3,16/ кг) нархда сотилмоқда.

Шунингдек ўқинг: Маймунжон, малина ва олча энди уруғсиз ва данаксиз – АҚШ селекционерлари бу борада изланишмоқда

EastFruitнинг FreshPlaza маълумотларига таяниб ёзишича, апельсин мавсуми икки ҳафта аввал бошланди ва 2-3 ой давом этади. Бу давр мобайнида Indiana Import мунтазам равишда Côté Nature ва Open Agro брендлари остида шоколадли апельсин етказиб беришни режалаштирган. Январь ойидан бошлаб эса Indiana Import маҳсулотлари орасида яна бир ғайриоддий мева – Испаниядан келтирилган қизил пўстли лимон ҳам қўшилади.

Сообщение Испанияда етиштирилган шоколадли апельсинлар оддийларига қараганда қимматроқ нархда сотиляпти появились сначала на EastFruit.

EastFruit 2021 йил, 21 октябрь куни Ўзбекистон ҳукуматининг банан, киви, цитруслар, шунингдек, олма, нок, беҳи ва бошқа турдаги сархил ҳамда қуритилган мевалар импортида божхона божидан озод қилиш тўғрисидаги қарори ҳақида ёзган эди. Ушбу қарор қабул қилинишидан аввал мазкур турдаги меваларни олиб киришда 10-20 фоиз, бироқ ҳар бир килограмм учун 0,2 доллардан кам бўлмаган божхона божи ставкаси қўлланган.

Республика ҳукуматининг  қарори эълон қилинганидан кейин  бир ой ўтди ва таҳлилчилар ҳукуматнинг ушбу қарори ўтган вақт ичида қайд этилган меваларнинг улгуржи нархларига амалда қандай таъсир қилганига эътибор қаратишмоқда. Импорт божи нолга тенг бўлган рўйхатдан жой олган меваларнинг бир неча тури EastFruit ҳар ҳафта улгуржи нархларини кузатиб борадиган мева-сабзавот маҳсулотлари тўпламига киради. Бу банан, апельсин, мандарин, олма ва нокдир. Хўш, ушбу меваларнинг улгуржи нархларида қандай ўзгаришлар бор?

Апельсин

Графикдан кўриниб турибдики, апельсиннинг ўртача улгуржи нархлари 2021 йил, 10 ноябрдан пасая бошлаган ва сўнгги икки ҳафта ичида, яъни 5-19 ноябрда 30 000 сўм/кг (2,81 доллар)дан 20 000 сўм/кг (1,86 доллар)гача, яъни, 50% га арзонлашган.

2021 йилнинг 19 ноябрь ҳолатига кўра, Ўзбекистонда апельсиннинг ўртача улгуржи нархлари 2020 йилнинг шу санасига нисбатан 31 фоиз ва 2019 йилнинг шу санасига нисбатан 9 фоиз паст.

Агар апельсиннинг улгуржи нархлари 2019-2020 йилларнинг ноябрь-декабрь ойларида кузатилган пасайиш тенденциясини такрорласа, жорий йил охиригача ушбу мева нархи янада арзонлашишини кутиш мумкин.

Мандарин

Апельсин билан боғлиқ вазиятдан фарқли ўлароқ, мандариннинг ўртача улгуржи нархлари 20 октябрь санасидаги 38 000 сўм/кг (3,55 доллар)дан 19 ноябрига келиб 13 000 сўм/кг (1,21 доллар) гача тушди, яъни, деярли 3 баробар арзонлашди. Ўз-ўзидан аёнки, божхона божларининг нолга туширилиши мандарин нархининг бу тариқа арзонлашишига ягона сабаб эмас, бироқ сўнгги ой учун улгуржи нархлар ҳаракатига сабаб бўлган омиллардан биридир.

2021 йил, 19 ноябрь ҳолатига кўра, мандариннинг ўртача улгуржи нархлари 2020 йилнинг шу санасига нисбатан 2,5 баробар, 2019 йилнинг шу санасига нисбатан эса 32 фоизга арзон.

Агар мандариннинг улгуржи нархлари 2019-2020 йилларнинг ноябрь-декабрь ойларида кузатилган худди шундай пасайиш тенденциясини такрорласа, жорий йил охиригача ушбу маҳсулот нархи янада арзонлашишини кутиш мумкин.

Банан

Апельсин билан бўлгани каби бананнинг ўртача улгуржи нархлари 2021 йил, 10 ноябрдан туша бошлади, сўнгги икки ҳафта ичида – 5-19 ноябрда 19 000 сўм/кг (1,78 доллар)дан 16 000 сўм/кг ($1,49)га тушди, яъни. 16% арзонлашди.

2021 йил, 19 ноябрь ҳолатига кўра, Ўзбекистонда бананнинг ўртача улгуржи нархлари 2020 йилнинг шу санасига нисбатан 20 фоиз, 2019 йилнинг шу санасига нисбатан эса 11 фоиз арзон.

Агар бананнинг улгуржи нархлари 2019-2020 йилларнинг ноябрь-декабрь ойларидаги каби пасайиш тенденциясини такрорласа, 2021 йил охирига келиб, бананнинг улгуржи нархлари янада арзонлашиши мумкин.

Қайд этиш жоизки, бананнинг ҳозирги улгуржи нархлари 2021 йил, январь ойида қайд этилган энг паст кўрсаткичлар даражасида турибди.

Олма ва нокка келсак, ҳозирча ушбу маҳсулотларнинг улгуржи нархларида сезиларли пасайиш кузатилмаяпти.

Сообщение Ўзбекистонда импорт божларининг нолга туширилиши цитрус мевалар ва банан нархига қандай таъсир қилди? появились сначала на EastFruit.

EastFruit таҳлилчиларининг фикрича, 2021 йил охирига бориб, Ўзбекистон апельсин импорти бўйича 2019 йилда қайд этилган рекордни янгилаши мумкин. Бироқ, бошқа мамлакатлар билан солиштирганда импорт ҳажми ва бу маҳсулотнинг республикада аҳоли жон бошига истеъмоли  бошқа давлатларга қараганда паст даражада қолмоқда.

Ўзбекистон Республикаси Давлат статистика қўмитасининг яқинда эълон қилган маълумотларига кўра, 2021 йилнинг январь-июль ойларида мамлакат 2,2 миллион долларлик 4,2 минг тонна апельсин импорт қилган. Бу жисмоний кўрсаткич бўйича ўтган йилнинг шу даврига нисбатан 2,2 минг тонна ёки 110 фоизга кўпдир.

Боз устига, 2021 йилнинг ўтган 7 ойида Ўзбекистон 2017, 2018 ва 2020 йилларга қараганда анча кўп апельсин импорт қилган.

Ўзбекистонга апельсин импорти бўйича аввалги рекорд 2019 йил бўйича қайд этилган эди, ўшанда Ўзбекистон 5,1 минг тонна апельсин импорт қилган. Шу билан бирга, жорий йилнинг қолган қисми – августдан декабргача бўлган даврда Ўзбекистонга олиб келинадиган апельсин импорти ҳажми ҳисобга олсак, 2021 йил якуний натижалари бўйича 2019 йилги рекорд янгиланиши мумкин. EastFruit таҳлилчиларининг фикрича, бунинг эҳтимоли анча юқори. Ўзбекистонга апельсин етказиб берувчи асосий мамлакатлар – Туркия, Миср ва Жанубий Aфрикадир. Уларнинг умумий улуши 2020 йилни ҳисобга олмаганда жами импортнинг 97-98 фоизини ташкил қилади. Ўтган йили апельсин импортининг қарийб 12 фоизи Россия ва Қозоғистондан импорт қилинган. Бу мамлакатлар ушбу маҳсулотни етиштирмаслигини ҳисобга олсак, апельсин мазкур мамлакатлар орқали импорт қилинган, дея тахмин қилиш мумкин.

2019 ва 2021 йилларда импортнинг юқори ўсиш суръатларига қарамай, Ўзбекистонда импорт ҳажми ва аҳоли жон бошига апельсин истеъмоли бошқа давлатларга нисбатан паст даражада қолмоқда. Бу худди мандарин ва банан билан бўлгани сингари маҳсулот нархи юқори эканлиги туфайлидир. Зеро, мамлакат жаҳон океанлари ва денгиз портларидан анча узоқ масофада  жойлашган. Шунга кўра, ушбу меваларни Ўзбекистонга ташиш жуда қимматга тушади.

EastFruit ҳар ҳафта мева-сабзавот маҳсулотлари мониторингини ўтказадиган мамлакатлар ичида апельсин нархи фақат Тожикистонда юқори (2,47 $/кг), бошқа мамлакатлар – Молдова, Украина, Россия ва Беларусда унинг нархи 1,08 дан 1,39 $/кг оралиғидадир.

Сообщение 2021 йилда Ўзбекистон апельсин импорти бўйича рекордни янгилаши мумкин появились сначала на EastFruit.

Туркиядан лимон экспорти 2021 йилнинг январь-июль ойларида ўтган йилнинг шу даврига нисбатан 59 фоизга ошиб, 147 миллион 964 минг долларга етди, буни Туркия Ўрта Ер денгизи минтақаси экспортчилари уюшмаси маълумотлари тасдиқлайди.

Ҳисобот даврида цитрус мевалари экспорти ҳажми жиҳатдан 734 791 тоннани ва қиймати 382 миллион долларни ташкил этди.

Бу сектор экспортининг энг катта улуши лимон ҳиссасига тўғри келди. Шундай қилиб, дастлабки 7 ойда Туркия ташқи бозорга 147 миллион 964 минг долларлик 286 855 тонна лимон етказиб берди.

Ўсиш ўтган йилнинг шу даврига нисбатан ҳажм бўйича 91% ва пул билан ифодалаганда 59% ни ташкил этди.

Лимоннинг юқори кўрсаткичли экспорти фермерларни ҳам, экспортчиларни ҳам хурсанд қилди.

Шунингдек ўқинг: Биринчи ярим йилликда Туркия сархил мева-сабзавотлар экспортини 25 фоизга оширди

Январь-июль ойларида Туркиядан мандарин экспорти 141 миллион 982 минг долларни, грейфурт – 51 миллион 229 минг долларни, апельсин – 40 миллион 827 минг долларни ташкил этди.

Цитрус етиштирувчилар миллий кенгаши раҳбари Камал Качмазнинг «Анадолу» агентлигига айтишича, энг кўп лимон Россия, Ироқ, Руминия, Украина ва Сербияга етказиб берилган.

Унинг айтишича, август ойи охирида цитрус мевалар учун янги экспорт мавсуми бошланади ва бундан экспортчиларнинг умиди катта.

Январь-июль ойларида Туркиядан цитрус мевалари экспорти:

Сообщение Туркия лимон экспортини 59 фоизга оширди появились сначала на EastFruit.